AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

కార్తీక మాసంలో గిరివలయం చేస్తే ఇన్ని ప్రయోజనాలా? శివుడి అనుగ్రహం పొందడానికి ఇదే సరైన సమయం!

Karthika Masam Tiruvannamalai Giripradakshina: కార్తీక మాసంలో తిరువణ్ణామలై అరుణాచలేశ్వర స్వామి కొండ చుట్టూ గిరివలయం చేయడం అత్యంత పుణ్యప్రదమని భక్తుల విశ్వాసం. ముఖ్యంగా కార్తీక పౌర్ణమి, కార్తీక దీపోత్సవం రోజుల్లో గిరిప్రదక్షిణ చేయడం వల్ల ఎలాంటి ఆధ్యాత్మిక ప్రయోజనాలు కలుగుతాయి? నవగ్రహ దోషాల నుంచి ఉపశమనం, మనశ్శాంతి కోసం ఈ యాత్ర ఎందుకు ప్రత్యేకమో తెలుసుకుందాం.

కార్తీక మాసంలో గిరివలయం చేస్తే ఇన్ని ప్రయోజనాలా? శివుడి అనుగ్రహం పొందడానికి ఇదే సరైన సమయం!
Karthika Masam Tiruvannamalai Giripradakshina
Rajashekher G
|

Updated on: Nov 20, 2026 | 10:26 PM

Share

Tiruvannamalai Arunachaleswarar Temple: హిందూ మతంలో కార్తీక మాసానికి ఎంతో ప్రత్యేకమైన స్థానం ఉంది. ఈ మాసం శివకేశవులకు అత్యంత ప్రీతికరమైనదిగా భక్తులు భావిస్తారు. ముఖ్యంగా కార్తీక పౌర్ణమి సమయంలో తిరువణ్ణామలై వంటి పవిత్ర పుణ్యక్షేత్రాలను సందర్శించి గిరివలయం (గిరి ప్రదక్షిణ)చేయడం అత్యంత పుణ్యప్రదమని నమ్ముతారు. అరుణాచలేశ్వరుడిగా కొలువైన పరమశివుడు కొండ రూపంలోనే కొలువై ఉన్నాడని పురాణాలు చెబుతున్నాయి. అందుకే ఆ కొండ చుట్టూ ప్రదక్షిణ చేయడాన్ని స్వామివారికి నేరుగా ప్రదక్షిణ చేసినట్లుగా భక్తులు భావిస్తారు.

జ్యోతిరూపంలో దర్శనమిచ్చే శివుడు

పురాణాల ప్రకారం, ఒకసారి బ్రహ్మ, విష్ణువుల మధ్య ఎవరు గొప్పవారనే వివాదం ఏర్పడగా, వారి అహంకారాన్ని తొలగించేందుకు పరమశివుడు అంతులేని జ్యోతిస్తంభంగా ఆవిర్భవించాడు. ఆ జ్యోతిరూపమే అరుణాచల క్షేత్రానికి ఆధ్యాత్మిక ప్రాధాన్యతను తీసుకొచ్చిందని విశ్వసిస్తారు. కార్తీక దీపోత్సవం సందర్భంగా అరుణాచల కొండపై మహాదీపాన్ని వెలిగించడం ఈ ఘట్టానికి ప్రతీకగా భావిస్తారు.

నవగ్రహ దోషాల నుంచి ఉపశమనం

ఆధ్యాత్మిక విశ్వాసాల ప్రకారం, కార్తీక మాసంలో గిరివలయం చేయడం వల్ల జాతకంలోని నవగ్రహ దోషాల ప్రభావం తగ్గుతుందని చెబుతారు. గిరివలయం మార్గంలో ఉన్న అష్టలింగాలను దర్శించి పూజించడం ద్వారా అష్టదిక్పాలకుల అనుగ్రహం లభిస్తుందని భక్తుల నమ్మకం. కొండ ప్రాంతంలోని ప్రకృతి అందాలను ఆస్వాదిస్తూ నడవడం శారీరక ఆరోగ్యానికి, మానసిక ప్రశాంతతకు కూడా తోడ్పడుతుంది.

ఇవి కూడా చదవండి

మనశ్శాంతి, ఆధ్యాత్మిక ఉన్నతి

గిరివలయం సమయంలో శివనామస్మరణ చేస్తూ నడవడం వల్ల మనసులోని ఆందోళనలు తగ్గి, ఏకాగ్రత పెరుగుతుందని భక్తులు భావిస్తారు. పాదరక్షలు లేకుండా నడవడం, భగవంతుడిపై భక్తిని చాటుకోవడం ఆధ్యాత్మిక సాధనలో భాగంగా పాటిస్తారు. ముఖ్యంగా కార్తీక పౌర్ణమి, కార్తీక దీపోత్సవం రోజుల్లో గిరివలయం చేయడం విశేష ఫలితాలను ఇస్తుందని భక్తుల విశ్వాసం. ఇలా భక్తిశ్రద్ధలతో శివుడిని ఆరాధించడం ద్వారా పాపాలు తొలగి, సకల శుభాలు కలిగి చివరకు మోక్షం లభిస్తుందని ఆధ్యాత్మిక గ్రంథాలు పేర్కొంటాయి.

(Disclaimer: ఈ కథనంలో అందించిన సమాచారం పురాణాలు, ఆధ్యాత్మిక గ్రంథాలు, మత విశ్వాసాల ఆధారంగా రూపొందించబడింది. గిరివలయం వల్ల కలిగే ఆధ్యాత్మిక ప్రయోజనాలు భక్తుల నమ్మకాలుగా మాత్రమే పరిగణించాలి.)

Follow Us
కార్తీక మాసంలో గిరివలయం చేస్తే ఇన్ని ప్రయోజనాలా? శివుడి అనుగ్రహం
కార్తీక మాసంలో గిరివలయం చేస్తే ఇన్ని ప్రయోజనాలా? శివుడి అనుగ్రహం
తెలంగాణ భూముల రీసర్వేపై మార్గదర్శకాలను జారీ చేసిన ప్రభుత్వం
తెలంగాణ భూముల రీసర్వేపై మార్గదర్శకాలను జారీ చేసిన ప్రభుత్వం
రష్మిక 'మైసా' సినిమా.. 'ఓసేయ్ రాములమ్మ' రీమిక్స్ సాంగ్ వచ్చేసింది
రష్మిక 'మైసా' సినిమా.. 'ఓసేయ్ రాములమ్మ' రీమిక్స్ సాంగ్ వచ్చేసింది
శనివారం ఉదయం ఈ 5 పనులు చేస్తే శని దేవుడి అనుగ్రహం లభిస్తుందట!
శనివారం ఉదయం ఈ 5 పనులు చేస్తే శని దేవుడి అనుగ్రహం లభిస్తుందట!
నా కోటలోకి నువ్వొస్తే.. నీ కోటలోకి నేనొస్తా..
నా కోటలోకి నువ్వొస్తే.. నీ కోటలోకి నేనొస్తా..
ఆ నలుగురిని రిలీజ్ చేసి బొక్కబోర్లా పడ్డ ఐపీఎల్ టీమ్స్.. ఎందుకంటే
ఆ నలుగురిని రిలీజ్ చేసి బొక్కబోర్లా పడ్డ ఐపీఎల్ టీమ్స్.. ఎందుకంటే
వాక్.. తూ ప్రపంచంలోనే ఖరీదైన కాఫీ.. చేసేది దీంతోనా?
వాక్.. తూ ప్రపంచంలోనే ఖరీదైన కాఫీ.. చేసేది దీంతోనా?
రాగులు, జొన్నలు, సజ్జలు.. మూడింటిలో ఆరోగ్యానికి ఏది బెస్ట్‌
రాగులు, జొన్నలు, సజ్జలు.. మూడింటిలో ఆరోగ్యానికి ఏది బెస్ట్‌
విన్నర్ అయ్యేది అతడే.. ఓటింగ్ లో మార్పులు.. ఎలిమినేట్ అయ్యేది..
విన్నర్ అయ్యేది అతడే.. ఓటింగ్ లో మార్పులు.. ఎలిమినేట్ అయ్యేది..
రెండు జ్యోతిర్లింగాలతో పాటు దక్షిణ భారత పుణ్యక్షేత్రాల సందర్శన..
రెండు జ్యోతిర్లింగాలతో పాటు దక్షిణ భారత పుణ్యక్షేత్రాల సందర్శన..