Actress: ఈ చిన్నారిని గుర్తుపట్టారా? సిల్వర్‌ స్క్రీన్‌పై అసలు సిసలు సౌందర్యమంటే ఈ స్టార్‌ హీరోయిన్‌దే..
తన అందం, అభినయంతో దక్షిణాదిన స్టార్‌ హీరోయిన్‌గా వెలుగొందింది. హిందీలోనూ సూపర్‌ హిట్ సినిమాల్లో నటించింది. చిరంజీవి, బాలకృష్ణ, నాగార్జున, వెంకటేష్‌, అమితాబ్‌ బచ్చన్‌, రజనీకాంత్‌, జగపతి బాబు, శ్రీకాంత్, రాజేంద్రప్రసాద్, రాజశేఖర్, విష్ణు వర్థన్ తదితర స్టార్‌ హీరోలతో జతకట్టారు. వెండితెరపై తిరుగులేని నటిగా గుర్తింపు పొందింది.
పై ఫొటోలో క్యూట్‌గా కనిపిస్తున్న చిన్నారిని గుర్తుపట్టారా? ఆమె ఒక ప్రముఖ హీరోయిన్‌. డాక్టరై స్టెతస్కోప్‌ పట్టుకుందామని అనుకోకుండా సిల్వర్‌ స్క్రీన్‌పై అడుగుపెట్టింది. సాధారణంగా సినిమాలంటేనే గ్లామర్‌. హీరోయిన్లు కూడా స్కిన్‌ షో చేస్తేనే సక్సెస్‌ అవుతారని కొందరి అభిప్రాయం. అయితే ఈ అందాల తార మాత్రం హోమ్లీ హీరోయిన్‌గానే గుర్తింపు తెచ్చుకుంది. తన అందం, అభినయంతో దక్షిణాదిన స్టార్‌ హీరోయిన్‌గా వెలుగొందింది. హిందీలోనూ సూపర్‌ హిట్ సినిమాల్లో నటించింది. చిరంజీవి, బాలకృష్ణ, నాగార్జున, వెంకటేష్‌, అమితాబ్‌ బచ్చన్‌, రజనీకాంత్‌, జగపతి బాబు, శ్రీకాంత్, రాజేంద్రప్రసాద్, రాజశేఖర్, విష్ణు వర్థన్ తదితర స్టార్‌ హీరోలతో జతకట్టారు. వెండితెరపై తిరుగులేని నటిగా గుర్తింపు పొందింది. అయితే ఆమె సక్సెస్‌ను చూసి విధికి కన్ను కుట్టిందేమో. కేవలం 32 ఏళ్లకే ఓ ప్రమాదంలో కన్నుమూసింది. అయితే తన సినిమాల రూపంలో నిత్యం ప్రేక్షకుల మనసులో నిలిచిపోతుంది. అభినవ సావిత్రిగా వెండితెరపై చెరగని ముద్ర వేసిన నటి ఎవరో మరెవరో కాదు.. సౌందర్య.
సౌందర్య ఏప్రిల్ 17, 2004 లో విమాన ప్రమాదంలో చిన్న వయసులో కన్నుమూశారు. ఓ పార్టీ తరఫున ఎన్నికల ప్రచారంలో పాల్గొనేందుకు వెళుతుండగా అనుకోకుండా ఈ ప్రమాదం జరిగింది. ఈ ప్రమాదంలో సౌందర్యతో పాటు ఆమె తమ్ముడు కూడా మరణించాడు. కాగా మంగళవారం (జులై 18) సౌందర్య జయంతి. ఈ సందర్భంగా తన చిన్ననాటి, అరుదైన ఫొటోలు సోషల్‌ మీడియాలో తెగ వైరలవుతున్నాయి. ఈ సందర్భంగా అభిమానులు, నెటిజన్లు సౌందర్య సినిమాలను గుర్తుతెచ్చుకుంటున్నారు. నెట్టింట సౌందర్య ఫొటోస్‌, వీడియోలు, పాత ఇంటర్వ్యూలకు సంబంధించిన పోస్టులు షేర్‌ చేస్తున్నారు.
Soundarya
మరిన్ని సినిమా వార్తల కోసం ఇక్కడ క్లిక్ చేయండి.
