Tollywood: ఈ చిన్నారి ఎవరో గుర్తుపట్టారా ?.. ఒకప్పుడు స్టార్ హీరోయిన్.. తల్లైనా తరగని అందం..

సౌత్ టూ నార్త్... ఈ బ్యూటీకి ఉన్న ఫాలోయింగ్ గురించి చెప్పక్కర్లేదు. సహజ నటనతో మెప్పించిన ఈ బ్యూటీ.. కెరీర్ మంచి ఫాంలో ఉన్న సమయంలోనే ఓ బాలీవుడ్ హీరోను ప్రేమ వివాహం చేసుకున్నారు. వీరికి ఇద్దరు అబ్బాయిలు ఉన్నారు. పెళ్లి తర్వాత సినిమాలకు దూరంగా ఉన్న ఈ హీరోయిన్.. ఇప్పుడిప్పుడే రీఎంట్రీకి సిద్ధమవుతుంది. ఇటీవలే తన భర్తతో కలిసి నటించిన సినిమా సూపర్ హిట్ అయ్యింది.

Actress

Rajitha Chanti |

Updated on: Aug 06, 2023 | 12:20 PM

పైన కనిపిస్తోన్న ఆ చిన్నారి ఒకప్పుడు టాలీవుడ్ క్రేజీ హీరోయిన్. అందం, అమాయకత్వం.. అంతకు మించిన అల్లరితనంతో ఎంతో మంది అభిమానులను సంపాదించుకుంది. స్టార్ హీరోస్ సరసన ఎన్నో సూపర్ హిట్ చిత్రాల్లో నటించి తనకంటూ ఓ గుర్తింపు తెచ్చుకుంది. సౌత్ టూ నార్త్… ఈ బ్యూటీకి ఉన్న ఫాలోయింగ్ గురించి చెప్పక్కర్లేదు. సహజ నటనతో మెప్పించిన ఈ బ్యూటీ.. కెరీర్ మంచి ఫాంలో ఉన్న సమయంలోనే ఓ బాలీవుడ్ హీరోను ప్రేమ వివాహం చేసుకున్నారు. వీరికి ఇద్దరు అబ్బాయిలు ఉన్నారు. పెళ్లి తర్వాత సినిమాలకు దూరంగా ఉన్న ఈ హీరోయిన్.. ఇప్పుడిప్పుడే రీఎంట్రీకి సిద్ధమవుతుంది. ఇటీవలే తన భర్తతో కలిసి నటించిన సినిమా సూపర్ హిట్ అయ్యింది. అంతేకాకుండా.. రీఎంట్రీతో భారీ విజయాన్ని ఖాతాలో వేసుకుంది. ఇంతకీ ఎవరో గుర్తుపట్టారా ?… తనే టాలీవుడ్ హ.. హ.. హసిని.. అలియాస్ జెనిలీయా.

1987 ఆగస్ట్ 5న ముంబైలో జన్మించిన జెనీలియా.. తుఝే మేరీ కసమ్ (నువ్వే కావాలి రీమేక్) సినిమాతో నటిగా తెరంగేట్రం చేసింది మొదటి సినిమాతోనే సూపర్ హిట్ ఖాతాలో వేసుకునన ఆమె.. ఆ తర్వాత డైరెక్టర్ శంకర్ తెరకెక్కించిన బాయ్స్ సినిమాలో నటించింది. తమిళంలో రూపొందించిన ఈ మూవీ తెలుగులోనూ విడుదలై హిట్ అయ్యింది. ఆ తర్వాత ఈ బ్యూటీకి తెలుగులోనూ ఎక్కువ అవకాశాలు వచ్చాయి. ఎన్టీఆర్ సరసన సాంబ, నా అల్లుడు చిత్రాల్లో నటించింది. ఇక వెంకీ జోడిగా సుభాష్ చంద్రబోస్ మూవీలో నటించగా.. సై, హ్యాపీ, రామ్ సినిమాలలో నటించింది.

ఇవి కూడా చదవండి

ఇక సిద్దార్థ్ హీరోగా నటించిన బొమ్మరిల్లు సినిమాతో జెనీలియా క్రేజ్ ఒక్కసారిగా మారిపోయింది. ఇందులో తన అల్లరి, అమాయకత్వం.. తింగరి పిల్లగా కనిపించి తెలుగు ప్రేక్షకులను ఆకట్టుకుంది. ఈ సినిమాతో హాసినిగా గుర్తింపు తెచ్చుకుంది. తెలుగుతోపాటు… హిందీలోనూ పలు సినిమాల్లో నటించి మెప్పించింది జెనీలియా. ఇక 2012లో బాలీవుడ్ హీరో రితేశ్ దేశ్ ముఖ్ ను ప్రేమ వివాహం చేసుకున్నారు జెనీలియా. వీరికి ఇద్దరు అబ్బాయిలు ఉన్నారు. ఇటీవలే తన భర్తతో కలిసి వేద్ (మజిలీ రీమేక్) సినిమాతో రీఎంట్రీ ఇచ్చింది. ఈ మూవీకి మంచి రెస్పాన్స్ వచ్చింది.