Tollywood: ఒకప్పుడు స్మితా సబర్వాల్ దగ్గర ఉద్యోగం.. ఇప్పుడు టాలీవుడ్ స్టార్ కమెడియన్.. ఎవరో గుర్తు పట్టారా?

పై ఫొటోలో హీరోలా పోజులిస్తోన్న కుర్రాడిని గుర్తు పట్టారా? హీరో కాకపోయినా అతను ఇప్పుడు తెలుగు సినిమా ఇండస్ట్రీలో బాగా ఫేమస్. తన కామెడీ పంచులు, ప్రాసలతో తెలుగు ఆడియెన్స్ ను కడుపుబ్బా నవ్విస్తున్నాడు. తెలంగాణలోని ఓ పల్లెటూరుకు చెందిన ఈ పిల్లగాడు చిన్నప్పటి నుంచే హరికథలు, బుర్రకథలు వంటి సాంస్కృతిక కార్యక్రమాల్లో చురుగ్గా పాల్గొన్నాడు. మిమిక్రీ కూడా నేర్చుకున్నాడు. పలు టీవీ షోల్లో కూడా పాల్గొని సత్తా చాటాడు. సినిమా ఛాన్సుల కోసం కాళ్లరిగేలా తిరిగాడు. కానీ అదృష్టం దక్కలేదు. అందుకే మళ్లీ ఉద్యోగం బాట పట్టాడు. ప్రముఖ ఐఏఎస్ స్మితా సబర్వాల్ దగ్గర కొంత కాలం పాటు పని చేశాడు. అయితే నటనపై ఆసక్తితో ఉద్యోగం చేయలేకపోయాడు. దీంతో జాబ్ కు రాజీనామా చేసి దుబాయ్ వెళ్లి పోయాడు. అక్కడ రేడియో జాకీగా చేరాడు. తన ప్రోగ్రాంకు మంచి స్పందన రావడంతో మళ్లీ హైదరాబాద్ కు వచ్చేశాడు. ఆ తర్వాత జబర్దస్త్ లో స్టార్ కమెడియన్ గా మంచి గుర్తింపు తెచ్చుకున్నాడు. ఆపై సినిమాల్లోకి అడుగు పెట్టాడు. స్టార్ హీరోల సినిమాల్లో నటించి స్టార్ కమెడియన్ గా ఎదిగాడు. తెలంగాణ యాసలో ఈ కమెడియన్ చెప్పే డైలాగులకు చాలా మంది ఫ్యాన్స్ ఉన్నారు. ‘తీస్కోలే రొండు లచ్చల కట్నం’, ‘ఒక రెండు నిమిషాలు ఆగుతావా’ వంటి తన దైన ట్రేడ్ మార్క్ డైలాగులతో టాలీవుడ్ లో మంచి గుర్తింపు తెచ్చుకున్నాడీ ట్యాలెంటెడ్ యాక్టర్. తన కామెడీతో సిల్వర్ స్క్రీన్ పై రచ్చ రచ్చ చేసే అతను మరెవరో కాదు జబర్దస్త్ ఫేమ్ రచ్చ రవి. ఇది అతని చిన్ననాటి ఫొటో.

ఇవి కూడా చదవండి

చరిత్ర సృష్టించిన తెలుగమ్మాయి.. టీ20 వరల్డ్‌కప్‌లో తొలి శతకం

క్యాస్టింగ్ కౌచ్‌పై గళమెత్తిన మరో స్టార్ హీరోయిన్

కల్కి 2పై క్రేజీ అప్డేట్.. మూవీ రిలీజ్ ఎప్పుడో చెప్పేసిన మేకర్స్

విజయేంద్రప్రసాద్‌ కలం నుంచి మరో భారీ సినిమా!

జబర్దస్త్ షోతో మంచిగుర్తింపు తెచ్చుకున్నాడు రచ్చ రవి. అదే సమయంలో సినిమాల్లో కమెడియన్ గా, సహాయక నటుడి పాత్రలు పోషించి అందరి మన్ననలు అందుకున్నాడు. శతమానం భవతి, గద్దల కొండ గణేశ్, ఎఫ్2, సరిలేరు నీకెవ్వరు, నారప్ప, బలగం, వాల్తేరు వీరయ్య, భగవంత్ కేసరి, భీమా, ఓంభీమ్ బుష్, మ్యాడ్, పురుషోత్తముడు, భలే ఉన్నాడే, లగ్గం, ఉత్సవం, కథా కమావీషు తదితర చిత్రాల్లో రచ్చ రవి పోషించిన పాత్రలకు మంచి గుర్తింపు వచ్చింది.

బాలయ్యతో రచ్చ రవి..

“పద్మభూషణుడు” నందమూరి నటసింహం “బాలకృష్ణ” అన్నగారిని అభినందించడానికి వెళ్ళినప్పుడు నిండైన మనసుతో ఆశీర్వదించిన వేళ తీసుకున్న చిత్రాలు మీకోసం….#nbk #balayya #nandhamuri #balakrishna #BoyapatiSreenu#jaibalayya pic.twitter.com/IxgXJPAVOG

— Racha Ravi (@Racharavi369) January 28, 2025

కాగా సినిమాల్లోకి రాక ముందు వరంగల్ మున్సిపల్ కార్పొరేషన్ లో ఉద్యోగానికి చేరాడు రచ్చ రవి. అక్కడ కొంత కాలం పాటు ప్రముఖ ఐఏఎస్ స్మితా సబర్వాల్ దగ్గర పని చేశాడు కూడా . అయితే నటనపై ఆసక్తితో మున్సిపల్ కార్పొరేషన్ లో ఉద్యోగానికి రాజీనామా చేశాడు. సినిమాల్లోకి అడుగు పెట్టి తన ప్రతిభను నిరూపించుకున్నాడు.

https://t.co/5kDzlBlEyq మిత్రులు శ్రేయోభిలాషులు అందరికీ భోగి పండుగ శుభాకాంక్షలు…. @SagarVidyak @HariDoddipati @sriniinfra @SVC_official @DilRaju19 @DilRajuProdctns @vegesna_satish @vegesnapradeep29 @anupamahere @ImSharwanand pic.twitter.com/d4EFzyFvmI

— Racha Ravi (@Racharavi369) January 13, 2025

మరిన్ని సినిమా వార్తల కోసం ఇక్కడ క్లిక్ చేయండి.