Tollywood : ఇండస్ట్రీని ఊపేసిన హీరోయిన్.. మూడేళ్లుగా సినిమాలకు దూరం.. ఇప్పుడు ఇలా.. గుర్తుపట్టారా.. ?

భారతీయ సినిమా ప్రపంచంలో తనదైన ముద్ర వేసింది. తెలుగు, తమిళం, హిందీ భాషలలో అనేక హిట్ చిత్రాల్లో నటించి తనకంటూ ప్రత్యేక గుర్తింపు తెచ్చుకుంది. ఒకప్పుడు అందం, ప్రతిభతో సినీ పరిశ్రమను ఓ ఊపు ఊపేసింది. కానీ ఇప్పుడు ఈ అమ్మడు సినిమాలకు దూరంగా ఉంటుంది. దాదాపు మూడు సంవత్సరాలుగా ఆమె ఒక్క సినిమా కూడా చేయలేదు. ఇంతకీ ఆమె ఎవరో గుర్తుపట్టారా..

Asiwarya Rai

Rajitha Chanti |
Updated on: Dec 04, 2025 | 9:19 AM

పైన ఫోటోలో కనిపిస్తున్న హీరోయిన్ ఎవరో గుర్తుపట్టారా.. ? భారతీయ సినిమా ప్రపంచంలో తనదైన ముద్ర వేసిన అందాల రాశి. ఒకప్పుడు తెలుగు, హిందీ, తమిళం భాషలలో హిట్ చిత్రాల్లో నటించింది. అప్పట్లో ఆమె అందానికి గుండెల్లో గుడి కట్టారు. 90’s కిడ్స్ ఫేవరేట్ హీరోయిన్లలో ఆమె ఒకరు. ఇండస్ట్రీకి చెందిన ఓ స్టార్ హీరోను పెళ్లి చేసుకున్న ఆమె.. ఇప్పుడు సినిమాలకు దూరంగా ఉంటుంది. ఇంతకీ ఆమె ఎవరో గుర్తుపట్టారా.. ? తనే బాలీవుడ్ బ్యూటీ ఐశ్వర్య రాయ్. భారతదేశంలోని అత్యంత ధనవంతులైన నటీమణుల జాబితాలో చోటు సంపాదించారు ఐశ్వర్య. 1973 నవంబర్ 1న కర్ణాటకలోని మంగళూరులో జన్మించిన ఐశ్వర్య రాయ్ 1994లో మిస్ వరల్డ్ కిరీటాన్ని గెలుచుకున్నారు. దక్షిణ భారత సంప్రదాయ కుటుంబంలో పెరిగిన ఐశ్వర్య రాయ్ బచ్చన్, 2007లో నటుడు అమితాబ్ బచ్చన్ కుమారుడు అభిషేక్ బచ్చన్‌ను వివాహం చేసుకున్నారు. 2011లో ఆరాధ్య అనే కూతురు జన్మించింది.

ఇవి కూడా చదవండి : Rajendra Prasad: మళ్లీ నోరు జారిన రాజేంద్రప్రసాద్.. బ్రహ్మానందంపై అలాంటి మాటలా.. ?

పెళ్లి తర్వాత కొన్నాళ్లపాటు సినిమాల్లో నటించిన ఐశ్వర్య ఇండస్ట్రీకి దూరంగా ఉంటుంది. ప్రస్తుతం బ్రాండ్ ప్రమోషన్స్, వ్యాపారంలో బిజీగా ఉంటుంది. ఐశ్వర్య రాయ్ దుబాయ్‌లో రూ.15 కోట్ల విలువైన విలాసవంతమైన ఇంటిని కలిగి ఉంది. ఈ ఇల్లు దుబాయ్‌లోని జుమేరా గోల్ఫ్ ఎస్టేట్‌లోని సాన్క్చువరీ ఫాల్స్‌లో ఉంది. ఈ ఇంటిని అత్యంత విలాసవంతంగా నిర్మించినట్లు సమాచారం. ఐశ్వర్య రాయ్ 2015లో బాంద్రాలో 5BHK బంగ్లాను రూ.21 కోట్లకు కొనుగోలు చేసింది. ఇది 5,500 చదరపు అడుగుల విస్తీర్ణంలో ఉంది. ప్రస్తుత విలువ రూ.50 కోట్లుగా అంచనా.

ఇవి కూడా చదవండి : Actor : ఒకప్పుడు మామిడి కాయలు అమ్మాడు.. ఇండస్ట్రీలోనే టాప్ నటుడు.. ఒక్కో సినిమాకు కోట్ల రెమ్యునరేషన్..

ఐశ్వర్య రాయ్ దగ్గర కూడా లగ్జరీ కార్లు ఉన్నాయి. ఆమె దగ్గర రోల్స్ రాయిస్ ఘోస్ట్, ఆడి A8L, మెర్సిడెస్ బెంజ్ S500, మెర్సిడెస్ బెంజ్ S350d కూపే వంటి అనేక లగ్జరీ కార్లను కలిగి ఉంది. ఐశ్వర్య రాయ్ మొత్తం ఆస్తుల విలువ రూ. 900 కోట్లు. ఆమె భారతదేశంలోని అత్యంత ధనిక నటీమణులలో ఒకరు. ఆమె ఒక్కో సినిమాకు రూ. 10-12 కోట్లు తీసుకుంటుందని సమాచారం. అనేక వ్యాపారాల్లో భారీగా పెట్టుబడులు పెట్టింది. చివరిసారిగా 2023లో విడుదలైన పొన్నియిన్ సెల్వన్ 2 చిత్రంలో కనిపించింది.