Dulquer Salmaan : వాయమ్మో.. ఈ హీరో దగ్గర ఎన్ని కార్లు ఉన్నాయో.. భార్యకు భయపడి సగం కార్లు హైదరాబాద్లోనే..
సాధారణంగా సినీ పరిశ్రమలో స్టార్ హీరోలకు ఆటోమొబైల్స్ పై ఎక్కువగా ఆసక్తి ఉంటుంది. మార్కెట్ లో ట్రెండ్ అయ్యే ప్రతి కొత్త వెహికల్ కొనుగోలు చేస్తుంటారు. ఇప్పటికే చాలా మంది స్టార్స్ దగ్గర ప్రతి మోడల్.. తమకు నచ్చిన కార్లు, బైక్స్ ఉన్నాయి. కానీ హీరో దుల్కర్ సల్మాన్ దగ్గర ఉన్న కార్లు గురించి తెలిసి షాకవుతున్నారు.
మలయాళీ స్టార్ హీరో దుల్కర్ సల్మాన్కు తెలుగు చిత్రపరిశ్రమలోనూ మంచి ఫాలోయింగ్ ఉందన్న సంగతి తెలిసిందే. మహానటి, సీతారామం వంటి చిత్రాలతో టాలీవుడ్ ప్రేక్షకులకు దగ్గరైన ఈ హీరో.. ఇప్పుడు లక్కీ భాస్కర్ సినిమాతో అడియన్స్ మందుకు వచ్చాడు. డైరెక్టర్ వెంకీ అట్లూరి తెరకెక్కించిన ఈ సినిమా దీపావళి పండగ సందర్భంగా అక్టోబర్ 31న విడుదలై భారీ విజయాన్ని అందుకుంది. ముఖ్యంగా ఇందులో డైరెక్షన్, మేకింగ్, దుల్కర్ సల్మాన్ యాక్టింగ్ చూసి అడియన్స్ ఫిదా అయ్యారు. ఇందులో మీనాక్షి చౌదరి కథానాయికగా నటించింది. ఈ సినిమాతోనే మరోసారి హిట్ కొట్టిన దుల్కర్..అంతకు ముందు ఈ మూవీ ప్రమోషన్లలో తన కెరీర్, పర్సనల్ లైఫ్ గురించి ఆసక్తికర విషయాలను పంచుకున్నాడు.
లక్కీ భాస్కర్ సినిమాలో కొన్ని పాత కార్లు వాడాల్సిన సందర్భం వస్తుంది. ఇందులో నిస్సాన్ పాట్రోల్ అనే ఓ జీప్ మడోల్ కార్ ను ఉపయోగిస్తారు. ఆ కారు దుల్కర్ సల్మాన్ సొంత కారు అంట. ఆ సీన్ లో రావాల్సిన కారు కోసం వెంకీ అట్లూరి బాగానే ప్రయత్నించాడట. కానీ ఎక్కడా దొరక్కపోయేసరికి తనను అడిగాడట. దీంతో తన కారు అప్పటికే కండీషన్స్ లేదని.. రీస్టోరేషన్ చేయాల్సి వచ్చిందని.. అయితే దానికి కొన్ని రిపైర్స్, మార్పులు చేసి సినిమాలో కథకు తగ్గట్టు మార్చారని చెప్పుకొచ్చాడు.
దుల్కర్ సల్మాన్ దగ్గర మొత్తం 70 కార్ల వరకు ఉన్నాయట. వాళ్ల ఆవిడకు తెలిస్తే తిడుతుందని కొన్ని కార్లు హైదరాబాద్ లో ఫ్రెండ్స్ ఇళ్లలో దాస్తాడని డైరెక్టర్ వెంకీ అట్లూరి ఇటీవల బాలయ్య అన్ స్టాపబుల్ షోలో తెలిపాడు. ఈ విషయం తెలిసి నెటిజన్స్ ఆశ్చర్యపోతున్నారు.
ఇది చదవండి : Tollywood: అప్పుడు పద్దతిగా.. ఇప్పుడు మోడ్రన్గా.. చెప్పవే చిరుగాలి హీరోయిన్ను ఇప్పుడు చూస్తే షాకే..
Tollywood: ఫోక్ సాంగ్తో ఫేమస్ అయిన వయ్యారి.. హీరోయిన్గా అదరగొట్టేసింది..
మరిన్ని సినిమా వార్తల కోసం ఇక్కడ క్లిక్ చేయండి.
