Tollywood: అమ్మడు ఇది నువ్వేనా.. ఈ రేంజ్ ఛేంజ్ ఏంటమ్మా.. దృశ్యంలో వెంకీ కూతురు చూస్తే మైండ్ బ్లాంకే..

టాలీవుడ్ ఇండస్ట్రీలో ఒకే ఒక్క సినిమాతో ఫేమస్ అయిన హీరోయిన్స్ చాలా మంది ఉన్నారు. కేవలం కథానాయికలు మాత్రమే కాకుండా సినిమాల్లో సైడ్ క్యారెక్టర్స్, స్టార్ హీరోల కూతుర్లుగా కనిపించిన తారలు కూడా పాపులర్ అయ్యారు. దృశ్యం సినిమా గుర్తుందా... అందులో వెంకీ పెద్ద కూతురిగా కనిపించిన అమ్మాయి ఫోటోస్ ఇప్పుడు నెట్టింట వైరలవుతున్నాయి.

Kruthika Jayakumar

Rajitha Chanti |
Updated on: Oct 29, 2024 | 7:36 PM

విక్టరీ వెంకటేశ్ హీరోగా నటించిన సూపర్ హిట్ చిత్రాల్లో దృశ్యం. 2014లో విడుదలైన ఈ సినిమా భారీ విజయాన్ని అందుకుంది. మలయాళంలో సూపర్ హిట్ అయిన దృశ్యం సినిమాకు రీమేక్ ఇది. ఈ చిత్రానికి జీతూ జోసేఫ్ దర్శకత్వం వహించగా.. ఇందులో వెంకటేశ్, మీనా జంటగా నటించారు. ఈ సినిమాలో వెంకీ పెద్ద కూతురుగా నటించిన అమ్మాయి గుర్తుందా.. ? సినిమా కథ మొత్తం ఆ అమ్మాయి చుట్టే తిరుగుతుంది. ఈ చిత్రంలో అందం.. అమాయకత్వం.. తనదైన నటనతో కట్టిపడేసింది. దృశ్యం సినిమాతో తెలుగు ప్రేక్షకులలో మంచి ఫాలోయింగ్ సంపాదించుకున్న ఈ బ్యూటీ.. ఆ తర్వాత మాత్రం సినిమాల్లో కనిపించలేదు. దృశ్యం సినిమాతోపాటు.. ఆ తర్వాత వచ్చిన సీక్వెల్ లోనూ కనిపించి అలరించింది ఈబ్యూటీ. ఇంతకీ ఆ అమ్మాయి పేరేంటో తెలుసా.. ? తన పేరు కృతిక జయకుమార్. ఆమె ఓ క్లాసికల్ డ్యాన్సర్.

కృతిక జయకుమార్.. బెంగళూరుకు చెందిన అమ్మాయి. క్లాసికల్ డ్యాన్సర్. మొదటి నుంచి సినిమాలకు దూరంగానే ఉండేది. ఏడేళ్ల వయసులోనే భరతనాట్యం పై ఇష్టం పెంచుకున్న కృతిక.. ఆ తర్వాత క్లాసికల్ డ్యాన్సర్ గా పలు షోలలో ఫెర్ఫార్మెన్స్ ఇచ్చింది. అలా తిరువనంతపురంలో మలయాళం డైరెక్టర్ బాలు కిరియత్ ఆమెను చూసి సినిమాల్లో ట్రై చేయాలని సూచించారు. అలా తెలుగులో దృశ్యం సినిమాకు అడిషన్ కు వెళ్లిన కృతికకు అదే చిత్రంలో ఛాన్స్ వచ్చింది.

దృశ్యం సినిమాతోనే సినీరంగంలోకి అడుగుపెట్టిన కృతిక.. ఆ తర్వాత కన్నడంలో బాక్సర్ సినిమాలో నటించింది. తెలుగులో వినవయ్య రామయ్య చిత్రంలో కనిపించింది. రోజలు మారాయి, ఇంట్లో దెయ్యం నాకేం భయం వంటి చిత్రాల్లో నటించినప్పటికీ సరైన క్రేజ్ రాలేదు. ప్రస్తుతం సోషల్ మీడియాలో యాక్టివ్ గా ఉంటుంది ఈ బ్యూటీ.