Megastar Chiranjeevi: డాడీ కంటే ముందే మెగాస్టార్ చిరంజీవి సినిమాలో మేనల్లుడిగా నటించిన అల్లు అర్జున్.. ఆ చిత్రమేంటో తెలుసా ?..
బన్నీ హీరోగా అరంగేట్రం చేసిన సినిమా గంగోత్రి. ఈ మూవీ బ్లాక్ బస్టర్ హిట్ కావడమే కాకుండా బన్నీ నటనకు మంచి మార్కులే పడ్డాయి. ఇక హీరోగా కాకముందు మెగాస్టార్ చిరంజీవి నటించిన డాడీ సినిమాలో కనిపించారు.
Updated on: Nov 26, 2022 | 8:09 PM
స్టైలీష్ స్టార్ అల్లు అర్జున్కు దేశవ్యాప్తంగా ఉన్న క్రేజ్ గురించి చెప్పక్కర్లేదు. పుష్ప సినిమాతో ఒక్కసారిగా పాన్ ఇండియా స్టార్ అయ్యారు. పక్కా ఊర మాస్ లుక్లో బన్నీ నటనకు దేశమే ఫిదా అయ్యింది. అయితే హీరోగా నటించకముందే పలు చిత్రాల్లో నటించాడన్న సంగతి తెలిసిందే. బన్నీ హీరోగా అరంగేట్రం చేసిన సినిమా గంగోత్రి. ఈ మూవీ బ్లాక్ బస్టర్ హిట్ కావడమే కాకుండా బన్నీ నటనకు మంచి మార్కులే పడ్డాయి. ఇక హీరోగా కాకముందు మెగాస్టార్ చిరంజీవి నటించిన డాడీ సినిమాలో కనిపించారు. చిరు వద్ద డాన్స్ నేర్చుకునే కుర్రాడిగా నటించారు బన్నీ. అయితే ఈ సినిమా కంటే ముందు చిరు సినిమాలో చైల్డ్ ఆర్టిస్ట్గా నటించారు. ఆ సినిమాలెంటో తెలుసుకుందామా.
డాడీ సినిమా కంటే ముందు బన్నీ చిరు నటించిన ఓ సినిమాలో ఆయన మేనల్లుడిగా కనిపించారు. ఆ చిత్రమే విజేత. 1985 లో వచ్చిన ఈ మూవీలో మేగాస్టార్ మేనల్లుడిగా కనిపించారు. ఇక ఆ తర్వాత 1986లో కమల్ హసన్, కె. విశ్వనాథ్ కాంబోలో వచ్చిన స్వాతిముత్యం చిత్రంలోనూ నటించారు. కమల్ హసన్ మనవళ్లలో ఒకరిగా బన్నీ కనిపించారు.
ఇక గంగోత్రి సినిమా హీరోగా మారిన బన్నీ.. ఆ తర్వాత ఎన్నో హిట్ చిత్రాల్లో నటించి మెప్పించారు. ఇటీవలే డైరెక్టర్ సుకుమార్ తెరకెక్కించిన పుష్ప మూవీ ఒక్కసారిగా క్రేజ్ మారిపోయింది. ప్రస్తుతం అల్లు అర్జున్.. పుష్ప 2 చిత్రీకరణలో పాల్గొంటున్నాడు. ఇందులో నేషనల్ క్రష్ రష్మిక కథానాయికగా నటించగా.. ఫహద్ ఫాజిల్.. సునీల్, అనసూయ కీలకపాత్రలో నటించారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి
