Director Devi Prasad : అప్పటికే సౌందర్య స్టార్ హీరోయిన్.. అయినా ఆ సీన్ కోసం అలా చేసింది.. డైరెక్టర్ కామెంట్స్..

దర్శకుడు దేవి ప్రసాద్ ఇటీవల ఓ ఇంటర్వ్యూలో దివంగత నటి సౌందర్య గురించి, అలాగే రమ్యకృష్ణ, నాగ్మా వంటి ఇతర సినీ తారలతో తనకున్న అనుభవాలను వివరించారు. సౌందర్యను తాను మొదటిసారి చూసిన అరుదైన సంఘటనతో పాటు, ఆమె నిరాడంబరమైన వ్యక్తిత్వం, వృత్తిపట్ల నిబద్ధత గురించి అనేక జ్ఞాపకాలను పంచుకున్నారు. దేవి ప్రసాద్ మాట్లాడుతూ.. శ్రీనివాస్ చక్రవర్తి, రాజశ్రీలతో కలిసి గ్యాంగ్ వార్ చిత్రం కోసం పామ్ గ్రూవ్ హోటల్‌లో కథా చర్చలు జరుగుతున్న సమయంలో ఇది జరిగింది. ఆ చిత్రం కోసం హరీష్ పక్కన ఒక హీరోయిన్ అవసరం పడింది. ఆ సమయంలో, దేవి ప్రసాద్ హోటల్‌లో ఒక పెళ్లి వేడుక జరుగుతుండగా, సోఫాలో తెల్లని చుడీదార్‌లో కూర్చున్న ఒక అమ్మాయిని చూశారు. ఆమె ఇన్నోసెంట్‌గా, భలే ఉందని శ్రీనివాస్ చక్రవర్తికి చెప్పగా, వారు కిందికి వచ్చేవరకు ఆ అమ్మాయి కనిపించలేదు. తర్వాత ఆమె తిరిగి వచ్చి సోఫాలో కూర్చోగా, శ్రీనివాస్ చక్రవర్తి ఆమెను “ఇట్రా” అని పిలిచారు. ఆ అమ్మాయి ఎవరో కాదు, శ్రీనివాస్ చక్రవర్తి స్వయంగా తన కుమార్తె అని పరిచయం చేశారు. అప్పటికే ఆమె కన్నడలో ఒక సినిమా చేసి, తెలుగులో మనవరాలి పెళ్లికి అగ్రిమెంట్ చేసుకోబోతోందని తెలిసింది. అలా సౌందర్య తెలుగు తెరకు పరిచయం అయ్యారు.

దేవి ప్రసాద్ సౌందర్యను అత్యంత మర్యాదపూర్వకమైన, నిరాడంబరమైన వ్యక్తిగా తెలిపారు. ఆమె ఎవరితోనూ ఎక్కువ మాట్లాడకుండా, బిగుసుకుపోకుండా ఉండే వారని తెలిపారు. చిలకపచ్చ కాపురం సినిమా షూటింగ్ సందర్భంగా హోలీ పాట చిత్రీకరణ అనంతరం, రంగులన్నీ పోవడానికి సౌందర్య ఎటువంటి అభ్యంతరాలు చెప్పకుండా చిన్న ఇంట్లోని సాధారణ బాత్రూమ్‌లో స్నానం చేసి, మళ్లీ మేకప్ వేసుకుని షూటింగ్‌లో పాల్గొనడం ఆమె వృత్తి పట్ల నిబద్ధతను, నిరాడంబరతను తెలియజేస్తుంది. అప్పటికే ఆమె పెద్ద హీరోయిన్ అయినప్పటికీ, ఎటువంటి గర్వం లేకుండా వ్యవహరించేవారు. తండ్రి మరణించినప్పుడు బెంగళూరు వెళ్లిన దేవి ప్రసాద్, జగపతి బాబులతో కలిసి సౌందర్య మిడిల్ క్లాస్ అమ్మాయిలాగే బంధువులను పలకరించి, ఇంట్లో పనులు చేయడం చూసి ఆశ్చర్యపోయారు. ఆమె ఎంత పెద్ద స్టార్ అయినా, ఎప్పుడూ గర్వం చూపించలేదని, ఎవరినీ బాధపెట్టలేదని దేవి ప్రసాద్ స్పష్టం చేశారు. హైదరాబాద్‌లోని ప్రశాంత కుటీర్ అనే సాధారణ గెస్ట్‌హౌస్‌లో, ఫైవ్ స్టార్ హోటల్స్ వద్దని, అక్కడే బస చేసేవారు. ఆమె చివరి వరకు ఆ మిడిల్ క్లాస్ మెంటాలిటీని కొనసాగించారు.

దేవి ప్రసాద్ రమ్యకృష్ణతో నేరుగా పనిచేయకపోయినా, ఆమె గురించి దర్శకులు ఎంతగానో ప్రశంసించేవారని తెలిపారు. ముఖ్యంగా అమ్మోరు చిత్రంలో ఆమె పాత్రకు ఎంత గొప్ప విలువ తెచ్చారో, కెమెరా ముందు ఆమె ప్రెజెన్స్ అద్భుతంగా ఉండేదని డైరెక్టర్లు చెప్పేవారని ఆయన పేర్కొన్నారు. అమ్మోరు సినిమా ఆడుతున్నప్పుడు థియేటర్ల వద్ద గుడులు కట్టి పూజలు చేయడం, ధర్మవరపు సుబ్రహ్మణ్యం అమ్మవారి గెటప్‌లో తిరగడం వంటి సంఘటనలను కూడా దేవి ప్రసాద్ గుర్తు చేసుకున్నారు.