Jr NTR: హరికృష్ణ, జూనియర్ ఎన్టీఆర్.. తండ్రీ కొడుకులిద్దరితోనూ ఆడిపాడిన ఏకైక హీరోయిన్ ఎవరో తెలుసా?

నందమూరి నట సార్వభౌమడుడు ఎన్టీఆర్ మనవడిగా, హరికృష్ణ కుమారుడిగా సినిమా ఇండస్ట్రీలోకి అడుగు పెట్టాడు జూనియర్ ఎన్టీఆర్. అచ్చం తాత పోలికలతో ఉండే తారక్ నటనలోనూ తాతను మరిపిస్తున్నాడు. ఆర్ఆర్ఆర్ సినిమాతో పాన్ ఇండియా రేంజ్ లో ఫేమస్ అయ్యాడీ మ్యాన్ ఆఫ్ మాసెస్.

Harikrishna, Jr NTR

Basha Shek |
Updated on: Oct 09, 2025 | 8:37 PM

సీనియర్ ఎన్టీఆర్ వారసుడిగా సినిమా ఇండస్ట్రీలోకి అడుగు పెట్టారు హరికృష్ణ, ఛైల్డ్ ఆర్టిస్టుగా ఎన్నో సినిమాల్లో నటించారు. ఆ తర్వాత హీరోగానూ, సహాయక నటుడిగానూ మెప్పించారు. మోహన్ బాబు శ్రీరాములయ్య సినిమాలో కామ్రేడ్ సత్యంగా నటించిన హరికృష్ణ సీతారామరాజు సినిమాలో నాగార్జునతో కలిసి నటించారు ఆ తర్వాత లాహిరి లాహిరి లాహిరిలో, సీతయ్య, టైగర్ హరిశ్చంద్ర ప్రసాద్, స్వామి, శ్రావణమాసం తదితర సినిమాల్లోనూ యాక్ట్ చేశారు హరికృష్ణ. ఇక సినిమా ఇండస్ట్రీలో నందమూరి వారసత్వాన్ని జూనియర్ ఎన్టీఆర్ కొనసాగించారు. అతి పిన్న వయసులోనే అద్బుతమైన నటుడిగా గుర్తింపు తెచ్చుకున్నాడు.ఆర్ఆర్ఆర్ సినిమాతో ఎన్టీఆర్ రేంజ్ పాన్ వరల్డ్ కు పాకింది. కాగా హరికృష్ణ- ఎన్టీఆర్ లతో ఎంతో మంది హీరోయిన్లు కలిసి నటించారు.భానుప్రియ, సౌందర్య, రమ్యకృష్ణ, సిమ్రాన్ వంటి అందాల తారలు హరికృష్ణతో జోడీ కట్టారు. ఇక ఎన్టీఆర్ తో అయితే అమీష పటేల్, సమీరా రెడ్డి, అలియా భట్ వంటి బాలీవుడ్ నటీమణులు కూడా రొమాన్స్ చేశారు. అయితే ఒక టాలీవుడ్ హీరోయిన్ మాత్రం ఈ హీరోలిద్దరితో కలిసి నటించింది. తండ్రీ కొడుకులతో కలిసి ఆడిపాడింది. ఆ హీరోయిన్ మరెవరో కాదు సీనియర్ నటి రమ్యకృష్ణ.

జూనియర్ ఎన్టీఆర్ హీరోగా నటించిన సింహాద్రి సినిమాలో ఓ స్పెషల్ సాంగ్ లో మెరిసింది రమ్యకృష్ణ. తారక్ తో కలిసి స్టెప్పులేసింది. అలాగే నా అల్లుడు సినిమాలోనూ ఎన్టీఆర్ తో కలిసి డ్యాన్స్‌ లు చేసింది. అంతకు ముందు హరికృష్ణ నటించిన ఒక సినిమాలో కథానాయికగా నటించింది రమ్యకృష్ణ. సముద్ర తెరకెక్కించిన టైగర్ హరిశ్చంద్ర ప్రసాద్ సినిమాలో హరికృష్ణతో కలిసి నటించిందీ అందాల తార. అలా మొత్తానికి తండ్రీ కొడుకులిద్దరితో కలిసి ఆడిపాడిన ఏకైక హీరోయిన్ గా గుర్తింపు తెచ్చుకుంది రమ్యకృష్ణ. ఇక నందమూరి నటసింహం బాలకృష్ణ, రమ్యకృష్ణలది టాలీవుడ్ లో హిట్ కాంబినేషన్. వీరి కాంబోలో బ్లాక్ బస్టర్ సినిమాలు వచ్చాయి.

ఇవి కూడా చదవండి

కాగా ఎన్టీఆర్ ప్రస్తుతం ప్రశాంత్ నీల్ దర్శకత్వంలో ఓ సినిమా చేస్తున్నాడు. దీనికి డ్రాగన్ అనే టైటిల్ పరిశీలనలో ఉంది. రుక్మిణీ వసంత్ ఇందులో కథానాయికగా నటిస్తోంది. దీంతో పాటు దేవర 2 సినిమాలోనూ తారక్ నటించాల్సి ఉంది. అలాగే మరికొన్ని సినిమాలకు కూడా తారక్ గ్రీన్ సిగ్నల్ ఇచ్చినట్లు తెలుస్తోంది.