Producer SKN: చావు బతుకుల మధ్య ఎన్టీఆర్ అభిమాని.. ఆర్థిక సాయం అందించిన బేబీ నిర్మాత
ఇటీవల అమలాపురానికి చెందిన పవన్ కృష్ణ అనే తారక్ అభిమాని రోడ్డు ప్రమాదానికి గురయ్యాడు. చికిత్స కోసం ఆస్పత్రికి తరలించగా.. మెరుగైన వైద్యం అందించాలని వైద్యులు సూచించారు. అయితే సదరు అభిమాని ఆర్థిక పరిస్థితి అంతంత మాత్రమే ఉంది. దీంతో తోటి అభిమానులు పవన్ కు సాయమందించేందుకు ముందుకొచ్చారు.
‘బేబి’ నిర్మాత ఎస్ కే ఎన్ (శ్రీనివాస కుమార్) మరోసారి తన మంచి మనసు చాటుకున్నారు. గతంలో పలువురికి ఎన్నో రకాలుగా సాయమందించిన ఆయన ఈసారి ఎన్టీఆర్ అభిమానికి తన వంతు ఆర్థిక సాయం అందించారు. వివరాల్లోకి వెళితే.. ఇటీవల అమలాపురానికి చెందిన పవన్ కృష్ణ అనే తారక్ అభిమాని రోడ్డు ప్రమాదానికి గురయ్యాడు. చికిత్స కోసం ఆస్పత్రికి తరలించగా.. మెరుగైన వైద్యం అందించాలని వైద్యులు సూచించారు. అయితే సదరు అభిమాని ఆర్థిక పరిస్థితి అంతంత మాత్రమే ఉంది. దీంతో తోటి అభిమానులు పవన్ కు సాయమందించేందుకు ముందుకొచ్చారు. సోషల్ మీడియా వేదికగా చికిత్సకు అవసరమయ్యే మొత్తాన్ని సేకరించే ప్రయత్నాలు చేస్తున్నారు. ఇప్పుడు ఈ విషయం టాలీవుడ్ నిర్మాత ఎస్ కే ఎన్ వరకు చేరింది. వెంటనే స్పందించిన ఆయన ఎన్టీఆర్ అభిమానికి అండగా నిలిచారు. పవన్ వైద్య ఖర్చుల నిమిత్తం వెంటనే రూ. 50 వేలు పంపించారు. ‘నా వంతు సాయం చేశాను. తారక్ గారి అభిమాని త్వరగా కోలుకోవాలని మనసారా కోరుకుంటున్నాను. మిగతా వారు కూడా స్పందించి పవన్ కు సాయం చేయాలి’ అని తెలిపారు ఎస్కేఎన్. ఈ విషయం తెలుసుకున్న ఎన్టీఆర్ ఫ్యాన్స్ ఎస్కేఎన్ కు కృతజ్ఞతలు తెలిపారు. ఎస్కేఎన్ లాగే మరికొందరు దాతలు, మిగతా సెలబ్రిటీలు స్పందించాలంటూ కోరుతున్నారు.
గతంలోనూ..
బేబీ నిర్మాత ఎస్ కే ఎన్ సాయమందించడం ఇదేమి మొదటి సారి కాదు. గతంలో కూతురి పెళ్లి కోసం దాచిన డబ్బుకు చెదలు పట్టడంతో పార్వతి పురం మన్యం జిల్లా కు చెందిన ఓ కుటుంబానికి రెండు లక్షల ఆర్థిక సాయం అందించారు. అంతకు ముందు కూడా అవసరంలో ఉన్న పలువురికి ఇలాగే డబ్బులు సాయం చేసి తన విశాల హృదయాన్ని చాటుకున్నారీ ప్రొడ్యూసర్.
రూ. 50వేలు పంపిన ఎస్ కే ఎన్..
DM me his account details pls
— SKN (Sreenivasa Kumar) (@SKNonline) March 13, 2024
I have done my part for initial help of 50,000 Wishing him a speedy recovery and request Tharak gari fans and other movie lovers also contribute ur self to him pic.twitter.com/WLp6TcEQPR
— SKN (Sreenivasa Kumar) (@SKNonline) March 13, 2024
అప్పుడు కూతురి పెళ్లికి రూ. 2 లక్షల ఆర్థిక సాయం..
పార్వతీపురం జిల్లాలో కూతురు పెళ్లి కోసం నగదు బ్యాంకులో కాకుండ పాత ట్రంకు పెట్టెలో దాచుకున్న ₹2లక్షలకు చెదలు, విలపిస్తున్న కుటుంబ సభ్యులు.#Parvatipuram#UANow pic.twitter.com/zJAHnDFOiv
— ఉత్తరాంధ్ర నౌ! (@UttarandhraNow) November 18, 2023
మరిన్ని సినిమా వార్తల కోసం ఇక్కడ క్లిక్ చేయండి.
