Pushpa 2: హైదరాబాద్‏లో పుష్పగాడి వైల్డ్ ఫైర్ జాతర.. అసలు విషయం చెప్పిన మేకర్స్..

ఐకాన్ స్టార్ అల్లు అర్జున్ హీరోగా నటించిన పుష్ప 2 డిసెంబర్ 5న విడుదల కానుంది. ప్రపంచవ్యాప్తంగా తెలుగు, తమిళం, కన్నడ, మలయాళం భాషలలో భారీ ఎత్తున రిలీజ్ కానుంది. ఈ క్రమంలో వరుస ప్రమోషన్లతో బిజీగా ఉంది చిత్రయూనిట్.

Pushpa 2

Rajitha Chanti |
Updated on: Nov 30, 2024 | 9:27 PM

ఇప్పుడు టాలీవుడ్ ఇండస్ట్రీలో భారీ అంచనాలు నెలకొన్న సినిమా పుష్ప 2. డైరెక్టర్ సుకుమార్ దర్శకత్వంలో అల్లు అర్జున్ నటించిన ఈ మూవీ త్వరలోనే అడియన్స్ ముందుకు రానుంది. డిసెంబర్ 5న వరల్డ్ వైడ్ గా రిలీజ్ కానుంది. తెలుగు, తమిళం, కన్నడ, మలయాళం, హిందీ భాషలలో ఈ సినిమా భారీ ఎత్తున విడుదల చేసేందుకు మేకర్స్ సన్నహాలు చేస్తున్నారు. ఈ క్రమంలోనే ఈ మూవీ ప్రమోషన్స్ విభిన్నంగా నిర్వహిస్తూ ప్రేక్షకులను ఆకట్టుకుంటున్నారు మేకర్స్. ఇప్పటికే పాట్నా, చెన్నై, కొచ్చి, ముంబై ప్రాంతాల్లో పుష్ప 2 ఈవెంట్స్ నిర్వహించారు. ఇక ఇప్పుడు తెలుగు అడియన్స్ ఎంతగానో ఎదురుచూస్తున్న ప్రీ రిలీజ్ ఈవెంట్ హైదరాబాద్ లో నిర్వహించనున్నారు. ఈ విషయాన్ని మేకర్స్ అధికారికంగా ప్రకటించారు.

తాజాగా పుష్ప 2 వైల్డ్ ఫైర్ జాతర ఈవెంట్ ను హైదరాబాద్ ను ఘనంగా నిర్వహించనున్నారు. ఈ వేడుకను యూసఫ్ గూడలోని పోలీస్ గ్రౌండ్స్ లో నిర్వహించనున్నారు. ఈ వేడుకను అచ్చం ప్రీ రిలీజ్ ఈవెంట్ లెవల్లో చేస్తున్నారు. డిసెంబర్ 2న సాయంత్రం 6 గంటలకు యూసఫ్ గూడలోని పోలీస్ గ్రౌండ్స్ లో నిర్వహించనున్నామని మేకర్స్ ట్విట్టర్ వేదికగా ప్రకటించారు. ఈ వేడుకకు దాదాపు 2 లక్షలకు పైగా ఫ్యాన్స్ హాజరుకానున్నట్లు అంచనా వేస్తున్నారు మేకర్స్. దీంతో భారీ బందోబస్తు మధ్యలో పుష్పగాడి మాస్ జాతర నిర్వహించనున్నట్లు తెలుస్తోంది.

పుష్ప 2 సినిమాకు నార్త్ లో ఓ రేంజ్ క్రేజ్ నెలకొంది. గతంలో బాక్సాఫీస్ వద్ద సంచలనం సృష్టించిన పుష్ప ది రైజ్ సినిమాతో ఇప్పుడు ఈ సెకండ్ పార్ట్ పై మరింత హైప్ నెలకొంది. దీంతో ఇప్పుడు పుష్ప 2 ప్రమోషన్స్ వేగంగా నిర్వహిస్తున్నారు మేకర్స్. ఇందులో రష్మిక, ఫహద్ ఫాజిల్, జగపతి బాబు కీలకపాత్రలు పోషిస్తుండగా.. శ్రీలీల స్పెషల్ సాంగ్ చేస్తుంది.

After celebrating THE BIGGEST INDIAN FILM across the nation, it's time to bring that euphoria home ❤‍🔥 #Pushpa2WildfireJAAthara in HYDERABAD on December 2nd from 6 PM onwards 💥💥Venue : Police Grounds, Yousufguda #Pushpa2TheRule #Pushpa2TheRuleOnDec5th

Icon Star… pic.twitter.com/JZWuR9rvru

— Pushpa (@PushpaMovie) November 30, 2024