Samantha: నాకు కొత్త ఫ్రెండ్ దొరికింది.. సమంత పరిచయం చేసిన ఆ స్నేహితులు ఎవరో తెలుసా ?
నిత్యం మోటివేషనల్ కోట్స్ షేర్ చేస్తూ ఫాలోవర్లతో టచ్ లో ఉంటుంది. అయితే తాజాగా తన ఇన్ స్టా వేదికగా కొత్త బెస్ట్ ఫ్రెండ్ ను పరిచయం చేసింది. ఇంతకీ సామ్ న్యూఫ్రెండ్ ఎవరో తెలుసా ?..
టాలీవుడ్ హీరోయిన్ సమంత ఇప్పుడిప్పుడే మయోసైటిస్ సమస్య నుంచి కోలుకుంటుంది. ఇటీవల శాకుంతలం ట్రైలర్ లాంచ్ ఈవెంట్ లో పాల్గొన్న సామ్.. అటు సోషల్ మీడియాలోనూ యాక్టివ్ అయ్యింది. నిత్యం మోటివేషనల్ కోట్స్ షేర్ చేస్తూ ఫాలోవర్లతో టచ్ లో ఉంటుంది. అయితే తాజాగా తన ఇన్ స్టా వేదికగా కొత్త బెస్ట్ ఫ్రెండ్ ను పరిచయం చేసింది. ఇంతకీ సామ్ న్యూఫ్రెండ్ ఎవరో తెలుసా ?.. గ్లాసెస్. మిరుమిట్లు గొలిపే వెలుగుల కాంతులలో చిరునవ్వులు చిందిస్తూ తన సెల్ఫీని షేర్ చేసింది. అందులో ఆమె కొత్త గ్లాసెస్ ధరించింది. గ్లాసెస్ నా కొత్త బెస్ట్ ఫ్రెండ్ అంటూ క్యాప్షన్ ఇచ్చింది. ప్రస్తుతం ఈ ఫోటో సోషల్ మీడియాలో వైరలవుతుంది.
ఇటీవల సామ్ శాకుంతలం ట్రైలర్ లాంచ్ వేడుకలో చేతిలో జపమాల.. గ్లాసెస్ ధరించి కనిపించింది. మునుపటి కంటే సామ్ లుక్స్..స్టై్ల్ పూర్తిగా మారిపోయింది. దీంతో ఆమె అందం తగ్గిందంటూ కామెంట్స్ చేశారు. తన గురించి వస్తున్న నెగిటివ్ కామెంట్ల పట్ల గట్టిగానే కౌంటరిచ్చింది సామ్. ఇక ఇటీవలే జిమ్ లో వర్కవుట్స్ చేస్తున్న వీడియో షేర్ చేస్తూ.. మన ఆలోచనలే మన బలం అంటూ రాసుకొచ్చింది. ఆటో ఇమ్యూనిటీ.. మనం తీసుకునే ఆహారం మాత్రమే మన బలం కాదు.. మన ఆలోచనలే మనకు అసలైన బలం అంటూ సామ్ షేర్ చేసిన వీడియో నెట్టింట చక్కర్లు కొట్టింది.
Samantha
ఇదిలా ఉంటే.. ఆమె నటించిన శాకుంతలం చిత్రం ఫిబ్రవరి 17న విడుదల కానుంది. ఈ చిత్రాన్ని డైరెక్టర్ గుణశేఖర్ రూపొందించారు. ఇదే కాకుండా.. విజయ్ దేవరకొండ, డైరెక్టర్ శివనిర్వాణ కాంబోలో రాబోతున్న ఖుషి చిత్రంలోనూ నటిస్తోంది. అలాగే హిందీలో వరుణ్ ధావన్ సరసన సిటాడెల్ చిత్రంలోనూ కనిపించనుంది.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
