Butta Bomma: బుట్టబొమ్మ ప్రెస్మీట్లో రిపోర్టర్కు కౌంటరిచ్చిన ప్రొడ్యూసర్ నాగవంశీ.. ఇప్పుడు చీర కట్టుకుని రమ్మంటావా అంటూ..
యువత ఈ సినిమా కోసం ఎంతో ఆసక్తిగా ఎదురుచూస్తున్నారు. ఈ చిత్రం ఫిబ్రవరి 4న ప్రేక్షకుల ముందుకు రానుంది. ఈ నేపథ్యంలో ఇప్పటికే ప్రచార కార్యక్రమాల్లో మునిగిపోయిన చిత్ర బృందం తాజాగా ట్రైలర్ ను విడుదల చేసింది.
Updated on: Jan 28, 2023 | 4:51 PM
చైల్డ్ ఆర్టిస్ట్ అనిక సురేంద్రన్.. సూర్య వశిష్ఠ, అర్జున్ దాస్ ప్రధాన పాత్రలు పోషిస్తున్న లేటేస్ట్ చిత్రం బుట్టబొమ్మ. . ఫార్చ్యూన్ ఫోర్ సినిమాస్ భాగస్వామ్యంతో సితార ఎంటర్టైన్మెంట్స్ ఈ ఫీల్ గుడ్ రూరల్ డ్రామాను నిర్మిస్తోంది. ఈ చిత్రంతో శౌరి చంద్రశేఖర్ రమేష్ దర్శకుడిగా పరచయమవుతున్నారు. ఇప్పటికే విడుదలైన ‘వినోదంలో కథేముందో’ పాటకు, ప్రచార చిత్రాలకు ప్రేక్షకుల నుంచి విశేష స్పందన లభించింది. యువత ఈ సినిమా కోసం ఎంతో ఆసక్తిగా ఎదురుచూస్తున్నారు. ఈ చిత్రం ఫిబ్రవరి 4న ప్రేక్షకుల ముందుకు రానుంది. ఈ నేపథ్యంలో ఇప్పటికే ప్రచార కార్యక్రమాల్లో మునిగిపోయిన చిత్ర బృందం తాజాగా ట్రైలర్ ను విడుదల చేసింది. శనివారం ఉదయం హైదరాబాద్ లోని ఏఎంబీ మాల్ లో జరిగిన ట్రైలర్ లాంచ్ వేడుకకు యువ సంచలనం, మాస్ కా దాస్ విశ్వక్ సేన్ ముఖ్య అతిథిగా హాజరయ్యారు. ఆయన చేతుల మీదుగా విడుదలైన ‘బుట్ట బొమ్మ’ ట్రైలర్.. టైటిల్ కి తగ్గట్లే అందంగా, ప్రేక్షకులను మెప్పించేలా ఉంది. అయితే ట్రైలర్ ప్రెస్ మీట్ లో ఓ రిపోర్టర్ అడిగిన ప్రశ్నకు తనస్టైల్లో కౌంటరిచ్చారు నిర్మాత నాగవంశీ.
నిర్మాత నాగవంశీ మాట్లాడుతూ.. “ఇది ఒక మంచి పల్లెటూరి కథ. ఐదేళ్ల క్రితం ఉయ్యాల జంపాల అనే సినిమా చూశాం. అలాంటి సినిమాలో సస్పెన్స్ లు, ట్విస్ట్ లు ఉంటే ఎలా ఉంటుందో.. అలా ఉంటుంది ఈ సినిమా. ఈ మధ్య చిరంజీవి గారి వాల్తేరు వీరయ్య, బాలకృష్ణ గారి వీరసింహారెడ్డి ఇలా ఎక్కువగా మాస్ సినిమాలు చూశాం. ఇప్పుడు క్లాస్ సినిమా చూస్తారు. సస్పెన్స్ తో కూడిన ఒక క్యూట్ విలేజ్ లవ్ స్టోరీ ఇది. అలాగే ఎంతో బిజీగా ఉన్నప్పట్టికీ పిలవగానే ట్రైలర్ లాంచ్ కోసం ముంబై నుంచి వచ్చిన విశ్వక్ సేన్ కి థాంక్స్. విశ్వక్ సేన్ చెప్పినట్లు త్వరలోనే మా కలయికలో కొత్త సినిమా ప్రకటన వస్తుంది. అందులో విశ్వక్ సేన్ విశ్వరూపం చూస్తారు” అన్నారు.
అదే సమయంలో ఓ రిపోర్టర్ హీరోయిన్ డ్రెస్సింగ్ స్టైల్ కు.. సినిమాలోని ఆమె పాత్రకు చాలా వ్యత్సాసం ఉందని నవ్వుతూ అడగ్గా.. ఈ అమ్మాయి బుట్టబొమ్మలా లేదా ?.. అంటే ఏంటీ ఈ అమ్మాయిని చీర కట్టుకుని రమ్మంటావా అంటూ సరదాగా కౌంటరిచ్చారు నాగవంశీ. ప్రస్తుతం ఇందుకు సంబంధించిన వీడియో సోషల్ మీడియాలో వైరలవుతుంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
