Tarakaratna-Jr.NTR: తారకరత్న ఆరోగ్యం గురించి బాలయ్యకు ఫోన్ చేసిన ఎన్టీఆర్..
తారకరత్న కోలుకుంటున్నారని.. ఆందోళన చెందాల్సిన పనిలేదన్నారు బాలయ్య. తారకరత్న ఆరోగ్య పరిస్థితిని దగ్గరుండి చూసుకుంటున్నారు బాలయ్య. మరోవైపు.. చంద్రబాబు నాయుడు వైద్యులతో మాట్లాడుతున్నారు.
నారా లోకేష్ యాత్రలో నందమూరి తారకరత్న సృృహ తప్పిపడిపోయారు. వెంటనే ఆయనను కుప్పంలోని ప్రైవెట్ ఆసుపత్రిలో చికిత్స అందిస్తున్నారు. తారకరత్నకు తీవ్రమైన గుండెపోటు వచ్చిందని.. ఆయన కుడి, ఎడమ రక్తనాళాల్లో 95 శాతం బ్లాక్స్ ఉన్నట్లు వైద్యులు గుర్తించారు. ఆయనను మెరుగైన వైద్యం కోసం బెంగళూరుకి తరలించాలని నిర్ణయించారు. అయితే ఎయిర్‌ లిఫ్ట్ చేయాలా..లేక రోడ్డు మార్గంలో తీసుకెళ్లాలా అనేది ఇంకా డిసైడ్ చేయలేదని చెప్పారు బాలకృష్ణ. తారకరత్న కోలుకుంటున్నారని.. ఆందోళన చెందాల్సిన పనిలేదన్నారు బాలయ్య. తారకరత్న ఆరోగ్య పరిస్థితిని దగ్గరుండి చూసుకుంటున్నారు బాలయ్య. మరోవైపు.. చంద్రబాబు నాయుడు వైద్యులతో మాట్లాడుతున్నారు. ఈ క్రమంలోనే బాలయ్యకు యూనియర్ ఎన్టీఆర్ ఫోన్ చేశారు.
తారకరత్న ఆరోగ్య పరిస్థితిని తెలుసుకోవడానికి బాలకృష్ణకు ఫోన్ చేశారు ఎన్టీఆర్. ఆయన హెల్త్ కండీషన్.. ఆసుపత్రికి తరలించడం పట్ల వివరాలు అడిగి తెలుసుకున్నారు. ఆయన త్వరగా కోలుకోవాలని ఆకాంక్షిస్తున్నారు ఎన్టీఆర్. లోకేష్ పాదయాత్రలో చురుగ్గా పాల్గొన్నారు తారకరత్న.
ఈరోజు ఉదయం జరిగిన పూజా కార్యక్రమాల్లోనూ ఆయన లోకేష్ వెంటే ఉన్నారు. కుప్పం సమీపంలోని ఓ మసీదులో లోకేష్ ప్రార్థనలు చేశారు. ఆ సమయంలో టీడీపీ కార్యకర్తలు పెద్ద ఎత్తున తోసుకుని వచ్చారు. ఒక్కసారిగా స్పృహ కోల్పోయారు తారకరత్న. వెంటనే సమీపంలోని కేసీ ఆస్పత్రికి తరలించి ప్రథమ చికిత్స అందించారు.
