Ram Gopal Varma: ‘పఠాన్’ సినిమా పై ఆర్జీవి ఇంట్రెస్టింగ్ ట్వీట్.. షారుఖ్ పని అయిపోయిందన్నారు అంటూ..
తాజాగా టాలీవుడ్ డైరెక్టర్ రామ్ గోపాల్ వర్మ.. బాద్ షా సినిమాపై ఇంట్రెస్టింగ్ ట్వీట్ చేశారు. పఠాన్ పై ప్రశంసలు కురిపిస్తూ.. షారుఖ్ గురించి చెప్పుకొచ్చారు.
బాలీవుడ్ బాద్ షా షారుఖ్ ఖాన్ నాలుగేళ్ల తర్వాత బాక్సాఫీస్ను రఫ్పాడిస్తున్నారు. చాలా కాలంగా వరుస ప్లాపులను ఖాతాలో వేసుకున్న ఈ స్టార్ హీరో ఇప్పుడు భారీ విజయాన్ని అందుకున్నారు. ఆయన నటించిన పఠాన్ సినిమా ప్రస్తుతం సక్సెస్ఫుల్గా దూసుకుపోతుంది. విడుదలైన రెండు రోజుల్లోనే దాదాపు రూ. 200 కోట్లకు చేరువలో వసూళ్లు రాబట్టి బాలీవుడ్ ఇండస్ట్రీలో కొత్త రికార్డ్ క్రియేట్ చేశాడు. దీంతో షారుఖ్.. పఠాన్ చిత్రం విజయం పై అభినందనలు తెలుపుతున్నారు సినీ ప్రముఖులు. ఈ క్రమంలోనే తాజాగా టాలీవుడ్ డైరెక్టర్ రామ్ గోపాల్ వర్మ.. బాద్ షా సినిమాపై ఇంట్రెస్టింగ్ ట్వీట్ చేశారు. పఠాన్ పై ప్రశంసలు కురిపిస్తూ.. షారుఖ్ గురించి చెప్పుకొచ్చారు. దక్షిణాది దర్శకుల మాదిరిగా బాలీవుడ్ వాళ్లు కమర్షియల్ చిత్రాలు తెరకెక్కించలేరనే అపోహను ఈ సినిమాతో పటాపంచలు చేసిందని అన్నారు.
“1. ఓటీటీ ప్లాట్ ఫామ్స్ అభివృద్ధి చెందుతున్న సమయంలో థియేటర్లలో మళ్లీ గొప్పగా కలెక్షన్స్ ఉండవు. 2. షారుఖ్ ఖాన్ కెరీర్ అయిపోయింది.. (ఫేడింగ్ స్టార్) 3. దక్షిణాది దర్శకులలా బాలీవుడ్ వాళ్లు ఎప్పుడూ కమర్షియల్ హిట్ చిత్రాలను తెరకెక్కించలేరు. 4. కేజీఎఫ్ 2 మొదటి రోజు కలెక్షన్స్ బ్రేక్ చేయడానికి చాలా సంవత్సరాలు పడుతుంది. పైన తెలిపిన అన్ని అపోహలను పఠాన్ సినిమా విచ్ఛిన్నం చేసింది” అంటూ ట్వీట్ చేశారు వర్మ. ప్రస్తుతం ఆయన ట్వీట్ నెట్టింట వైరలవుతుంది.
వరుస డిజాస్టర్స్ అనంతరం.. చాలా కాలం వరకు షారుఖ్ సైలెంట్ అయ్యారు. జీరో సినిమా తర్వాత బాద్ షా నుంచి మరో మూవీ రాలేదు. డైరెక్టర్ సిద్ధార్థ్ ఆనంద్ దర్శకత్వంలో బాద్ షా నటించిన ఈ పఠాన్ చిత్రం బ్లాక్ బస్టర్ హిట్ గా నిలిచింది. ఇందులో దీపికా పదుకొణె కథానాయికగా నటించగా.. జాన్ అబ్రహం కీలకపాత్ర పోషించారు. ఇందులో షారుఖ్ రా ఏజెంట్ గా కనిపించారు.
1. Theatre collections will never be great again in times of OTT 2. SRK is a fading star 3. Bollywood can never make a COMMERCIAL BLOCKBUSTER like the south masala directors 4. It will take years to break the day 1 collections of KGF 2
ALL above MYTHS broken by PATHAN
— Ram Gopal Varma (@RGVzoomin) January 27, 2023
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
