Jr.NTR: ఎన్టీఆర్ సరసన గ్లోబల్ స్టార్ ప్రియాంక చోప్రా.. డైరెక్టర్ ఎవరంటే..
ఇప్పటికే వీరిద్దరి కాంబోలో రాబోతున్న ప్రాజెక్ట్ గురించి అధికారిక ప్రకటన వచ్చేసిన సంగతి తెలిసిందే. ఇక వీరిద్దరి కాంబోలో రాబోతున్న ప్రాజెక్ట్ పై ఇప్పటికే భారీ హైప్ క్రియేట్ అయ్యింది. ఈ క్రమంలోనే తాజాగా ఈ ఇంట్రెస్టింగ్ మూవీపై మరో క్రేజ్ బజ్ నెలకొంది.
Updated on: Jun 07, 2023 | 8:21 AM
యంగ్ టైగర్ ఎన్టీఆర్ ప్రస్తుతం డైరెక్టర్ కొరటాల శివ దర్శకత్వంలో దేవర సినిమా చేస్తున్న సంగతి తెలిసిందే. ఇందులో బాలీవుడ్ బ్యూటీ జాన్వీ కపూర్ కథానాయికగా నటిస్తుండగా.. ప్రతినాయకుడిగా సైఫ్ అలీ ఖాన్ కనిపించనున్నారు. ఓవైపు శరవేగంగా షూటింగ్ జరుపుకుంటున్న ఈ మూవీ అప్డేట్స్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఇక ఇప్పటికే విడుదలైన ఫస్ట్ లుక్ పోస్టర్ సినిమాపై మరిన్ని అంచనాలను క్రియేట్ చేసింది. ఈ సినిమా తర్వాత తారక్ డైరెక్టర్ ప్రశాంత్ నీల్ దర్శకత్వంలో ఓ మూవీ చేయబోతున్నారు. ఇప్పటికే వీరిద్దరి కాంబోలో రాబోతున్న ప్రాజెక్ట్ గురించి అధికారిక ప్రకటన వచ్చేసిన సంగతి తెలిసిందే. ఇక వీరిద్దరి కాంబోలో రాబోతున్న ప్రాజెక్ట్ పై ఇప్పటికే భారీ హైప్ క్రియేట్ అయ్యింది. ఈ క్రమంలోనే తాజాగా ఈ ఇంట్రెస్టింగ్ మూవీపై మరో క్రేజ్ బజ్ నెలకొంది.
తాజాగా వినిపిస్తోన్న సమాచారం ప్రకారం ఈ సినిమాలో తారక్ సరసన గ్లోబల్ స్టార్ ప్రియాంక చోప్రా నటించనుందట. అయితే ఇంతకు ముందు ఈ సినిమాలో దీపికా పదుకొణె నుంచి మృణాల్ ఠాకూర్ వరకు పలువురు కథానాయికల పేర్లు వినిపించాయి. చివరకు ప్రియాంక కన్ఫార్మ్ అయినట్లుగా తెలుస్తోంది. యాక్షన్ నేపథ్యంలో సాగే ఈ సినిమాలో ప్రియాంక, తారక్ జోడి కట్టనున్నారట. ఇక ఈ పాన్ ఇండియా యాక్షన్ ఎంటర్టైనర్ ఇండియా, పాకిస్తాన్ సరిహద్దు నేపథ్యంలో ఉంటుందని తెలుస్తోంది.
ఈ చిత్రాన్ని మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మించనున్నారు. ఇవే కాకుండా.. ఈసారి తారక్ బాలీవుడ్ ఎంట్రీ ఇస్తున్న సంగతి తెలిసిందే. హీరో హృతిక్ రోషన్ నటిస్తోన్న వార్ 2 చిత్రంలో తారక్ కీలకపాత్రలో కనిపించనున్నారు. అంతేకాకుండా ఈ సినిమాలో మరోసారి నెగిటివ్ షేడ్స్ ఉన్న పాత్రలో తారక్ కనిపించనున్నారట. వార్ ఫ్రాంచైజీ యొక్క రెండవ భాగాన్ని అయాన్ ముఖర్జీ దర్శకత్వం వహించనున్నారు.
మరిన్ని సినిమా వార్తల కోసం ఇక్కడ క్లిక్ చేయండి.
