Sukumar: క్రియేటివ్ డైరెక్టర్ సుకుమార్ వాట్సాప్ డీపీగా ఎవరి ఫొటో పెట్టుకున్నారో తెలుసా? అసలు ఊహించలేరు

టాలీవుడ్ క్రియేటివ్ డైరెక్టర్ సుకుమార్ గురించి ప్రత్యేక పరిచయం అక్కర్లేదు. ఆర్యతో మొదలైన ఆయన సినీ ప్రస్థానం పుష్ప సినిమాతో పాన్ ఇండియా స్థాయికి చేరుకుంది. ప్రస్తుతం ఈ బ్లాక్ బస్టర్ మూవీకి సీక్వెల్ అయిన పుష్ప 2 షూటింగ్ పనుల్లో బిజీగా ఉంటున్నాడీ ట్యాలెంటెడ్ డైరెక్టర్. అల్లు అర్జున్ హీరోగా నటిస్తోన్న ఈ సినిమా ఈ ఏడాది డిసెంబర్ 6న ప్రపంచ వ్యాప్తంగా రిలీజ్ కానుంది. కాగా డైరెక్టర్ గానే కాకుండా నిర్మాతగానూ సత్తా చాటారు సుకుమార్. కథ నచ్చితే తన బ్యానర్ లోనే సినిమాలు తీసేందుకు రెడీగా ఉంటారాయన. అలాగే ఇతర సినిమాల ప్రమోషన్లకు కూడా హాజరవుతుంటాడు. అలా సుకుమార్ తాజాగా నాన్న సూపర్ హీరో సినిమా టీజర్ చూశారు. అనంతరం హీరో సుధీర్ బాబుకు అభినందనలు తెలుపుతూ మెసేజ్ చేశాడు. దీంతో హీరో సుధీర్ బాబు కూడా ఆనందంతో మురిసిపోయాడు. సుకుమార్ చేసిన మెసేజ్ ని స్క్రీన్ షాట్ తీసి తన సోషల్ మీడియాలో షేర్ చేసి థ్యాంక్స్ చెప్పాడు సుధీర్ బాబు. అయితే ఈ స్క్రీన్ షాట్ లో సుకుమార్ వాట్సాప్ డీపీ కూడా కనిపించింది. దీంతో ఒక్కసారిగా ఇది వైరల్ గా మారింది. ఇంతకీ డైరెక్టర్ సుకుమార్ తన వాట్సాప్ డీపీగా ఎవరి ఫొటో పెట్టుకున్నారో తెలుసా? కొన్నేళ్ల క్రితమే కన్నుమూసిన తన తండ్రి తిరుపతి రావు.

నాన్నకు ప్రేమతో..

దీనిపై స్పందించిన సుధీర్ బాబు ‘ మీ డీపీలో మీ నాన్నగారి ఫోటో ఉంది. మీ నాన్న గారంటే మీకు ఎంత ఇష్టమో తెలుస్తుంది. మా సినిమా కూడా నాన్నని సూపర్ హీరోగా చూసే ఓ అబ్బాయి కథ’ అని సుకుమార్ కు రిప్లై ఇచ్చారు. కాగా సుకుమార్ తండ్రి పేరు తిరుపతిరావు. ఆయన కొన్నేళ్ల క్రితం మరణించారు. సుకుమార్ తన తండ్రితో మంచి అనుబంధం ఉంది. అందుకే తన సినిమాల్లో తండ్రి పాత్రలకు బలమైన నేపథ్యముంటుంది. ఇక తన తండ్రి జ్ఞాపకార్థమే సుకుమార్ గతంలో తన సొంతూరిలో తండ్రి పేరు మీద స్కూల్ బిల్డింగ్ కూడా కట్టించాడు.

ఇవి కూడా చదవండి

సక్సెస్ కోసం పేరు మార్చుకున్న టాలీవుడ్ హీరో.. వర్కౌట్ అయ్యేనా?

'చిరంజీవి స్టెప్పులేస్తుంటే కళ్లు తిప్పుకోలేం': ఆమిర్ ఖాన్

షారుఖ్ తన కుమారుడికి అబ్ రామ్ అన్నపేరు ఎందుకు పెట్టాడో తెలుసా?

ఈ నటిని గుర్తు పట్టారా? సీనియర్ హీరోయిన్ కూతురు.. సబ్బులు అమ్మి..

సుధీర్ బాబు ట్వీట్..

Humbled by your appreciation, @aryasukku garu! Thank you for loving our #MaaNannaSuperHero teaser❤️

https://t.co/ke3FnMyYZ4 pic.twitter.com/QWYeinLG3m

— Sudheer Babu (@isudheerbabu) September 27, 2024

మరిన్ని సినిమా వార్తల కోసం ఇక్కడ క్లిక్ చేయండి.