Satyadev: స్పీడ్ పెంచిన యంగ్ హీరో.. సత్యదేవ్.. ఆకట్టుకుంటున్న ఫస్ట్ లుక్ పోస్టర్..
ఇంటెన్స్ యాక్షన్ డ్రామాగా ఈ మూవీ తెరకెక్కుతోంది. ఇక తాజాగా విడుదలైన ఫస్ట్ లుక్ పోస్టర్ లో సత్యదేవ్ ఎంతో పవర్ ఫుల్గా కనిపిస్తున్నారు.
Updated on: Jul 15, 2022 | 2:32 AM
కంటెంట్ ప్రాధాన్యత ఉన్న చిత్రాలను చేస్తూ తెలుగు సినీ పరిశ్రమలో తనకంటూ ప్రత్యేక గుర్తింపు తెచ్చుకున్నాడు యంగ్ హీరో సత్యదేవ్ (Satyadev). హీరోఐజం మాత్రమే కాకుండా వైవిధ్యమైన పాత్రలను ఎంచుకుంటూ తన నటనతో ప్రేక్షకుల మనసులో ప్రత్యక స్థానాన్ని సంపాదించుకున్నాడు. ఇటీవలే గాడ్సే సినిమాతో ప్రేక్షకుల ముందుకు వచ్చాడు ఈ హీరో. అయితే ఈ సినిమా అంతగా ఆకట్టుకోలేకపోయింది. ప్రస్తుతం సత్యదేవ్ గుర్తుందా శీతాకాలం సినిమాలో నటిస్తున్నాడు. ఇందులో మిల్కీబ్యూటీ తమన్నా కథానాయికగా నటిస్తోంది. ఈ మూవీనే కాకుండా తాజాగా మరో కొత్త ప్రాజెక్ట్ అనౌన్స్ చేశాడు ఈ యంగ్ హీరో. డైరెక్టర్ వీవీ గోపాలకృష్ణ దర్శకత్వంలో సత్యదేవ్ ప్రధాన పాత్రలో తెరకెక్కుతున్న లేటేస్ట్ చిత్రం కృష్ణమ్మ. జూలై 4న సత్యదేవ్ పుట్టిన రోజు సందర్భంగా ఈ మూవీ ఫస్ట్ లుక్ పోస్టర్ రిలీజ్ చేశారు మేకర్స్.
ఇంటెన్స్ యాక్షన్ డ్రామాగా ఈ మూవీ తెరకెక్కుతోంది. ఇక తాజాగా విడుదలైన ఫస్ట్ లుక్ పోస్టర్ లో సత్యదేవ్ ఎంతో పవర్ ఫుల్గా కనిపిస్తున్నారు. పోస్టర్లో ఆ కత్తి పట్టుకుని సత్యదేవ్ నిలుచుకున్నారు. మంచి, చెడుల కలయిక నది నడత… పగ, ప్రేమ కలయిక మనిషి నడక అనే ఓ భావం ఎలివేట్ అవుతుంది. కృష్ణమ్మ అనే టైటిల్ కూడా ఎంతో పవర్ ఫుల్గా అనిపిస్తోంది. ఇక ఈ యాక్షన్ మూవీకి సన్నీ కూరపాటి కెమెరామెన్గా వ్యవహరిస్తున్నారు. ఈ చిత్రానికి కాళ భైరవ సంగీతాన్ని అందిస్తున్నారు. ప్రముఖ దర్శకుడు కొరటాల శివ సమర్పణలో అరుణాచల క్రియేషన్స్ బ్యానర్ మీద.. కృష్ణ కొమ్మలపాటి ఈ సినిమాను నిర్మిస్తున్నారు. ఈ మూవీ షూటింగ్ ఇప్పటికే పూర్తవ్వగా.. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి. సెప్టెంబర్లో విడుదల చేయడానికి సన్నాహాలు చేస్తున్నారు. ఈ చిత్రంలో లక్ష్మణ్, కృష్ణ, అథిరా రాజ్, అర్చన, నంద గోపాల్, రఘు కుంచె, తారక్, సత్యం వంటి వారు ముఖ్య పాత్రలను పోషించారు.
#Krishnamma is my next with director VV Gopalakrishna under the production of @ArunachalaCOffl.
Super happy and blessed that blockbuster director #KoratalaSiva Garu is presenting it. pic.twitter.com/QbOLnzbHFU
— Satya Dev (@ActorSatyaDev) July 3, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
