Naga Shaurya: కొత్త ప్రాజెక్ట్ అనౌన్స్ చేసిన యంగ్ హీరో.. ఇంట్రెస్టింగ్ టైటిల్‏తో రాబోతున్న నాగశౌర్య..

యంగ్ అండ్ టాలెంటెడ్ హీరో నాగశౌర్య ఇటీవల లక్ష్య, వరుడు కావలెను సినిమాలతో ప్రేక్షకుల ముందుకు వచ్చాడు. ఈ రెండు చిత్రాలు ఆశించినంత స్థాయిలో అలరించలేకపోయాయి. దీంతో ఈ యంగ్ హీరో తన తదుపరి ప్రాజెక్ట్స్ పై మరింత ఫోకస్ పెట్టినట్లుగా తెలుస్తోంది. తాజాగా ఈ యంగ్ హీరో ప్రధాన పాత్రలో డైరెక్టర్ అవసరాల శ్రీనివాస్ దర్శకత్వంలో ఓ మూవీ చేస్తున్నాడు. పీపుల్ మీడియా ఫ్యాక్టరీ,దాసరి ప్రొడక్షన్స్ సంస్థలు సంయుక్తంగా నిర్మిస్తున్న చిత్రానికి ‘ఫలానా అబ్బాయి – ఫలానా అమ్మాయి’ టైటిల్ ఫిక్స్ చేశారు మేకర్స్. ఇందులో నాగశౌర్య సరసన మాళవిక నాయర్ నటిస్తోంది.

ప్రస్తుత లండన్ లోని పలు సుందరమైన ప్రదేశాలలో షూటింగ్ జరుగుతుంది. గతంలో నాగశౌర్య, దర్శకుడు అవసరాల శ్రీనివాస్ ల కాంబినేషన్ లో రూపొందిన ‘ఊహలు గుస గుస లాడే, జో అచ్యుతానంద చిత్రాలు సూపర్ హిట్ అయిన సంగతి తెలిసిందే. దీంతో మరోసారి ఈ హిట్ కాంబో కాబోతుండడంతో సినిమాపై ఆసక్తి నెలకొంది. ఈ చిత్రం షూటింగ్ ప్రస్తుతం లండన్ లో జరుపుకుంటోంది. నాయక, నాయిక లతోపాటు ప్రధాన తారాగణం పాల్గొనగా చిత్రీకరణ జరుగుతోంది. ఇలాంటి విజయ వంతమైన చిత్రాల నాయక,నాయికలు, దర్శకుడు, ప్రతిభ గల సాంకేతిక వర్గంతో ఈ చిత్రాన్ని నిర్మించటం ఎంతో ఆనందంగా ఉంది అని తెలిపారు ఈ చిత్ర నిర్మాతలు టి.జి.విశ్వప్రసాద్, దాసరి పద్మజ, సహ నిర్మాత వివేక్ కూచి భొట్ల.

PAPA ( Phalana Abbai Phalana Ammai ) new schedule begins in london ?❤@IamNagashaurya @MalvikaNairOffl @Sri_Avasarala @vishwaprasadtg @vivekkuchibotla @peoplemediafcy pic.twitter.com/JPLO9wbCnm

— People Media Factory (@peoplemediafcy) July 2, 2022

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.