AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ఇండస్ట్రీలో ఆయనంటే నాకు క్రష్ ఉండేది.. ఆ విషయం చెప్తే ఎలా రియాక్ట్ అయ్యారంటే : సుధ

కేరక్టర్ ఆర్టిస్ట్ గా నటిస్తూ ప్రేక్షకులను అలరిస్తున్న వారిలో సుధా ఒకరు. ఎన్నో సూపర్ హిట్ సినిమాల్లో నటించి మెప్పించారు సుధా. అమ్మ పాత్రలకు సుధా పెట్టింది పేరు. ఎన్నో సినిమాల్లో వైవిధ్యమైన పాత్రలు పోషించారు సుధా. హీరో, హీరోయిన్ అమ్మ పాత్ర అంటే టక్కున గుర్తొచ్చే పేరు సుధా.

ఇండస్ట్రీలో ఆయనంటే నాకు క్రష్ ఉండేది.. ఆ విషయం చెప్తే ఎలా రియాక్ట్ అయ్యారంటే : సుధ
Sudha
Rajeev Rayala
|

Updated on: Nov 01, 2026 | 7:26 PM

Share

తెలుగు సినీ పరిశ్రమలో తనదైన ముద్ర వేసిన సీనియర్ నటి సుధా, ఓ ప్రత్యేక ఇంటర్వ్యూలో తన వ్యక్తిగత జీవితం, సినీ అనుభవాలను పంచుకున్నారు. ఈ సంభాషణలో దిగ్గజ నటులతో ఆమె అనుబంధం, సినీ పరిశ్రమలో వచ్చిన మార్పులు, తన కుటుంబం గురించి అనేక ఆసక్తికర విషయాలు వెలుగులోకి వచ్చాయి. సుధా తన తండ్రిని తన జీవితంలో అత్యంత ఇష్టమైన వ్యక్తిగా పేర్కొన్నారు. అయితే, తన తల్లితోనే ఆమె చాలా సన్నిహితంగా ఉంటారని తెలిపారు. సినీ ప్రపంచంలో ఆమెకు అత్యంత ఆరాధనీయులైన నటి మహానటి సావిత్రి గారు మాత్రమేనని, ఆ స్థానాన్ని ఎవరూ భర్తీ చేయలేరని స్పష్టం చేశారు. ఎస్.పి. బాలసుబ్రహ్మణ్యం గారిపై తనకు ఒకప్పుడు క్రష్ ఉండేదని, ఆయనను కిడ్నాప్ చేసి పెళ్లి చేసుకోవాలని అనుకున్నానని సరదాగా వెల్లడించారు. ఈ విషయాన్ని ఎస్పీబీతో చెప్పినప్పుడు ఆయన నవ్వుకున్నారని, చరణ్‌కు కూడా ఈ విషయం తెలుసని పేర్కొన్నారు. బాలు గారి పాటలు వింటూ ప్రయాణించడం తనకు ఇష్టమైన అలవాటు అని ఆమె చెప్పారు.

ప్రస్తుత తరం నటీనటులు, సినిమా పరిశ్రమలో రావాలనుకునే వారి గురించి మాట్లాడుతూ.. ఇప్పుడు వారికి గూగుల్, యూట్యూబ్, మొబైల్ ఫోన్లు వంటివి అందుబాటులో ఉన్నాయని, కాబట్టి వారు తమ మార్గాన్ని తామే ఎంచుకుంటారని అభిప్రాయపడ్డారు. ఒకప్పుడు సీనియర్లు చెప్పింది వినేవారని, ఇప్పుడు ఆ పరిస్థితి లేదని ఆమె అన్నారు. తన సినిమాలను చూసి తన పిల్లలు, మనవరాలు ఇచ్చే స్పందనలను కూడా సుధా పంచుకున్నారు. తన మనవరాలు “లక్కీ భాస్కర్” సినిమా చూసి, తెరపై తాను కనిపించడం, పక్కన తన ఒడిలో తాను ఉండటం చూసి గందరగోళానికి గురైన సందర్భాన్ని గుర్తుచేసుకున్నారు. సుధా మలయాళంలోనూ పలు చిత్రాల్లో నటించారు. మోహన్‌లాల్‌కి తల్లి పాత్రలో నటించిన ఒక సినిమా పెద్ద హిట్ అయిందని, అది ఏడాది పాటు ఆడిందని తెలిపారు. గురువాయూర్‌లో ఉన్నప్పుడు మలయాళ నటులు మమ్ముట్టి, మోహన్‌లాల్‌తో కలిసి పనిచేసినందుకు అక్కడ తనను చాలా మంది గుర్తించారని ఆమె చెప్పారు.

వెంకటేష్ గారితో తాను చాలా సినిమాలు చేసినా, మొదట్లో పెద్దగా మాట్లాడేవారు కాదని, తర్వాత తర్వాతనే బాండింగ్ ఏర్పడిందని సుధా తెలిపారు. తాను దాదాపు ప్రతి హీరోతో కనీసం పది సినిమాల్లో నటించానని, కృష్ణ గారితో ఏడు, నాగేశ్వరరావు గారితో నాలుగు సినిమాలు చేశానని, అయితే సీనియర్ ఎన్టీఆర్ గారితో ఒకే ఒక్క సినిమా “పుట్టింటోళ్లు తరిమేశారు”లో మాత్రమే నటించగలిగానని ఆమె పేర్కొన్నారు. సీనియర్ ఎన్టీఆర్ గారితో పనిచేసేటప్పుడు భయం ఉండేదని, ఆయన పట్ల ఎంతో గౌరవం ఉండేదని, పంక్చువాలిటీ, డైలాగ్ మాడ్యులేషన్ వంటివి ఆయన దగ్గర నుండే నేర్చుకున్నామని తెలిపారు. జూనియర్ ఎన్టీఆర్ గురించి మాట్లాడుతూ, చిన్నప్పుడు “మేజర్ చంద్రకాంత్” సెట్‌కు వచ్చి తన తాత ఒడిలో కూర్చునేవాడని గుర్తు చేసుకున్నారు. దర్శకుడు బాలచందర్ గారు ఇచ్చిన సలహా గురించి చెబుతూ, రూముల్లో కూర్చుని కబుర్లు చెప్పుకునే బదులు, సెట్‌లో ఉండి ఇతర నటీనటులు ఎలా నటిస్తున్నారో గమనించమని ఆయన చెప్పేవారని, అది భవిష్యత్తులో నటనకు ఉపయోగపడుతుందని బాలచందర్ గారి మాటలను గుర్తు చేసుకున్నారు.

ఇవి కూడా చదవండి

మరిన్ని సినిమా వార్తల కోసం ఇక్కడ క్లిక్ చేయండి

Follow Us