AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ఆ హీరో చాలా సాఫ్ట్, మంచివాడు.. అందుకే ఆయనంటే నాకు విపరీతమైన అభిమానం

పోసాని కృష్ణ మురళి ఇటీవల ఒక ఇంటర్వ్యూలో తన సినీ జీవితంలోని కీలక ఘట్టాలు, ప్రముఖ దర్శకులైన రామ్ గోపాల్ వర్మ, మణిరత్నంలపై తన అభిప్రాయాలను పంచుకున్నారు. అలాగే తన కెరీర్‌లో ఎదురైన ఫ్లాప్‌లు, వాటిని అధిగమించి విజయం సాధించిన తీరును ఆయన వివరించారు. 

ఆ హీరో చాలా సాఫ్ట్, మంచివాడు.. అందుకే ఆయనంటే నాకు విపరీతమైన అభిమానం
Posani Krishna Murali
Rajeev Rayala
|

Updated on: Oct 31, 2026 | 12:18 PM

Share

ఓ ఇంటర్వ్యూలో పోసాని మాట్లాడుతూ.. శ్రావణ మాసం సినిమా ఫ్లాప్ అయిన తర్వాత ఎదురైన ఆర్థిక కష్టాలను, ఆ సమయంలో ఒక డైరెక్టర్ వచ్చి తనను నిరుత్సాహపరచిన సంఘటనను పోసాని గుర్తు చేసుకున్నారు. అయితే, రెండేళ్లలోనే ఆపరేషన్ దుర్యోధన సినిమాను తీసి బిగ్గెస్ట్ హిట్ సాధించి, విమర్శకులకు సమాధానం చెప్పినట్లు తెలిపారు. తన ఆస్తిని అమ్మి అప్పులు తీర్చి, తిరిగి అదే ఫైనాన్షియర్ తో తన సొంత కథతో ఆపరేషన్ దుర్యోధనను నిర్మించానని వివరించారు. ఆపరేషన్ దుర్యోధన ఒక ప్రత్యేకమైన చిత్రం అని, తెలుగు సినిమా చరిత్రలో వంద రోజులు ఆడిన చివరి సినిమాలలో ఇదొకటని ఆయన పేర్కొన్నారు. ఈ చిత్రం అప్పట్లో లెక్కలేనంత డబ్బు సంపాదించిందని, దాని విజయం తన జీవితాన్ని మార్చిందని చెప్పారు. దర్శకుల గొప్పతనంపై మాట్లాడుతూ, రామ్ గోపాల్ వర్మను భారతదేశంలోని అత్యంత ప్రతిభావంతులైన దర్శకులలో ఒకరిగా, సాంకేతిక పరిజ్ఞానం గల నిజమైన జీనియస్ గా పోసాని అభివర్ణించారు. “రామ్ గోపాల్ వర్మకు సినిమా టెక్నిక్ లు తెలిసినంతగా మరెవ్వరికీ తెలియదు, మణిరత్నంకి కూడా తెలియదు” అని ఆయన సంచలన వ్యాఖ్యలు చేశారు. ఆర్జీవి షార్ప్‌నెస్, క్రియేటివిటీ, అతను ట్రావెల్ చేసిన విధానం అద్భుతమని, అతను ఒక జీనియస్ అని ప్రశంసించారు. ఫ్లాప్‌లతో సంబంధం లేకుండా ఆర్జీవి గొప్పతనం నిలిచి ఉంటుందని స్పష్టం చేశారు.

మణిరత్నం గురించి మాట్లాడుతూ, ఆయన చాలా చదువుకున్న వ్యక్తి అని, లెజెండరీ డైరెక్టర్ అని పోసాని కృష్ణ మురళి అన్నారు. మణిరత్నం అనేక ఫ్లాపులు తీసినప్పటికీ, ఆయన ఎప్పటికీ ఒక గొప్ప దర్శకుడేనని, మొన్న కమల్ హాసన్ తో చేసిన సినిమా ఫ్లాప్ అయినా కూడా అది సబ్జెక్టు లోపం వల్లనే అని, మణిరత్నం ఫ్లాప్ కాదని అభిప్రాయపడ్డారు. నటుడు శ్రీకాంత్‌తో తనకున్న అనుబంధాన్ని గురించి కూడా పోసాని వివరించారు. తన చిన్నప్పటి నుంచి హీరో కృష్ణ గారికి అభిమానినని, కృష్ణ గారు ఎంత సాఫ్ట్ గా, మంచివారో శ్రీకాంత్ కూడా అంతేనని అన్నారు. శ్రీకాంత్ మొదటి సినిమా పీపుల్స్ ఎన్‌కౌంటర్కు తానే డైలాగులు రాశానని, అప్పటి నుంచే శ్రీకాంత్‌తో తన బంధం మొదలైందని వెల్లడించారు. ప్రేయసి రావే, ఈస్ట్ గోదావరి మొగుడు, తాళి వంటి అనేక గొప్ప సినిమాలను శ్రీకాంత్‌తో కలిసి చేశానని పేర్కొన్నారు.

తన వ్యక్తిగత జీవితం గురించి మాట్లాడుతూ, తనకు తన ఫోన్ నంబర్ తెలియదని, అకౌంట్‌లో ఎన్ని డబ్బులు ఉన్నాయో, ఇంట్లో ఏం వండుతారో, కరెంట్ బిల్లుల వంటి విషయాలు కూడా తెలియవని నవ్వుతూ చెప్పారు. తాను ఎప్పుడూ శత్రువులను ఉంచుకోనని, అభిప్రాయ భేదాలు వస్తే అక్కడితో వదిలేస్తానని, ఎవరినీ ద్వేషించనని తన వ్యక్తిత్వాన్ని వెల్లడించారు. తాను జీవితంలో అన్ని చూశానని, ఇది చిరంజీవి గారి “గంజి చూశాను, బెంజి చూశాను” అన్న మాటను పోలి ఉందని పేర్కొన్నారు.

ఇవి కూడా చదవండి

మరిన్ని సినిమా వార్తల కోసం ఇక్కడ క్లిక్ చేయండి

Follow Us
ఆ 10 నిమిషాల సీన్ తీయకపోయి ఉంటే జయం మనదేరా ప్లాప్ అయ్యేది..
ఆ 10 నిమిషాల సీన్ తీయకపోయి ఉంటే జయం మనదేరా ప్లాప్ అయ్యేది..
నానక్‌రామ్‌గూడలో తీవ్ర విషాదం.. బతుకుదెరువు కోసం వచ్చి..
నానక్‌రామ్‌గూడలో తీవ్ర విషాదం.. బతుకుదెరువు కోసం వచ్చి..
ఇన్నాళ్లు ఎలా మిస్సయ్యాం.. ఫ్రెష్ చేపలను గుర్తించడం ఇంత ఈజీనా..
ఇన్నాళ్లు ఎలా మిస్సయ్యాం.. ఫ్రెష్ చేపలను గుర్తించడం ఇంత ఈజీనా..
ఆ సినిమా మొత్తం నైటీలోనే చేశా..
ఆ సినిమా మొత్తం నైటీలోనే చేశా..
రెండు కాళ్లపై నిలబడి ఫేమస్.. 23 ఏళ్లకి గిన్నిస్ రికార్డు!
రెండు కాళ్లపై నిలబడి ఫేమస్.. 23 ఏళ్లకి గిన్నిస్ రికార్డు!
మహిళలు ముక్కుకు ఎడమ వైపునే ముక్కుపుడక ఎందుకు ధరిస్తారు?
మహిళలు ముక్కుకు ఎడమ వైపునే ముక్కుపుడక ఎందుకు ధరిస్తారు?
సమంతకు మగబిడ్డ.. 12 ఏళ్ల క్రితం ఆయన చెప్పిందే నిజమైంది.. వీడియో
సమంతకు మగబిడ్డ.. 12 ఏళ్ల క్రితం ఆయన చెప్పిందే నిజమైంది.. వీడియో
అంత గుడ్డిగా ఎలా నమ్మావ్‌ బ్రో.. ఎస్‌ఐ నంటూ ఫోన్‌ కట్‌చేస్తే..
అంత గుడ్డిగా ఎలా నమ్మావ్‌ బ్రో.. ఎస్‌ఐ నంటూ ఫోన్‌ కట్‌చేస్తే..
పూజల్లో ఎక్కువగా వాడే ఈ రంగుల వెనుక అసలు అర్థం తెలుసా?
పూజల్లో ఎక్కువగా వాడే ఈ రంగుల వెనుక అసలు అర్థం తెలుసా?
అప్పట్లోనే చిరంజీవి నటించిన ఇంగ్లీష్ సినిమా.. ఎందుకు ఆగిపోయిందంటే
అప్పట్లోనే చిరంజీవి నటించిన ఇంగ్లీష్ సినిమా.. ఎందుకు ఆగిపోయిందంటే