Actor Karthi: ఈసారి బాక్సాఫీస్ దద్దరిల్లాల్సిందే.. 15 ఏళ్లకు రిలీజ్ కానున్న కార్తీ సూపర్ హిట్..

సౌత్ ఇండస్ట్రీలో రీరిలీజ్ ట్రెండ్ గురించి చెప్పక్కర్లేదు. ఇప్పటికే తెలుగు, తమిళంలో ఎన్నో సినిమాలు మరోసారి విడుదలై బాక్సాఫీస్ వద్ద సత్తా చాటాయి. ఒకప్పుడు ప్లాప్ అయిన చిత్రాలు మళ్లీ రిలీజ్ చేయగా.. ఊహించని రెస్పాన్స్ అందుకున్నాడు. అంతేకాకుండా భారీ వసూళ్లు రాబట్టాయి. ఇక ఇప్పుడు ఓ సూపర్ హిట్ సినిమాను మరోసారి రీరిలీజ్ చేస్తున్నారు.

Yuganiki Okkadu

Rajitha Chanti |

Updated on: Feb 24, 2025 | 5:46 PM

సినీరంగంలో రీరిలీజ్ ట్రెండ్ ఎక్కువగా నడుస్తున్న సంగతి తెలిసిందే. గతంలో హిట్, ప్లాప్ అయిన సినిమాలను మరోసారి అడియన్స్ ముందుకు తీసుకురాగా.. మంచి రెస్పాన్స్ వచ్చింది. ఇప్పటికే ఎన్నో సినిమాలు థియేటర్లలో మళ్లీ ప్రేక్షకులను ఆకట్టుకున్నాయి. అంతేకాకుండా ఈ రీరిలీజ్ ట్రెండ్ తో మరోసారి బాక్సాఫీస్ వద్ద కలెక్షన్స్ సునామీ సృష్టించింది. తాజాగా కోలీవుడ్ హీరో కార్తీ కెరీర్ మలుపు తిప్పిన ఓ సినిమాను అడియన్స్ ముందుకు తీసుకువస్తున్నారు. దాదాపు 15 ఏళ్ల తర్వాత మరోసారి థియేటర్లలో రిలీజ్ చేసేందుకు మేకర్స్ రెడీ అయ్యారు. ఈ విషయాన్ని అధికారికంగా ప్రకటించారు. ఆ సినిమా ఏంటో తెలుసా.. ? అదే యుగానికి ఒక్కడు.

కోలీవుడ్ స్టార్ సూర్య తమ్ముడు కార్తీకి ఉన్న క్రేజ్ గురించి చెప్పక్కర్లేదు. ఇప్పటివరకు అతడు నటించిన చిత్రాలన్నీ అటు తమిళంతోపాటు ఇటు తెలుగులోనూ మంచి విజయాన్ని అందుకున్నాయి. ఇక కార్తీ కెరీర్ మలుపు తిప్పిన సినిమా యుగానికి ఒక్కడు. అప్పట్లో ఈ మూవీ భారీ విజయాన్ని అందుకుంది. సెల్వ రాఘవన్ దర్శకత్వం వహించిన ఈ సినిమాలో రీమా సేన్, ఆండ్రియా జెరేమియా హీరోయిన్లుగా నటించగా.. సీనియర్ నటుడు ఆర్. పార్థిబన్ కీలకపాత్ర పోషించారు. 2010 జనవరి 14న విడుదలైన ఈ సినిమా భారీ రెస్పాన్స్ అందుకుంది. ఇక ఇప్పుడు 15 ఏళ్ల తర్వాత మళ్లీ రిలీజ్ చేస్తున్నారు.

వచ్చే నెల మార్చి 14న ఈ సినిమాను ఏపీ, తెలంగాణతోపాటు కర్ణాటక, అమెరికాలోనూ భారీ ఎత్తున విడుదల చేయడానికి మేకర్స్ సన్నాహాలు చేస్తున్నారు. ప్రైమ్ షో ఎంటర్టైన్మెంట్ అధినేతలు ఈ చిత్రాన్ని మరోసారి అడియన్స్ ముందుకు తీసుకువస్తున్నారు. ప్రైమ్ షో ఫిల్మ్స్ బ్యానర్ పై ఈ చిత్రాన్ని డిస్ట్రిబ్యూట్ చేస్తున్నారు.

ఇవి కూడా చదవండి