Mahesh Manjrekar: ఈ విలన్ కూతురు టాలీవుడ్ క్రేజీ హీరోయిన్ అని తెలుసా.. ? నెట్టింట గ్లామర్ అరాచకమే..

బాలీవుడ్ ఇండస్ట్రీలో వన్ ఆఫ్ ది టాప్ యాక్టర్. ఎక్కువగా విలన్ పాత్రలతో ఫేమస్ అయ్యాడు మహేష్ మంజ్రేకర్. తెలుగు ప్రేక్షకులకు సైతం సుపరిచితుడే. తెలుగులోనూ అనేక చిత్రాల్లో విలన్ పాత్రలు పోషించి మరింత పాపులర్ అయ్యాడు. కానీ మీకు తెలుసా.. అతడి కూతురు టాలీవుడ్ క్రేజీ హీరోయిన్. నెట్టింట గ్లామర్ అరాచకమే ఆమె..

Mahesh Manjrekar

Rajitha Chanti |
Updated on: Feb 16, 2025 | 12:45 PM

మహేష్ మంజ్రేకర్.. ఈ పేరు చెబితే తెలుగు ప్రేక్షకులు అంతగా గుర్తుపట్టలేరు. కానీ అతడు వెండితెరపై మాత్రం సుపరిచితమే. బాలీవుడ్ ఇండస్ట్రీలో అనేక చిత్రాల్లో నటించిన మహేష్ మంజ్రేకర్.. ఇటు తెలుగులోనూ తనకంటూ ఓ గుర్తింపు తెచ్చుకున్నాడు. గోపిచంద్ నటించిన ఒక్కడున్నాడు, ఎన్టీఆర్ అదుర్స్, రవితేజ డాన్ శీను, సిద్ధూ జొన్నలగడ్డ గుంటూరు టాకీస్, ప్రభాస్ సాహో వంటి సూపర్ హిట్ చిత్రాల్లో విలన్ పాత్రలు పోషించారు. ఎలాంటి పాత్రలలోనై అవలీలగా జీవించే నటుడు మహేష్ మంజ్రేకర్. కామెడీ పండించగలడు.. ఇటు క్రూరత్వం చూపించగలడు. పాత్ర ఏదైనా సరే ఇ్టటే పరకాయ ప్రవేశం చేయడం మహేష్ మంజ్రేకర్ స్టైల్. అందుకే అతడికి ఇండస్ట్రీలోనే విపరీతమైన క్రేజ్ ఉంది. మాజీ సీఎం జగన్ జీవితం ఆధారంగా వచ్చిన యాత్ర 2లో అద్భుతంగా నటించి మెప్పించాడు.

తెలుగు, తమిళం, కన్నడ, హిందీ, మరాఠీ, బెంగాళీ, భోజ్ పురి భాషలలో ఎన్నో హిట్ చిత్రాల్లో నటించాడు మహేష్ మంజ్రేకర్. అలాగే దర్శకుడిగా మారి మరెన్నో సూపర్ హిట్ చిత్రాలను తెరకెక్కించారు. మహేష్ మంజ్రేకర్ ఫ్యామిలీ గురించి జనాలకు అంతగా తెలియదు. అతడికి ముగ్గురు సంతానం. ఇందులో ఓ కూతురు టాలీవుడ్ క్రేజీ హీరోయిన్. ఆమె మరెవరో కాదు.. సయీ మంజ్రేకర్. సల్మాన్ ఖాన్ దబంగ్ 3 మూవీతో కథానాయికగా ఇండస్ట్రీలోకి అడుగుపెట్టింది.

ఇవి కూడా చదవండి

ఈ సినిమాతో హిందీలో ఈ ముద్దుగుమ్మకు మంచి క్రేజ్ వచ్చింది. అందం, అభినయంతో ఆకట్టుకుంది. కానీ అంతగా అవకాశాలు మాత్రం రాలేదు. తెలుగులో పలు చిత్రాల్లో నటించింది ఈ బ్యూటీ. వరుణ్ తేజ్ సరసన గని.. రామ్ పోతినేని జోడిగా స్కంద, మేజర్ చిత్రాల్లో నటించి మెప్పించింది. అయితే టాలీవుడ్ ఇండస్ట్రీలో ఆమెకు అంతగా గుర్తింపు మాత్రం రాలేదు. కానీ సోషల్ మీడియాలో నిత్యం గ్లామర్ ఫోటోస్ షేర్ చేస్తూ రచ్చ చేస్తుంది ఈ వయ్యారి.