DJ Tillu: టిల్లు అన్న డీజే పెడితే ఇలాగే ఉంటది.. అదరగొడుతోన్న డీజే టిల్లు టైటిల్ సాంగ్‌..
యంగ్‌ హీరో సిద్ధు జొన్నలగడ్డ నటిస్తున్న తాజా చిత్రం ' డీజే టిల్లు'. 'అట్లుంటది మనతోనే' అనేది సినిమా ఉపశీర్షిక. నేహా శెట్టి ఈచిత్రంలో హీరోయిన్‌గా నటిస్తోంది. విమల్‌ కృష్ణ దర్శకత్వం వహిస్తున్నారు. పీడీవీ ప్రసాద్‌ సమర్పణలో సూర్యదేవర నాగవంశీ ఈ సినిమాను నిర్మించారు. ఇప్పటికే షూటింగ్‌ పూర్తి చేసుకున్న ఈ చిత్రం
యంగ్‌ హీరో సిద్ధు జొన్నలగడ్డ నటిస్తున్న తాజా చిత్రం ‘ డీజే టిల్లు’. ‘అట్లుంటది మనతోని’ అనేది సినిమా ఉపశీర్షిక. నేహా శెట్టి ఈచిత్రంలో హీరోయిన్‌గా నటిస్తోంది. విమల్‌ కృష్ణ దర్శకత్వం వహిస్తున్నారు. పీడీవీ ప్రసాద్‌ సమర్పణలో సూర్యదేవర నాగవంశీ ఈ సినిమాను నిర్మించారు. ఇప్పటికే షూటింగ్‌ పూర్తి చేసుకున్న ఈ చిత్రం సంక్రాంతి కానుకగా ఈ నెల 14న ప్రేక్షకుల ముందుకు రానుంది. ఈ క్రమంలో దర్శకనిర్మాతలు ప్రమోషన్‌ కార్యక్రమాలను వేగవంతం చేశారు. తాజాగా టైటిల్ గీతాన్ని చిత్ర బృందం విడుదల చేసింది. ‘లాలాగూడ..అంబర్‌ పేట.. మల్లేపల్లి..మలక్‌ పేట..టిల్లు అన్నా డీజే పెడితే ‘ అంటూ సినిమాలో హీరో క్యారెక్టర్‌ను వివరిస్తూ సాగుతోందీ పాట. ఈ సాంగ్‌కు కాసర్ల ర్యామ్‌కు సాహిత్యం అందించగా రామ్‌ మిర్యాల ఆలపించారు. శ్రీచరణ్‌ పాకాల స్వరాలు సమకూర్చారు.
రొమాంటిక్ లవ్‌స్టోరీగా తెరకెక్కుతోన్న ఈ సినిమాలో ప్రిన్స్, బ్రహ్మాజీ, ప్రగతి, నర్రా శ్రీనివాస్‌ తదితరులు కీలక పాత్రల్లో నటిస్తున్నారు. కాగా ‘గుంటూరు టాకీస్‌’ సినిమాతో హీరోగా మంచి గుర్తింపు తెచ్చుకున్నాడు సిద్దూ జొన్నలగడ్డ. ఆతర్వాత ‘కృష్ణ అండ్‌ హిజ్‌ లీలా’, ‘మా వింత గాథ వినుమా’ వంటి వైవిధ్యమైన సినిమాల్లో నటించి మెప్పించాడు. ఇప్పుడు ‘డీజే టిల్లు’తో హీరోగా మరోసారి తన అదృష్టం పరీక్షించుకునేందుకు మన ముందుకు వస్తున్నాడు. ఇక హీరోయిన్ విషయానికొస్తే.. కర్ణాటకకు చెందిన నేహాశెట్టి గతంలో ఆకాశ్‌ పూరీతో కలిసి ‘మెహబూబా’ చిత్రంలో నటించింది. ఆతర్వాత సందీప్‌ కిషన్‌తో కలిసి ‘గల్లీ రౌడీ’లో సందడి చేసింది. అయితే ఈ రెండు సినిమాలు ఆమెకు పెద్దగా గుర్తింపు ఇవ్వలేకపోయాయి.
Also Read:
Coronavirus: సినిమా ఇండస్ట్రీలో కరోనా టెన్షన్‌.. వైరస్‌ బారిన మరో కోలీవుడ్‌ హీరో..
