17 మంది స్టార్ హీరోలు, 21 మంది నిర్మాతలు రిజెక్ట్ చేసిన సినిమా.. కట్ చేస్తే.. బ్లాక్ బస్టర్ కొట్టిన యంగ్ హీరో

కొంతమంది ప్రేక్షకులు కామెడీ సినిమాలను ఇష్టపడతారు, మరికొందరు ప్రేక్షకులు హారర్ అండ్ సైకలాజికల్ థ్రిల్లర్ సినిమాలను ఇష్టపడతారు. ఇప్పుడు మనం మాట్లాడుకోబోయేది కూడా ఒక హారర్ థ్రిల్లర్ మూవీనే. అయితే ఈ మూవీని ఏకంగా 17 మంది స్టార్ హీరోలు రిజెక్ట్ చేశారు. అలాగే 21 మంది నిర్మాతలు తిరస్కరించారు. ఎందుకంటే ఇది చాలా రిస్క్‌తో కూడుకున్న సబ్జెక్టుగా వారు భావించారు. నివేదికల ప్రకారం, ఈ సినిమా కథ విన్న తర్వాత 17 మంది నటులు ఈ సినిమాలో నటించడానికి నిరాకరించారు. అలాగే 21 మంది నిర్మాతలు కూడా ఈ ప్రాజెక్ట్ నుంచి వైదొలిగారు. బిజినెస్ పరంగా ఈ సబ్జెక్ట్ అసలు వర్కౌటవ్వదని ప్రొడ్యూసర్స్ భావించారు. కట్ చేస్తే.. చివరకు ఒక చిన్న హీరో ఈ సినిమాను తీసి బ్లాక్ బస్టర్ కొట్టాడు. అలాగే నిర్మాతలందరూ వెనక్కు తగ్గగా.. చివరకు, యాక్సిస్ ఫిల్మ్ ఫ్యాక్టరీ యజమాని ఢిల్లీ బాబు ముందుకు వచ్చి ఈ చిత్రాన్ని నిర్మించారు. సినిమా బ్లాక్ బస్టర్ గా నిలిచింది. ఆయన నిర్ణయం కరెక్టేననిపించింది.

ఇంతకీ ఆ సినిమా ఏదనుకుంటున్నారా? 2018లో విడుదలైన తమిళ చిత్రం రాక్షసన్. రామ్ కుమార్ దర్శకత్వంలో తెరకెక్కిన ఈ సినిమాలో విష్ణు విశాల్, అమలా పాల్ ప్రధాన పాత్రలు పోషించారు. అలాగే కాళీ వెంకట్, అభిరామి, రాధా రవి, సుజానే జార్జ్, వినోదిని వైద్యనాథన్ తదితరులు కూడా ముఖ్య పాత్రలు పోషించారు. మీడియా నివేదికల ప్రకారం, ‘రాక్షసన్’ సినిమా బడ్జెట్ రూ.7 కోట్ల దాకా ఉంటుందని అంచనా. అయితే, విడుదలైన తర్వాత, ఈ సినిమా దాదాపు రూ.20 కోట్లు కలెక్ట్ చేసింది. నిర్మాతలకు కాసుల వర్షం కురిపించింది.

ఇవి కూడా చదవండి

ఓటీటీలో బిగ్గెస్ట్ బ్లాక్ బస్టర్.. స్ట్రీమింగ్ ఎప్పటినుంచంటే?

ఆ నటుడి వల్లే నా పెళ్లి ఆగిపోయింది.. పూనమ్ కౌర్ షాకింగ్ కామెంట్స్

'ది రాజాసాబ్' హీరోయిన్ ఫొన్‌లో ప్రభాస్ నంబర్‌ ఏ పేరుతో ఉందంటే?

'మన శంకర వరప్రసాద్ గారు' ట్రైలర్‌ను ఇప్పటిదాకా ఎంత మంది చూశారంటే?

A Script Rejected by 7 Heroes and 22 Producers #Ratsasan pic.twitter.com/1JKQGgt3aP

— Sanjeev (@sanjeevarunb) December 6, 2025

సైకలాజికల్ థ్రిల్లర్ జానర్ సినిమాల్లో ఒక కల్ట్ క్లాసిక్‌గా రాక్షసన్ నిలిచిపోయింది. ఈ సినిమా ప్రస్తుతం జియో హాట్‌స్టార్‌లో అందుబాటులో ఉంది. తెలుగు వెర్షన్ కూడా అందుబాటులో ఉంది. అయితే ఇదే సినిమాను తెలుగులో రాక్షసుడిగా రీమేక్ చేశారు. బెల్లంకొండ శ్రీనివాస్, అనుపమా పరమేశ్వరన్ తదితరులు ప్రధాన పాత్రలు పోషించారు. తెలుగులోనూ ఈ మూవీ సూపర్ హిట్ గా నిలిచింది.

త్వరలోనే సీక్వెల్ కూడా..

அடுத்த வருஷம் வருதாம்ல 👌

அது மட்டும் கிளிக் ஆயிட்டா அங்கிட்டு திரிஷ்யம் மாதிரி இங்கிட்டு இவுக-னு தொடர்ந்து எடுத்துட்டே இருக்கலாம் 🔥#Ratsasan2 #Ratsasan pic.twitter.com/vCmaJGIdSn

— Nandhan Talkz ✨ (@Nandhan_Talkz) July 7, 2025

మరిన్ని సినిమా వార్తల కోసం ఇక్కడ క్లిక్ చేయండి..