Bigg Boss 7 Telugu : బిగ్ బాస్ టైటిల్‌ విన్నర్‌పై కాసుల వర్షం.. 50 లక్షలు కాదు.. ఈసారి అంతకు మించి..
రైతు బిడ్డ పల్లవి ప్రశాంత్‌ బిగ్ బాస్ విన్నర్‌గా నిలిచినట్లు సామాజిక మాధ్యమాల్లో ప్రచారం నడుస్తోంది. అమర్‌ దీప్‌ రెండో స్థానంలో సరిపెట్టుకున్నట్లు తెలుస్తోంది. అలాగే బిగ్ బాస్ పెద్దన్న శివాజీ మూడో స్థానంతోనే సరిపెట్టుకున్నట్లు సమాచారం. ఇక ప్రిన్స్‌ యావర్‌ నాలుగు, ఐదో ప్లేస్‌లో అంబటి అర్జున్‌, ఆరో ప్లేస్‌లో ప్రియాంక జైన్‌ నిలిచి నట్లు తెలుస్తుంది. అయితే ఎపిసోడ్‌ ప్రారంభమైతే..
Updated on: Dec 17, 2023 | 5:25 PM
బిగ్ బాస్ తెలుగు ఏడో సీజన్‌ గ్రాండ్‌ ఫినాలే మరికొన్ని గంటల్లో ప్రారంభం కానుంది. ఈ సీజన్‌ టైటిల్‌ విన్నర్‌ విజేత మరికాసేపట్లో తేలనుంది. దీంతో గ్రాండ్‌ ఫినాలే ఎపిసోడ్‌ కోసం బుల్లితెర ప్రేక్షకులు, అభిమానులు వేయి కళ్లతో ఎదురుచూస్తున్నారు. ఇక టైటిల్‌ విన్నర్‌ ఎవరన్నదానిపై కూడా ఆసక్తికర చర్చ జరుగుతుంది. రైతు బిడ్డ పల్లవి ప్రశాంత్‌ బిగ్ బాస్ విన్నర్‌గా నిలిచినట్లు సామాజిక మాధ్యమాల్లో ప్రచారం నడుస్తోంది. అమర్‌ దీప్‌ రెండో స్థానంలో సరిపెట్టుకున్నట్లు తెలుస్తోంది. అలాగే బిగ్ బాస్ పెద్దన్న శివాజీ మూడో స్థానంతోనే సరిపెట్టుకున్నట్లు సమాచారం. ఇక ప్రిన్స్‌ యావర్‌ నాలుగు, ఐదో ప్లేస్‌లో అంబటి అర్జున్‌, ఆరో ప్లేస్‌లో ప్రియాంక జైన్‌ నిలిచి నట్లు తెలుస్తుంది. అయితే ఎపిసోడ్‌ ప్రారంభమైతే కానీ దీనిపై ఎలాంటి క్లారిటీ రాదు. ఇదిలా ఉంటే బిగ్ బాస్ విన్నర్‌ ప్రైజ్‌ మనీ గురించి నెట్టింట ఆసక్తికర చర్చ జరుగుతోంది. గత సీజన్ల కంటే టైటిల్‌ విజేతకు ఈసారి భారీగానే అందనున్నట్లు తెలుస్తోంది. విజేతగా నిలిచిన వారికి రూ.50 లక్షల ప్రైజ్‌ మనీని బిగ్ బాస్ టీమ్‌ ఇవ్వనుంది. అలాగే ఈ సెలబ్రిటీ గేమ్‌ షోకు స్పాన్సర్‌గా వ్యవహరిస్తోన్న ఒక ప్రముఖ ఆభరణాల సంస్థ విజేతకు రూ. 20 లక్షల విలువైన వజ్రాల నెక్లెస్‌ కూడా బహుమతిగా ఇవ్వనున్నట్లు సమాచారం.
నగదు, నెక్లెస్‌తో పాటు రూ. 12 లక్షల విలువైన మారుతి బ్రిజా కారుకు కూడా బిగ్ బాస్ టైటిల్‌ విన్న‌ర్‌కు బహూకరించనున్నట్లు తెలిసింది. ఓవ‌రాల్‌గా చూసుకుంటే బిగ్‌బాస్ టైటిల్‌ విజేతకు రూ. 80 లక్షల ప్రైజ్‌మ‌నీ ద‌క్క‌నున్న‌ట్లు సమాచారం. మరికాసేపట్లో ప్రారంభం కానున్న బిగ్ బాస్ గ్రాండ్‌ ఫినాలేకు సూపర్‌ స్టార్‌ మహేశ్‌ బాబు హాజరు కానున్నట్లు తెలుస్తోంది. అలాగే వెంకటేశ్‌ సైంధవ టీమ్‌ కూడా సందడి చేయనున్నట్లు తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.
