Nagarjuna’s ‘Wild Dog’ : ఓటీటీలో విడుదలై రికార్డులు సృష్టిస్తున్న కింగ్ నాగార్జున వైల్డ్ డాగ్..

సీనియర్ హీరోల్లో కింగ్ నాగార్జున స్టైలే వేరు. విభిన్నమైన కథలను ఎంచుకుంటూ సినిమాలు చేస్తున్నారు నాగార్జున. ఇటీవల వైల్డ్ డాగ్ సినిమాతో ప్రేక్షకుల ముందుకు వచ్చాడు నాగ్.

Rajeev Rayala | Edited By: Rajitha Chanti

Updated on: Apr 26, 2021 | 8:47 AM

Nagarjuna’s ‘Wild Dog’ :

సీనియర్ హీరోల్లో కింగ్ నాగార్జున స్టైలే వేరు. విభిన్నమైన కథలను ఎంచుకుంటూ సినిమాలు చేస్తున్నారు నాగార్జున. ఇటీవల వైల్డ్ డాగ్ సినిమాతో ప్రేక్షకుల ముందుకు వచ్చాడు నాగ్. ఈ సినిమా మంచి టాక్ ను సొంతం చేసుకుంది. అషిషోర్ సోలోమెన్ ఈ యాక్షన్ ఎంటర్టైనర్ ను తెరకెక్కించాడు. హైదరాబాద్‏లో జరిగిన బాంబు దాడుల నేపథ్యంలో ఈ సినిమాను తెరకెక్కించగా.. మ్యాట్నీ ఎంట‌ర్‌టైన్‌మెంట్ బ్యానర్‌పై భారీ బడ్జెట్ కేటాయించి నిరంజన్‌రెడ్డి, అన్వేష్‌రెడ్డి సంయుక్తంగా నిర్మించారు. ఈ సినిమాలో నాగార్జున ఎన్‏కౌంటర్ స్పెషలిస్ట్ ఏసీపీ విజయ్ వర్మ పాత్రలో నటించారు. నాగ్ సరసన బాలీవుడ్ బ్యూటీ దియా మీర్జా హీరోయిన్‏గా నటించింది. అంతేకాకుండా ఈ సినిమాలో సయామీ ఖేర్ కీలక పాత్రలో నటించింది.తాజాగా ఈ సినిమాను నెట్ ఫ్లిక్స్ లో విడుదల చేసింది చిత్రయూనిట్. ఏప్రిల్ 21 అర్థరాత్రి నుంచి వైల్డ్ డాగ్ సినిమా స్ట్రీమింగ్ అవుతోంది. విడుదలైన 19 రోజుల్లోనే నాగార్జున సినిమాలో ఓటీటీలోకి ఎంట్రీ ఇచ్చింది. థియేటర్లలో విడుదలైన 40-45 రోజులలో తమ వైల్డ్ డాగ్ సినిమా OTTలో విడుదల అవుతుందని దర్శక నిర్మాతలు తెలిపారు. అయితే ఇప్పుడు ఇంత త్వరగా ఉన్నట్లుండి ఓటీటీలోకి తీసుకొస్తుండటం మాత్రం ఆసక్తికరంగా మారింది. ఇప్పుడు ఓటీటీల్లోనే అగ్రస్థానంలో నిలిచింది ఈ సినిమా . భారతదేశంలోనే కాదు అమెరికా.. బ్రిటన్- మలేషియా- సింగపూర్ – బంగ్లాదేశ్- సింగపూర్ మరికొన్ని దేశాలలో వైల్డ్ డాగ్ ట్రెండింగ్ లో ఉంది. స్ట్రీమింగ్ ప్లాట్ ఫామ్ పై మిలియన్ల వీక్షణలతో ఈ చిత్రం ది బెస్ట్ గా నిలిచింది. ఓటీటీలో వైల్డ్ డాగ్ బంపర్ హిట్ గా నిలిచింది.

మరిన్ని ఇక్కడ చదవండి :