Unstoppable With NBK: ఆహా అన్ స్టాపబుల్‌లో డాకు మహారాజ్ టీమ్.. బాలయ్యతో బాబీ, నాగవంశీ, తమన్ సరదా ముచ్చట్లు

నందమూరి బాలకృష్ణ హోస్ట్ గా ఆహాలో సక్సెస్ ఫుల్ గా రన్ అవుతోన్న టాక్ షో అన్ స్టాపబుల్ విత్ ఎన్ బీకే. ఇప్పటికే పలువురు సినీ, రాజకీయ, క్రీడా ప్రముఖులు ఈ టాక్ షోలో సందడి చేశారు. తమ పర్సనల్ అండ్ ప్రొఫెషనల్ లైఫ్ కు సంబంధించి ఎవరికీ తెలియని ఆసక్తికర విషయాలు పంచుకున్నారు. ప్రస్తుతం అన్ స్టాపబుల్ నాలుగో సీజన్ రన్ అవుతోంది. ఈ సీజన్ లో ఇప్పటికే ఏడు ఎపిసోడ్స్ పూర్తయ్యాయి. మొదటి ఎపిసోడ్‌కు ఏపీ సీఎం చంద్ర‌బాబు నాయుడు, రెండో ఎపిసోడ్‌కు మలయాళ స్టార్ హీరో దుల్క‌ర్ స‌ల్మాన్‌, మూడో ఎపిసోడ్‌కు కోలీవుడ్ స్టార్ హీరో సూర్య‌, నాలుగు, ఐదు ఎపిసోడ్ కు అల్లు అర్జున్, ఆరో ఎపిసోడ్ లో నవీన్ పొలిశెట్టి, శ్రీలీల సందడి చేశారు. ఇక ఇటీవలే స్ట్రీమింగ్ కు వచ్చిన ఏడో ఎపిసోడ్ లో విక్టరీ వెంకటేష్, దగ్గుబాటి సురేశ్ బాబు, అనిల్ రావిపూడి, మీనాక్షి చౌదరి, ఐశ్వర్య రాజేష్ ఇలా సంక్రాంతికి వస్తున్నాం టీమ్ అంతా సందడి చేసింది. ఇక అన్ స్టాపబుల్ ఎనిమిదో ఎపిసోడ్ కు డాకు మహారాజ్ టీమ్ రానుంది. సినిమా ప్రమోషన్లలో భాగంగా డైరెక్టర్ బాబీ కొల్లి, నిర్మాత నాగవంశీ, మ్యూజిక్ డైరెక్టర్ థమన్ అతిథులుగా బాలయ్య టాక్ షోకు హాజరు కానున్నారు. తాజాగా ఈ ఎపిసోడ్ షూటింగ్ అన్నపూర్ణ స్టూడియోలో జరిగింది. ఇందుకు సంబంధించిన ఫొటోలు, వీడియోలు ఇప్పుడు నెట్టింట వైరలవుతున్నాయి.

కాగా బాలకృష్ణ హీరోగా నటిస్తోన్న చిత్రం డాకు మహారాజ్. బాబీ తెరకెక్కిస్తోన్న ఈ యాక్షన్ ఎంటర్ టైనర్ లో బాలీవుడ్ నటుడు బాబీ డియోల్ విలన్ గా కనిపించనున్నాడు. అలాగే ప్రగ్యా జైస్వాల్, శ్రద్ధా శ్రీనాథ్, చాందిని చౌదరి తదితరులు కీలక పాత్రలు పోషిస్తున్నారు. తమన్ సంగీతం అందించనున్నారు. ఇప్పటికే అన్ని హంగులు పూర్తి చేసుకున్న ఈ సినిమా సంక్రాంతి కానుకగా విడుదల కానుంది. సినిమా ప్రమోషన్లలో భాగంగా జనవరి 4న అమెరికాలో ప్రీ రిలీజ్ ఈవెంట్ నిర్వహించనున్నారు.

ఇవి కూడా చదవండి

డింపుల్ హయతీకి మేజర్ సర్జరీ.. 3 నెలలు బెడ్‌పైనే.. ఏమైందంటే?

ఓటీటీలోకి వచ్చేసిన మలయాళ సూపర్ హిట్ సినిమా.. తెలుగులోనూ చూడొచ్చు

ప్రముఖ హీరోయిన్ కారు బీభత్సం.. కార్మికుడి దుర్మరణం.. కేసు నమోదు

సెంచరీ తర్వాత కుటుంబ సభ్యులను కలిసిన నితీశ్ రెడ్డి.. వీడియో

మరిన్ని సినిమా వార్తల కోసం ఇక్కడ క్లిక్ చేయండి.