Dasara:మాస్ మసాలా సినిమాగా రానున్న నేచురల్ స్టార్ మూవీ .. ఆశలన్నీ దసరా సినిమా పైనే..
తెలంగాణ నేపథ్యంలో నటిస్తోన్న చిత్రం కావడం, సింగరేణి నేపథ్యంగా కథ ఉండడంతో చిత్రంపై ఆసక్తి పెరిగింది. దర్శకుడు ఏ కథను చెప్పనున్నాడన్న క్యూరియాసిటీ అందరిలోనూ పెరిగిపోయింది.
Updated on: Oct 26, 2022 | 6:59 AM
నేచురల్ స్టార్ నాని మునుపెన్నడూ కనిపించని ఊర మాస్ క్యారెక్టర్ ఏదైనా ఉందంటే అది దసరా సినిమా అనే చెప్పాలి. నాని తొలిసారి పూర్తిస్థాయి తెలంగాణ నేపథ్యంలో నటిస్తోన్న చిత్రం కావడం, సింగరేణి నేపథ్యంగా కథ ఉండడంతో చిత్రంపై ఆసక్తి పెరిగింది. దర్శకుడు ఏ కథను చెప్పనున్నాడన్న క్యూరియాసిటీ అందరిలోనూ పెరిగిపోయింది. ఇక ఈ సినిమాకు సంబంధించిన ఇప్పటి వరకు వచ్చిన ఫస్ట్లుక్, ధూమ్ ధామ్ దోస్తాన్ ఈ సినిమా పక్కా మాస్ మూవీ అని చెప్పకనే చెప్పింది. ఇదిలా ఉంటే ఈ చిత్రంలో నానికి జోడిగా కీర్తి సురేశ్ నటిస్తోన్న విషయం తెలిసిందే. ‘నేను లోకల్’ సినిమా తర్వాత ఈ జంట కలిసి నటిస్తోన్న చిత్రం ఇదే కావడం విశేషం. ఫస్ట్లుక్, టీజర్స్తో ఇప్పటికే సినిమాపై భారీగా అంచనాలు పెరిగాయి. ఈ సినిమా కంటే ముందు నాని ‘టక్ జగదీష్’.. ‘శ్యామ్ సింగరాయ్’ లో ‘అంటే సుందరానికి’ సినిమాలతో ప్రేక్షకుల ముందుకొచ్చాడు.
వీటిలో సుపూర్ హిట్ గా నిలిచిన సినిమా శ్యామ్ సింగరాయ్ మాత్రమే. ఇక ఇప్పుడు ఎలాగైనా సాలిడ్ హిట్ అందుకోవాలని చూస్తున్నాడు. ఈ క్రమంలోనే ఓ మాస్ మసాలా సినిమాతో ప్రేక్షకుల ముందుకు రానున్నడు. నాని మాస్ హీరోగా రాణించేందుకు చాలా కష్టపడాల్సి వస్తోంది. దీంతో తన తదుపరి చిత్రాలకు ప్రస్తుతానికి సైన్ చేయడం లేదట. ఈ మూవీ బడ్జెట్ అంచనాలకు మించి పెరిగిపోతున్నా నిర్మాతలను సర్దుబాటు చేయమని కోరుతున్నాడని టాక్. ఇప్పటిదాకా ఫ్యామిలీ ఆడియన్స్ లో మంచి క్రేజ్ ఉంది. మాస్ ఇమేజ్ కోసం గట్టి ప్రయత్నం చేస్తున్నాడు నాని.
