Chiranjeevi: మహేశ్‌ను చూస్తోంటే గర్వంగా ఉంది.. మేజర్ సినిమాపై మెగాస్టార్‌ ప్రశంసలు.. చెవి పోగులతో చిరు లుక్ వైరల్‌..
Major Movie: 26/11 ముంబై ఉగ్ర దాడుల్లో అమరులైన మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కిన చిత్రం మేజర్ (Major). యంగ్‌ హీరో అడివి శేష్ (Adivisesh) శాండీ సార్‌ పాత్రలో నటించాడు. సాయి మంజ్రేకర్‌ హీరోయిన్‌గా నటించగా..
Updated on: Jun 14, 2022 | 6:39 AM
Major Movie: 26/11 ముంబై ఉగ్ర దాడుల్లో అమరులైన మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కిన చిత్రం మేజర్ (Major). యంగ్‌ హీరో అడివి శేష్ (Adivisesh) శాండీ సార్‌ పాత్రలో నటించాడు. సాయి మంజ్రేకర్‌ హీరోయిన్‌గా నటించగా.. తెలుగమ్మాయి శోభిత ధూళిపాత, ప్రకాశ్‌ రాజ్‌, రేవతి ప్రధాన పాత్రల్లో నటించారు. శశికిరణ్‌ తిక్క దర్శకత్వం వహించాడు. సోనీ పిక్చర్స్‌ ఇంట‌ర్నేష‌న‌ల్ ప్రొడ‌క్షన్స్‌ బ్యానర్‌పై, హీరో మహేశ్బాబు (Mahesh Babu) జీఎంబీ ఎంటర్టైన్మెంట్ ప్రతిష్ఠాత్మకంగా ఈ చిత్రాన్ని నిర్మించాయి. జూన్ 3న తెలుగుతో పాటు తమిళ్‌, హిందీ, మలయాళం భాషల్లోనూ విడుదలైన ఈ సినిమా బ్లాక్ బస్టర్‌ హిట్‌గా నిలిచింది. రికార్డు స్థాయి వసూళ్లతో పాటు పలువురు ప్రముఖుల నుంచి ప్రశంసలు ఈ చిత్రానికి వస్తున్నాయి. సందీప్ ఉన్నికృష్ణన్ జీవితంలోని సంఘటనలను కళ్లకు కట్టినట్లుగా చూపించారని.. అడివి శేష్ నటన అద్భుతమంటూ ప్రేక్షకులే కాకుండా.. సినీ ప్రముఖులు సైతం ప్రశంసలు కురిపిస్తున్నారు. తాజాగా మెగాస్టార్‌ చిరంజీవి (Megastar Chiranjeevi) మేజర్ చిత్రయూనిట్ ను అభినందించారు.
చెవి పోగులతో మెగాస్టార్‌..
మేజర్ చిత్రబృందంతో కలిసి దిగిన ఫొటోలను ట్విట్టర్‌ చేసిన చిరంజీవి..’మేజర్ ఒక సినిమా మాత్రమే కాదు. అదొక ఎమోషన్‌. అమరవీరుడు మేజర్ సందీప్ ఉన్నికృష్ణన్ జీవితాన్ని హత్తుకునేలా సినిమాను తెరకెక్కించారు. ఇది అందరూ తప్పకుండా చూడాల్సిన సినిమా. ఇలాంటి మూవీని మహేశ్బాబు నిర్మించినందుకు ఎంతో గర్వంగా ఉంది. మూవీ యూనిట్‌కు కంగ్రాట్స్‌’ అని విషెస్‌ తెలిపారు. ప్రస్తుతం ఈ పోస్ట్‌ నెట్టింట్లో వైరల్‌గా మారింది. చిరంజీవి మంచి సినిమాలను ఎప్పుడూ ప్రోత్సహిస్తుంటారని, ఇటీవల విక్రమ్‌ సినిమా చిత్రబృందాన్ని కూడా సత్కరించారంటూ అభిమానులు కామెంట్లు పెడుతున్నారు. కాగా ఈ ఫొటోల్లో మెగాస్టార్‌ చెవి పోగులతో కనిపించడం విశేషం. దీంతో ఇది ఏ సినిమాలోని లుక్ అంటూ ఆరా తీసే పనిలో పడ్డారు ఫ్యాన్స్‌.
#Major is not a film.Its truly an Emotion
Story of a great Hero & Martyr#MajorSandeepUnnikrishnan told in the most poignant way.A must-watch
Proud of @urstrulyMahesh for backing such a purposeful film
HeartyCongrats to @AdiviSesh @saieemmanjrekar #Sobhita @SashiTikka & Team pic.twitter.com/1lW1m3xmFO
— Chiranjeevi Konidela (@KChiruTweets) June 13, 2022
మరిన్ని సినిమా వార్తల కోసం క్లిక్ చేయండి..
Also Read:
Saliva: నోటిలో లాలాజలం ఎక్కువగా రావడానికి ఇవే కారణాలు ఇవే.. ఉపశమనం పొందడానికి చిట్కాలు
