Tollywood: పదేళ్లు ప్రేమలో.. పెద్దల ఆశీర్వాదంతో పెళ్లి.. అమ్మానాన్నలు కాబోతున్న స్టార్ హీరో, హీరోయిన్లు

సినిమా ఇండస్ట్రీలో ప్రేమ వివాహం చేసుకున్న జంటల్లో వీరు కూడా ఒకరు. సుమారు పదేళ్ల పాటు ప్రేమలో మునిగి తేలిన ఈ స్టార్ హీరో, హీరోయిన్లు పెద్దల అంగీకారంతో పెళ్లిపీటలెక్కారు. ఇప్పుడు తమ ప్రేమ బంధానికి ప్రతీకగా ఒక పండంటి బిడ్డను తమ జీవితంలోకి ఆహ్వానించనున్నారు.

Bollywood Actor

Basha Shek |
Updated on: Jul 09, 2025 | 7:19 PM

బ్యాక్ టు బ్యాక్ హిట్స్ తో దూసుకెళుతోన్న బాలీవుడ్ హీరో రాజ్ కుమార్ రావు తన అభిమానులకు గుడ్ న్యూస్ చెప్పాడు. తాను, తన భార్య పాత్రలేఖ త ల్లిదండ్రులు కాబోతున్నారని ప్రకటించాడు. ఈ మేరకు సోషల్ మీడియా ద్వారా ఈ శుభవార్తను పంచుకున్నాడీ క్రేజీ హీరో. రు. ‘బేబీ ఆన్ ది వే’ అంటూ ఇన్‌స్టాలో పోస్ట్ చేశారీ బాలీవుడ్ దంపతులు. ప్రస్తుతం ఈ పోస్ట్ నెట్టింట వైరల్ గా మారింది. పలువురు బాలీవుడ్ తారలు, సినీ అభిమానులు, నెటిజన్లు ఈ జంటకు అభినందనలు, శుభాకాంక్షలు చెబుతున్నారు. వరుణ్ ధావన్, ఉర్ఫీ జావేద్, సునీతా రాజ్‌వర్, భూమి పెడ్నేకర్ తదితర సినీ ప్రముఖులు రాజ్‌కుమార్ రావు దంపతులకు అభినందనలు తెలిపారు. పెళ్లయిన సుమారు నాలుగేళ్ల తర్వాత రాజ్‌కుమార్ రావు, పత్రలేఖ తల్లిదండ్రులు కాబోతున్నారు. ఇద్దరూ నవంబర్ 2021లో వివాహం చేసుకున్నారు. వివాహానికి ముందు, ఇద్దరూ దాదాపు 10 సంవత్సరాలు డేటింగ్ చేశారు. రాజ్‌కుమార్ రావు ఇప్పుడు బాలీవుడ్ క్రేజీ హీరోల్లో ఒకరు. అతనికి ఫ్యాన్ ఫాలోయింగ్ కూడా బాగానే ఉంది. అయితే అతని భార్య పత్రలేఖ కూడా తన అద్భుతమైన నటనతో చిత్ర పరిశ్రమలో కూడా చాలా పేరు సంపాదించుకుంది.

ఇక సినిమాల విషయానికి వస్తే రాజ్ కుమార్ రావు హీరోగా నటించిన స్త్రీ2 బ్లాక్ బస్టర్ గా నిలిచింది. ఈ ఏడాది బుల్ చుక్‌ మాఫ్ అనే రొమాంటిక్ కామెడీ మూవీతో ప్రేక్షకులను అలరించారు. మే నెలలో థియేటర్లలో విడుదలైన ఈ చిత్రం పెద్దగా ఆకట్టుకోలేకపోయింది. ప్రస్తుతం రాజ్ కుమార్ రావు నటించిన మరో సినిమా ‘మాలిక్’ జూలై 11న థియేటర్లలో విడుదల కానుంది. ఇటీవలే ఈ సినిమా ట్రైలర్ విడుదలైంది. సినీ అభిమానులు ఈ సినిమా కోసం ఆసక్తిగా ఎదురుచూస్తున్నారు. ఇందులో రాజ్ కుమార్ రావు మాస్ అవతార్ లో కనిపించబోతున్నారు. ప్రస్తుతం తన సినిమా ప్రమోషన్లలో బిజీగా ఉన్నాడీ క్రేజీ హీరో.