Manchu Manoj: మహిళల పట్ల గౌరవం మన ఇంటి నుంచే మొదలవ్వాలి.. రాప్తాడు ఘటనపై మంచు మనోజ్ ట్వీట్ వైరల్
అనంతపురం జిల్లా రాప్తాడులోని ప్రభుత్వ పాఠశాలలో చదువుతోన్న విద్యార్థినిపై జరిగిన క్రూరమైన దాడి అందరినీ కలచివేస్తోంది. నిందితుడిని కఠినంగా శిక్షించాలన్న డిమాండ్ వినిపిస్తోంది. తాజాగా ఈ దారుణ ఘటనపై హీరో మంచు మనోజ్ స్పందించాడు. ఈ మేరకు సోషల్ మీడియా వేదికగా ఒక ఎమోషనల్ పోస్ట్ పెట్టాడు.
Updated on: Nov 01, 2026 | 5:20 PM
అనంతపురం జిల్లా రాప్తాడులో జరిగిన ఘటన అందరినీ ఆందోళనకు గురి చేసింది. పట్ట పగలే క్లాస్ రూమ్‌లోనే టెన్త్ విద్యార్థినిపై దుండగుడు ఎలక్ట్రిక్ రంపంతో దాడి చేయడంపై ప్రజల నుంచి తీవ్ర ఆగ్రహం వ్యక్తమవుతోంది. ఈ ఘటనలో తీవ్రం గాయపడ్డ విద్యార్థిని త్వరగా కోలుకోవాలని అందరూ కోరుకుంటున్నారు. అలాగే నిందితుడిని కఠినంగా శిక్షించాలని డిమాండ్ చేస్తున్నారు. ఈ దాడి ఘటనపై ఇప్పటికే ఏపీ సీఎం చంద్రబాబు నాయుడు, డిప్యూటీ సీఎం పవన్ కల్యాణ్ మంత్రి నారా లోకేశ్, హోం మంత్రి అనిత తదితరులు స్పందించారు. బాధితురాలికి మెరుగైన వైద్యం చేయాలని, అలాగే నిందితుడిపై కఠిన చర్యలు తీసుకోవాలని ఆదేశించారు. ఇక ఈ దాడి ఘటనపై సినీ ప్రముఖులు కూడా స్పందిస్తున్నారు. తాజాగా హీరో మంచు మనోజ్ ఈ దాడిపై స్పందించారు. ఈ మేరకు సోషల్ మీడియా వేదికగా ఒక ఎమోషనల్ పోస్ట్ షేర్ చేశాడు.
‘ఒక తండ్రిగా, రాప్తాడు పాఠశాలలో జరిగిన దాడి నన్ను తీవ్రంగా కలచివేసింది. ఆ ఇద్దరు బాలికలు త్వరగా, పూర్తిగా కోలుకోవాలని, వారి కుటుంబాలకు మనోధైర్యం కలగాలని దేవుడిని ప్రార్థిస్తున్నాను. తన స్నేహితురాలిని కాపాడటానికి ముందుకొచ్చిన ఆ బాలిక అసాధారణమైన ధైర్యాన్ని ప్రదర్శించింది. ప్రాణాలను కాపాడిన వైద్యులకు, అలాగే గ్రీన్ కారిడార్‌, మెరుగైన చికిత్స కోసం తరలింపును సమన్వయం చేసిన ఏపీ ప్రభుత్వానికి, పోలీసులు, వైద్య బృందాలకు కృతజ్ఞతలు. బాధిత విద్యార్థుల కోసం 20 మంది మానసిక ఆరోగ్య కౌన్సిలర్లను నియమించడం సంతోషంగా ఉంది. ఈ దుర్ఘటన వల్ల ప్రభావితమైన ప్రతి బిడ్డకు, ఉపాధ్యాయునికి కుటుంబానికి ఫుల్ సపోర్ట్ అందేలా దయచేసి చూడండి’.
‘ఇది కేవలం ఒక వ్యక్తికి, ఒక నేరానికి సంబంధించిన విషయం కాదు. ఇళ్లలో, సమాజంలో మహిళలను వస్తువులుగా చూసి, సరదాగానైనా, మామూలుగానైనా అగౌరవపరిచినప్పుడు, అది ప్రమాదకరమైన వైఖరులను సృష్టిస్తుంది. మహిళలను వస్తువులుగా చూడటం హానికరం. వేధింపులకు, హింసకు పరిణామాలు తప్పక ఉండాలి. రోజువారీ అగౌరవాన్ని గట్టిగా ఎదుర్కోవాలి. మహిళల పట్ల గౌరవం ఇంటి నుంచే మొదలవుతుంది. మనం కోరుకునే సమాజం, మన ఇళ్లల్లో, సమాజంలో మహిళలతో మనం ప్రవర్తించే తీరుతోనే మొదలవుతుంది. ఆ సురక్షితమైన సమాజాన్ని మనమందరం కలిసి నిర్మిద్దాం.’ అని ట్విట్టర్ వేదికగా పిలుపు నిచ్చాడు మనోజ్. ప్రస్తుతం ఈ ట్వీట్ నెట్టింట బాగా వైరలవుతోంది.
మంచు మనోజ్ ట్వీట్..
As a father, the attack at Raptadu school has left me deeply shaken. Praying to God for both girls’ speedy and complete recovery, and strength for their families.
The young girl who stepped in to protect her friend showed rare and extraordinary courage. She deserves our deepest respect and recognition.
Grateful to the doctors for their lifesaving care, and to the Andhra Pradesh government, police and medical teams who coordinated the green corridor and transfer for advanced treatment.
Glad to see that 20 mental health counsellors have been deployed for the affected students. Please ensure sustained support reaches every child, teacher and family affected by this trauma.
This is not just one person and one crime. When women are objectified and disrespected, even casually, even for fun, inside homes and in society, it shapes dangerous attitudes. Objectifying women is harmful. There must be consequences for harassment and violence, and everyday disrespect must be challenged firmly.
Respect for women begins at home. Our children are watching. The society we want starts with how we treat women at home and in our communities. Let us build that safer society together. 🙏🏻
— Manoj Manchu🙏🏻❤️ (@HeroManoj1) November 1, 2026
మరిన్ని సినిమా వార్తల కోసం ఇక్కడ క్లిక్ చేయండి
