AP Crime: శ్రీకాకుళం తీరంలో విషాదం.. పడవ బోల్తా.. ముగ్గురు మత్స్యకారుల గల్లంతు.. ఒకరు మృతి
3 fishermens drowned: ఆంధ్రప్రదేశ్‌లోని శ్రీకాకుళం జిల్లాలోని తీరంలో విషాదం చోటుచేసుకుంది. సముద్రంలో చేపల వేటకు వెళ్లిన పడవ బోల్తా పడటంతో
Shaik Madar Saheb | Edited By: Ravi Kiran
Updated on: Aug 14, 2021 | 8:16 AM
3 fishermens drowned: ఆంధ్రప్రదేశ్‌లోని శ్రీకాకుళం జిల్లాలోని తీరంలో విషాదం చోటుచేసుకుంది. సముద్రంలో చేపల వేటకు వెళ్లిన పడవ బోల్తా పడటంతో ముగ్గురు మత్స్యకారులు గల్లంతయ్యారు. ఒకరు మృతిచెందగా.. మరో ముగ్గురు క్షేమంగా ఒడ్డుకు చేరారు. ఈ విషాద సంఘటన శ్రీకాకుళం జిల్లా గార మండలంలోని బందరువానిపేట తీరంలో జరిగింది. శుక్రవారం సాయంత్రం ఏడుగురు మత్స్యకారులు బందరువానిపేట తీరంలో చేపల వేటకు వెళ్లారు. ఈ క్రమంలో సముద్రంలో పడవ ప్రమాదవశాత్తూ బోల్తా పడింది.
ఈ ఘటనలో ముగ్గురు నీటిలో గల్లంతయ్యారు. ఒకరు మృతిచెందారు. మృతిచెందిన వ్యక్తిని మిగిలిన మరో ముగ్గురు ఒడ్డుకు చేర్చారు. గల్లంతైన మిగిలిన ముగ్గురు మత్స్యకారుల కోసం గాలిస్తున్నారు. ఈ ఘటనకు సంబంధించి మరిన్ని వివరాలు తెలియాల్సి ఉంది. ఈ ఘటనలో గార మండలం బందరువానిపేట తీరంలో విషాదఛాయలు అలుముకున్నాయి.
బందరువానిపేట తీరంలో మత్స్యకారులు.. గల్లంతైన మత్స్యకారుల కోసం గాలింపు చర్యలు చేపట్టారు. అలలు ఉధృతి కారణంగానే ఈ ప్రమాదం జరిగినట్లు తెలుస్తోంది. పోలీసులు కూడా సంఘటనా స్థలానికి చేరుకుని పరిశీలిస్తున్నారు.
Also Read:
TMC – BJP: ఉప ఎన్నికల్లో బీజేపీ గెలుస్తుంది.. తేల్చి చెప్పిన దీదీ ప్రధాన అనుచరుడు.. ఇదో కొత్త రకం గేమ్..
Indian Oil: ఇకపై ఇండియన్‌ ఆయిల్‌ పెట్రోల్‌నే కాదు విద్యుత్‌ను కూడా అమ్మనుంది.. చార్జింగ్‌ స్టేషన్ల రంగంలోకి.
