Fake Voter IDs: ఎన్నికల సంఘం వెబ్‌సైట్‌ను హ్యాక్.. 10 వేలకు పైగా నకిలీ ఓటర్ ఐడి కార్డులు.. నలుగురు యువకులు అరెస్టు..

సైబర్ హ్యాకర్ల కన్ను భారత ఎన్నికల సంఘం వెబ్‌సైట్‌పై పడింది. దానిని హ్యాక్ చేశారు. హ్యాకర్లు పదివేలకు పైగా నకిలీ ఓటర్ ఐడి కార్డులను సృష్టించారని ఆరోపించారు. ఈ కేసులో మొరెనాకు చెందిన నలుగురు యువకులను మధ్యప్రదేశ్ పోలీసులు అదుపులోకి తీసుకున్నారు. ఎన్నికల సంఘం తన వెబ్‌సైట్ హ్యాక్ చేయబడలేదని చెప్పినప్పటికీ.. దాని డేటాబేస్ పూర్తిగా సురక్షితంగా ఉంది. ఈ కేసులో గతంలో ఉత్తరప్రదేశ్‌లోని పోలీసులు గురువారం 24 ఏళ్ల విపుల్ సైనీని వందలాది నకిలీ ఓటర్ ఐడీలను తయారు చేస్తు పట్టబడ్డారు. పోలీసు అధికారి చెప్పినదాని ప్రకారం.. సైనీని విచారించిరిస్తే అసలు సంగతి బయట పడింది. అర్మాన్ మాలిక్ ఆదేశాల మేరకు మధ్యప్రదేశ్‌లోని హర్దా నివాసి సైనీ పనిచేస్తున్నాడని.. 3 నెలల్లో 10,000 కంటే ఎక్కువ నకిలీ ఓటర్ ఐడీలను సృష్టించాడని తెలిపాడు. మొరెనాలోని అంబాలో నివసించే 18 ఏళ్ల హరియోమ్ ప్రమేయం గురించి UP పోలీసులు MP పోలీసులకు సమాచారం అందించారు. అదే సమయంలో రోజువారీ కూలీ కార్మికుడి కుమారుడు హరియోమ్‌ను పట్టుకోవడానికి పోలీసులు ప్రయత్నిస్తున్నారు.

కోటి నకిలీ ఓటర్ ఐడిలు

హరియోమ్..  సైనీతో నేరుగా సంప్రదింపులు జరిపారని.. దానిని ఇతరులకు విక్రయించడానికి ID ని ఉంచారని తెలుస్తోంది. శుక్రవారం హరియోమ్‌తో సంబంధం ఉన్న 17 నుంచి 19 సంవత్సరాల మధ్య వయస్సు గల నలుగురు యువకులను పోలీసులు అదుపులోకి తీసుకున్నారు. ఒక వ్యక్తి తన వద్ద కనీసం కోటి నిజమైన .. నకిలీ ఓటర్ IDలు ఉన్నాయని పోలీసులకు తెలిపారు. వారు సిమ్ కార్డులు కొనడానికి, బ్యాంక్ ఖాతాలు తెరవడానికి ఆన్‌లైన్ మోసానికి ప్రధానంగా నకిలీ ఐడీలను ఉపయోగించే మోసగాళ్లకు డేటాను విక్రయించేవారు. పోలీసుల ప్రకారం ఈ టీనేజర్స్ వారు హరియోమ్ వద్ద పని చేస్తున్నట్లు పేర్కొన్నారు. వారు ఎంత డబ్బు సంపాదించారో తెలుసుకోవడానికి పోలీసులు ప్రయత్నిస్తున్నారు. ఇతర ముఠా సభ్యుల గురించి మరింత తెలుసుకోవడానికి ఎంపీ పోలీసులు తమ మొబైల్ ఫోన్‌లను కూడా స్వాధీనం చేసుకున్నారని మరో పోలీసు అధికారి తెలిపారు. అదుపులోకి తీసుకున్న వారందరూ పేద కుటుంబాలకు చెందినవారని, చదువు మానేశారని పోలీసులు పేర్కొన్నారు.

పని ఆధారంగా బ్యాంకు ఖాతాలో డబ్బులు

నిందితుడు అర్మాన్ మాలిక్ వివరాలను పొందడానికి MP పోలీసులు కూడా ప్రయత్నిస్తున్నారు. పోలీసుల ప్రకారం, మాలిక్ ప్రస్తుతం న్యూఢిల్లీలో నివసిస్తున్నాడు. ముఠా సూత్రధారి అని తెలుస్తోంది. నకిలీ ఓటరు ఐడి తయారు చేయడం గురించి మాలిక్ తనకు తెలియజేసేవారని సైనీ పోలీసులకు చెప్పాడు. అతను ఓటర్ ఐడి కోసం 100 నుండి 200 రూపాయలు తీసుకున్నట్లుగా వెల్లడించారు. పని ఆధారంగా వారి బ్యాంక్ ఖాతాలో డబ్బు వచ్చేవాని నింధితులు తెలిపారు. అదే సమయంలో పోలీసు సూపరింటెండెంట్ చెన్నపా మాట్లాడుతూ.. విచారణలో సైనీ బ్యాంక్ అకౌంట్‌లో 60 లక్షల రూపాయలు దొరికాయని.. ఆ తర్వాత అకౌంట్ లావాదేవీలను నిలిపివేసినట్లుగా చెప్పారు. సైనీ ఖాతాలో ఈ మొత్తం ఎక్కడ నుండి వచ్చిందనే దానిపై దర్యాప్తు చేస్తామన్నారు. ఇదే అంశంపై మధ్యప్రదేశ్ పోలీసు డైరెక్టర్ జనరల్ (DGP) వివేక్ జోహ్రీ మాట్లాడుతూ..”ఈ విషయం గురించి మీడియాతో ఎక్కువ సమాచారాన్ని పంచుకోలేమన్నారు. ఎందుకంటే ఈ విషయంపై విచారణ జరుగుతోందని UP పోలీసులకు మాత్రమే సహాయం చేస్తున్నాము.

నష్టం జరగలేదు.. డేటాబేస్ సురక్షితం – ఎన్నికల సంఘం

అసిస్టెంట్ ఎలక్టోరల్ రోల్ ఆఫీసర్లు (ఇరోస్) పౌరులకు సేవలను అందిస్తారని.. ఓటర్ ఐడి కార్డుల ముద్రణ సకాలంలో పంపిణీకి బాధ్యత వహిస్తారని ఎన్నికల సంఘం ప్రతినిధి ఢిల్లీలో చెప్పారు. AERO కార్యాలయం డేటా ఎంట్రీ ఆపరేటర్ తన ఐడి , పాస్‌వర్డ్‌ని సహరన్‌పూర్‌లోని నకుడ్‌లోని ఒక ప్రైవేట్ అనధికార సర్వీస్ ప్రొవైడర్‌కు చట్టవిరుద్ధంగా ఇచ్చారని తద్వారా అతను కొన్ని ఓటర్ కార్డులను ముద్రించగలడని ప్రతినిధి వెల్లడించారు. ఇద్దరు వ్యక్తులను అరెస్టు చేసినట్లు ప్రతినిధి తెలిపారు. ఎన్నికల కమిషన్ డేటాబేస్ పూర్తిగా సురక్షితం అని ఆయన అన్నారు.

ఇవి కూడా చదవండి: TMC – BJP: ఉప ఎన్నికల్లో బీజేపీ గెలుస్తుంది.. తేల్చి చెప్పిన దీదీ ప్రధాన అనుచరుడు.. ఇదో కొత్త రకం గేమ్..

FAKE CHALLAN SCAM: ఏపీలో సరికొత్త నకిలీ వైరస్.. ఇది సోకితే.. రాష్ట్ర ఖజానా శంకరగిరి మాన్యాలేనట.. ఫోకస్ పెట్టిన సీఎం జగన్