Allu Arjun: దీన స్థితిలో నటి పావలా శ్యామల.. గొప్ప మనసు చాటుకున్న అల్లు అర్జున్.. ఇకపై ప్రతి నెలా..
టాలీవుడ్ ఐకాన్ స్టార్ అల్లు అర్జున్ ఇంట్లో ప్రస్తుతం ఓ శుభకార్యం జరుగుతోంది. అతని తమ్ముడు హీరో అల్లు శిరీష్ మరికొన్ని గంటల్లో పెళ్లి పీటలెక్కనున్నాడు. అయితే ఈ శుభ సందర్భం వేళ ఐకాన్ స్టార్ మరోసారి తన గొప్ప మనసును చాటుకున్నాడు.
Updated on: Mar 04, 2026 | 6:30 PM
టాలీవుడ్ సీనియర్ నటి పావలా శ్యామల గురించి ప్రత్యేక పరిచయం అక్కర్లేదు. వందలాది సినిమాల్లో నటించి మెప్పించారామె. స్టార్ హీరోల సినిమాల్లో సహాయక నటిగా, కమెడియన్ గా నటించిన ఆమె ఇప్పుడు దీన స్థితిలో ఉన్నారు. అనారోగ్య సమస్యలకు తోడు తీవ్ర ఆర్థిక ఇబ్బందులను ఎదుర్కొంటున్నారు శ్యామల. సినిమాల ద్వారా సంపాదించిన మొత్తాన్ని కూతురు చికిత్సకే ఖర్చు పెట్టడంతో ప్రస్తుతం చేతిలో చిల్లిగవ్వ లేకుండా ఇద్దరూ వృద్ధాశ్రమంలోనే గడుపుతున్నారు. దీనికి తోడు వీరి మందుల కోసం ప్రతి నెలా వేల రూపాయలు ఖర్చు చేయాల్సి ఉంది. ఈ నేపథ్యంలో ఆర్థిక సహాయం కోసం ఎదురుచూస్తున్నారీ తల్లీ కూతుళ్లు. సినిమా ఇండస్ట్రీకి సంబంధించిన కొందరు సెలెబ్రెటీలు అప్పుడప్పుడూ ఆర్థిక సాయం చేస్తున్నా మందులకు సరిపోవడం లేదని ఆవేదన చెందుతున్నారు పావలా శ్యామల. ఈ క్రమంలో నటి దీన స్థితిని తెలుసుకున్న ఐకాన్ స్టార్ అల్లు అర్జున్ ఆమెకు అండగా నిలిచారు.
పావలా శ్యామల, ఆమె కూతురు ఆర్థిక సమస్యలకు శాశ్వత పరిష్కారం కోసం ఓ కీలక నిర్ణయం తీసుకున్నాడు బన్నీ. పావలా శ్యామలతో పాటు తన కుమార్తె నిత్యావసరాలు అలాగే మందుల కోసం ప్రతినెల పదివేల రూపాయలు చొప్పున ఆర్థిక సహాయం అందేలా అల్లు అర్జున్ ఏర్పాట్లు చేసినట్టు తెలుస్తోంది. క్రమం తప్పకుండా ప్రతి నెల ఈ డబ్బు ఆమెకు అందేలా ఇప్పటికే ఏర్పాట్లు చేశాడట బన్నీ. ప్రస్తుతం ఈ విషయం సామాజిక మాధ్యమాల్లో వైరల్ గా మారింది. గతంలో మెగాస్టార్ చిరంజీవి, పవన్ కళ్యాణ్ తో పాటు పలువురు సినిమా సెలబ్రిటీలు పావలా శ్యామలకు అండగా నిలిచారు. ఇప్పుడు అల్లు అర్జున్ మరో అడుగు ముందుకేసి తాత్కాలిక సాయం కాకుండా శాశ్వతంగా ప్రతి నెల ఫిక్స్డ్ అమౌంట్ పంపేందుకు చర్యలు తీసుకున్నారు. మొత్తానికి మరోసారి బన్నీ గొప్ప మనసును చాటుకున్నాడంటూ అభిమానులు ప్రశంసలు కురిపిస్తున్నారు.
నటి పావలా శ్యామలతో మాట్లాడుతోన్న అల్లు అర్జున్ టీమ్..
. @AlluArjun Helping Hands ♥️☺️
Bunny donate personally 10,000 per month for actress Pavala Shyamala and her daughter, who are battling serious health issues#AlluArjun pic.twitter.com/lzgjHhAt0k
— Allu Arjun Folks ™ (@AlluArjunFolks) March 4, 2026
#AlluArjun is not picking films… he’s building a legacy. 🔥
🎬 Atlee — #AA22xA6 🎬 Lokesh Kanagaraj — #AA23 🎬 Basil Joseph — #AA24 🎬 Sandeep Reddy Vanga — #AA25
— cinee worldd (@Cinee_Worldd) March 3, 2026
మరిన్ని సినిమా వార్తల కోసం ఇక్కడ క్లిక్ చేయండి.
