Terrorist Arrested: జమ్మూకాశ్మీర్‌లో హిజ్బుల్‌ ముజాహిదీన్‌ ఉగ్రవాది అరెస్ట్‌.. కొనసాగుతున్న సెర్చ్ ఆపరేషన్..

Hizbul Mujahideen terrorist arrested: జమ్మూకాశ్మీర్‌‌లో ఉగ్రవాదుల ఏరివేత ప్రక్రియ ముమ్మరంగా కొనసాగుతోంది. ఈ తరుణంలో భద్రతా బలగాలు తప్పించుకుని తిరుగుతున్న కీలక ఉగ్రవాదిని పట్టుకున్నాయి. రాష్ట్రంలోని కిష్టవర్ జిల్లాలో పోలీసులు హిజ్బుల్ ముజాహిదీన్‌ సంస్థకు చెందిన ఓ ఉగ్రవాదిని శనివారం అరెస్టు చేశారు. కుల్నా అటవీ ప్రాంతంలో ఉగ్రవాదులు తలదాచుకున్నారన్న సమాచారం రావడంతో పోలీసులు గాలింపు చర్యలు చేపట్టారు. ఈ క్రమంలో పటిమహల్లా పల్మార్‌ వద్ద సంచరిస్తున్న ఓ ఉగ్రవాదిని చుట్టుముట్టి అరెస్టు చేసినట్లు భద్రతా అధికారులు వెల్లడించారు. ఇంకా సెర్చ్ ఆపరేషన్ కొనసాగుతోంది.

పట్టుబడిన ఉగ్రవాది హిజ్బుల్ ముజాహిదీన్ ఉగ్రవాద సంస్థకు చెందిన ముజామిల్‌ షాగా గుర్తించినట్టు పోలీసులు వెల్లడించారు. ఇటీవల ముజామిల్‌ షా ఆ ఉగ్రవాద సంస్థలో చేరినట్లు పోలీసులు తెలిపారు. ఈ సందర్భంగా ఉగ్రవాది నుంచి ఒక గ్రెనెడ్, 30 రౌండ్ల తూటాలు, ఏకే 47 రైఫిల్‌ను స్వాధీనం చేసుకున్నట్లు పోలీసులు వెల్లడించారు. కాగా.. నిన్న జరిగిన ఎన్‌కౌంటర్‌లో ఓ ఉగ్రవాది హతమైన విషయం తెలిసిందే.

Also Read:

Coronavirus India: దేశంలో స్వల్పంగా తగ్గిన కరోనా కేసులు.. నిన్న ఎంతమంది మరణించారంటే..?

Fake Voter IDs: ఎన్నికల సంఘం వెబ్‌సైట్‌ను హ్యాక్.. 10 వేలకు పైగా నకిలీ ఓటర్ ఐడి కార్డులు.. నలుగురు యువకులు అరెస్టు..

కాబూల్ నగరానికి సమీపంలో తాలిబన్లు.. ఆఫ్ఘన్ లోని అమెరికన్ల తరలింపునకు యూఎస్ విమానాలు సిద్ధం