AP High Court: ఆంధ్రప్రదేశ్ హైకోర్టు ఉద్యోగాలకు అప్లై చేసుకున్నారా.? దరఖాస్తుల స్వీకరణ రేపటితో ముగియనుంది..
AP High Court Recruitment: ఆంధ్రప్రదేశ్ హైకోర్టులో పలు ఉద్యోగాల భర్తీకి నోటిఫికేషన్‌ జారి చేశారు. అమరావతిలోని హైకోర్టులో జడ్జీలకు, రిజిస్ట్రార్‌లకు సహాయకులుగా కోర్టు మాస్టర్లు, పర్సనల్‌ సెక్రటరీ పోస్టులను...
AP High Court Recruitment: ఆంధ్రప్రదేశ్ హైకోర్టులో పలు ఉద్యోగాల భర్తీకి నోటిఫికేషన్‌ జారి చేశారు. అమరావతిలోని హైకోర్టులో జడ్జీలకు, రిజిస్ట్రార్‌లకు సహాయకులుగా కోర్టు మాస్టర్లు, పర్సనల్‌ సెక్రటరీ పోస్టులను భర్తీ చేయనున్నారు. ఈ పోస్టులను కాంట్రాక్ట్‌ విధానంలో తీసుకోనున్నారు. నోటిఫికేషన్‌లో భాగంగా మొత్తం 25 ఖాళీలను భర్తీ చేయనున్నారు. దరఖాస్తుల స్వీకరణ రేపటితో (21-07-2021) ముగియనున్న నేపథ్యంలో నోటిఫికేషన్‌కు సంబంధించిన పూర్తి వివరాలపై ఓ లుక్కేయండి..
భర్తీ చేయనున్న ఖాళీలు, అర్హతలు..
* కోర్టు మాస్టర్లు, పర్సనల్‌ సెక్రటరీ పోస్టులు కలిపి మొత్తం 25 ఖాళీలు ఉన్నాయి. * పైన తెలిపిన పోస్టులకు అప్లై చేసుకునే వారు.. ఆర్ట్స్‌/సైన్స్‌/కామర్స్‌లో డిగ్రీ లేదా తత్సమాన కోర్సు ఉత్తీర్ణులవ్వాలి. ఏపీ స్టేట్‌ బోర్డ్‌ ఆఫ్‌ టెక్నికల్‌ ఎడ్యుకేషన్‌ నిర్వహించిన ఇంగ్లిష్, షార్ట్‌హ్యాండ్‌ ఎగ్జామ్‌ (నిమిషానికి 180 పదాలు) అర్హత కలిగి ఉండాలి. * అలాగే ఇంగ్లిష్‌లో నిమిషానికి 150 పదాలు షార్ట్‌హ్యాండ్‌ ఎగ్జామ్‌లో అర్హత సాధించిన వారు దరఖాస్తు చేసుకోవచ్చు. కంప్యూటర్‌ నైపుణ్యాలున్న అభ్యర్థులకు ప్రాధాన్యతనిస్తారు. * అభ్యర్థుల వయసు 01.07.2021 నాటికి 18 నుంచి 42 ఏళ్ల మధ్య ఉండాలి. * ఎంపికైన అభ్యర్థులకు నెలకు రూ. 37,100 జీతంగా చెల్లిస్తారు.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆఫ్‌లైన్‌ విధానంలో అప్లై చేసుకోవాల్సి ఉంటుంది. * అభ్యర్థులు తమ దరఖాస్తులను రిజిస్ట్రార్‌(అడ్మినిస్ట్రేషన్‌), హైకోర్టు ఆఫ్‌ ఆంధ్రప్రదేశ్, నేలపాడు, అమరావతి, గుంటూరు–522237 అడ్రస్‌కు పంపించాలి. * అభ్యర్థులను రాతపరీక్ష/ఇంటర్వ్యూ ఆధారంగా ఎంపిక చేస్తారు. * దరఖాస్తుల స్వీకరణ రేపటితో (21-07-2021) ముగియనుంది. * పూర్తి వివరాల కోసం ఇక్కడ క్లిక్‌ చేయండి..
Also Read: ICAR Recruitment 2021: B.COM, BBA చేసిన వారికి సువర్ణవకాశం..! ICARలో యంగ్ ప్రొఫెషనల్ జాబ్స్..
