TIME Magazine’s: అత్యంత ప్రభావశీలులైన 100 మంది జాబితాలో భారత్‌ నుంచి ముగ్గురికి చోటు..
2022 సంవత్సరంలో ప్రపంచంలో అత్యంత ప్రభావశీలులైన 100 మంది జాబితాను టైమ్ మ్యాగజైన్(TIME Magazine) ఇటివల ప్రకటించింది. ఈ జాబితాలో భారత్‌ నుంచి ముగ్గురికి చోటు లభించింది..
Updated on: May 24, 2022 | 6:32 PM
2022 సంవత్సరంలో ప్రపంచంలో అత్యంత ప్రభావశీలులైన 100 మంది జాబితాను టైమ్ మ్యాగజైన్(TIME Magazine) ఇటివల ప్రకటించింది. ఈ జాబితాలో భారత్‌ నుంచి ముగ్గురికి చోటు లభించింది. టైమ్స్‌ వెబ్‌సైట్‌ ఈ 100 మంది జాబితాలో భారత్‌ నుంచి ప్రకారం గౌతమ్ అదానీ(Gotham Adani), కరుణ నండీ, ఖుర్రమ్ పర్వేజ్ స్థానం సంపాదించారు. ఈ జాబితాలో మిలా కునిస్, జెండయా, జో బిడెన్(bidden), వోల్దీమిర్‌ జెలెన్‌స్కీ, టిమ్‌ కుక్, జిన్‌పింగ్‌తో పాటు పలువురు ఉన్నారు. టైమ్ మ్యాగజైన్ అత్యంత ప్రభావశీలులైన 100 మంది జాబితాను ఆరు ప్రధాన కేటగిరీలుగా విభజించారు. లిడర్‌, కళాకారుడు, టైటాన్, పయనీర్‌, ఐకాన్‌, ఇన్నోవేటర్‌ వర్గీకరించారు.
గౌతమ్ అదానీ
గౌతమ్ అదానీ పేరు టైటాన్ కేటగిరీలో తీసుకున్నారు. రచయిత రాయ్ చౌదరి తన ప్రొఫైల్‌లో, అదానీ ‘ప్రజల దృష్టికి దూరంగా ఉంటాడు, నిశ్శబ్దంగా తన సామ్రాజ్యాన్ని నిర్మిస్తున్నాడు’ అని రాశారు. భారతదేశం ‘అపూర్వమైన ఆర్థిక, రాజకీయ శక్తి కేంద్రీకరణ’కు గురవుతోందని, ఆర్థిక కేంద్రీకరణకు అదానీ ‘పోస్టర్ బాయ్’ అని పేర్కొంది. అతను ప్రస్తుతం ప్రపంచంలోని టాప్ 10 ధనవంతుల జాబితాలో ఐదవ స్థానం కోసం వారెన్ బఫెట్‌తో పోటీ పడుతున్నాడు. 2025 నాటికి భారతదేశం 5 ట్రిలియన్ డాలర్ల ఆర్థిక వ్యవస్థ పరిమాణాన్ని తాకాలని లక్ష్యంగా పెట్టుకున్నందున, అదానీ ‘ప్రయాణం ఇప్పుడే ప్రారంభమై ఉండవచ్చు’ అని ప్రొఫైల్ పేర్కొంది.
కరుణ నండీ
నండీ భారత సుప్రీంకోర్టులో న్యాయవాది. మహిళల హక్కుల ఛాంపియన్, నండీ అత్యాచార నిరోధక చట్టాలలో సంస్కరణల కోసం పోరాడుతోంది. ఆమెను ‘నాయకులు’ కేటగిరీ కింద చేర్చారు. ప్రస్తుతం ఆమె వైవాహిక అత్యాచారాన్ని భారత అత్యాచార చట్టం పరిధిలోకి తీసుకురావాలని పోరాడుతోంది. “కరుణా నండీ కేవలం న్యాయవాది మాత్రమే కాదు, న్యాయస్థానం లోపల, వెలుపల మార్పు తీసుకురావడానికి పోరాడుతుంది”
ఖుర్రం పర్వేజ్
‘నాయకులు’ కేటగిరీలో చేర్చబడిన ఖుర్రం పర్వేజ్ ఆసియా సమాఖ్యకు అధిపతి. కశ్మీరీల మానవ హక్కుల కోసం పోరాడుతున్నాడు. జర్నలిస్ట్ రానా అయ్యూబ్ వ్రాసిన అతని ప్రొఫైల్, “మృదువైన మాట్లాడే ఖుర్రం దాదాపు ఆధునిక డేవిడ్, అతను భారత ప్రభుత్వం ఆరోపించిన బలవంతపు అదృశ్యాల వల్ల తమ పిల్లలను కోల్పోయిన కుటుంబాలకు వాయిస్ ఇచ్చాడు.” టైమ్ మ్యాగజైన్ గత సంవత్సం విడుదల చేసిన జాబితాలో నరేంద్ర మోడీ, పశ్చిమ బెంగాల్‌ సీఎం మమతా బెనర్జీ, సీరం ఇన్‌స్టిట్యూట్‌ ఆఫ్‌ ఇండియా సీఈఓ అదార్‌ పూనవాలా చోటు దక్కించుకున్నారు.
మరిన్ని వార్తలకు ఇక్కడ క్లిక్ చేయండి..
