14 March, 2026
Subhash
మార్చి 31, 2026కి ముందు కొన్ని ముఖ్యమైన ఆర్థిక పనులను పూర్తి చేయాలి. దీంతో ట్యాక్స్ను ఆదా చేసుకోవచ్చు. పెనాల్టీ నుంచి కూడా తప్పించుకోవచ్చు.
ఈ పనులలో పన్ను ఆదా పెట్టుబడులు పెట్టడం, పెట్టుబడి రుజువును సమర్పించడం, ముందస్తు పన్ను చెల్లించడం, అప్డేట్స్, ITRని దాఖలు చేయడం వంటివి ఉన్నాయి.
పాత పన్ను విధానాన్ని ఎంచుకునే వారు ఇన్కమ్ ట్యాక్స్ చట్టం, 1961లోని సెక్షన్ 80C కింద పన్ను ఆదా చేసుకునేందుకు కొన్ని స్కీమ్స్లో ఇన్వెస్ట్ చేయొచ్చు. అవి PPF, SSY, NSC.
ఉద్యోగులు సంవత్సరం ప్రారంభంలో పన్ను ఆదా చేయడానికి ఏవైనా పెట్టుబడులను ప్రకటించినట్లయితే, వారు మార్చి 31 లోపు తమ యజమానికి తమ రుజువును సమర్పించాలి. లేకుంటే TDSని తీసివేయవచ్చు.
ముందస్తు పన్ను చెల్లించడానికి చివరి తేదీ 15 మార్చి. ఈలోగా చెల్లించకపోతే వడ్డీ, జరిమానా చెల్లించాల్సి రావచ్చు. రూ. 10,000 కంటే ఎక్కువగా ఉంటే ముందస్తు పన్ను చెల్లించాలి.
సెక్షన్ 80D కింద ఆరోగ్య బీమా ప్రీమియంపై పన్ను మినహాయింపు ఉంటుంది.దీనిని క్లెయిమ్ చేసుకోవచ్చు.
ఇందులో మీకు, మీ ఫ్యామిలికి రూ. 25,000 వరకు, బీమా చేసిన వ్యక్తి 60 ఏళ్లు పైబడిన వారైతే రూ. 50,000 వరకు, తల్లిదండ్రులకు రూ. 75,000 వరకు మినహాయింపు ఉంటుంది.
ఒక పన్ను చెల్లింపుదారుడు ఎటువంటి తగ్గింపులను క్లెయిమ్ చేయకపోతే లేదా తన మొదటి రిటర్న్ దాఖలు చేసేటప్పుడు పొరపాటు చేసి ఉంటే, అతను ITR-U ద్వారా తన రిటర్న్ను అప్డేట్ చేయవచ్చు.
గృహ రుణాలు తీసుకునే వ్యక్తులు ఆదాయపు పన్ను చట్టంలోని సెక్షన్ 24(B) కింద పన్ను మినహాయింపు పొందవచ్చు. ఏడాదికి రూ. 2 లక్షల వరకు పన్ను మినహాయింపు పొందవచ్చు.