Digital Voter ID: డిజిటల్‌ ఓటర్ ఐడీ కార్డ్‌ని డౌన్‌లోడ్‌ చేసుకోండి.. గుర్తింపు కార్డుగా ఎక్కడైనా పనిచేస్తుంది..

Digital Voter ID: ఇప్పుడు అన్ని పనులు ఆన్‌లైన్‌లోనే జరుగుతున్నాయి. పేపర్లన్నీ డిజిటల్‌గా మారుతున్నాయి. అది మీ ఆధార్ కార్డు కావొచ్చు లేదా డ్రైవింగ్ లైసెన్స్ కావొచ్చు. ఇప్పుడు ఓటరు గుర్తింపు కార్డు కూడా డిజిటల్‌లోకి వచ్చేసింది. ప్రజలు కూడా ఎంతకాలమని ఆ బ్లాక్ అండ్‌ వైట్‌ ఓటర్ ఐడీలు వాడుతారు.. దీంతో ఎన్నికల సంఘం ఓటర్‌ ఐడీని మార్చేసింది. ఈ కొత్త ఓటరు IDని e-EPIC అని పిలుస్తారు. దీని ప్రత్యేకత ఏంటంటే మీరు మీ మొబైల్ ఫోన్‌లో డౌన్‌లోడ్ చేసుకోవచ్చు. అప్పుడు ఎక్కడైనా, ఎప్పుడైనా ఉపయోగించుకోవచ్చు.

దీన్ని మొబైల్‌లో ఎలా డౌన్‌లోడ్ చేయాలో తెలుసుకోండి. దానికంటే ముందు e-EPIC లేదా డిజిటల్ ఓటర్ ID కార్డ్ అంటే ఏంటో తెలుసుకోండి. e-EPIC అనేది సురక్షితమైన పోర్టబుల్ డాక్యుమెంట్ ఫార్మాట్ లేదా PDF వెర్షన్. ఉదాహరణకు ఓటరు ID కార్డ్ హార్డ్ కాపీ లేదా ప్లాస్టిక్ కాపీని డిజిటల్ ఫార్మాట్‌లో చేస్తే అది e-EPIC కార్డు అవుతుంది. దీనిని మీ స్మార్ట్‌ఫోన్ లేదా కంప్యూటర్‌లో సులువుగా డౌన్‌లోడ్ చేసుకోవచ్చు.

ఈ కొత్త రకం ఓటర్ కార్డును మొబైల్‌లో డౌన్‌లోడ్ చేసుకోవచ్చు. డిజిలాకర్‌లో ఉంచుకోవచ్చు. ఈ కార్డు కూడా ప్లాస్టిక్ ఓటరు గుర్తింపు కార్డు వలె ఎక్కడైనా చెల్లుబాటు అవుతుంది. మీకు కావాలంటే మీరు PDF ప్రింట్ తీసుకొని కలర్‌ ఫుల్‌ ఓటరు ID కార్డును పొందవచ్చు. e-EPICని మూడు విధాలుగా డౌన్‌లోడ్ చేసుకోవచ్చు. ముందుగా ఓటరల్ పోర్టల్ నుంచి, మీరు https://voterportal.eci.gov.in/ కి వెళ్లాలి. మరొక మార్గం NVSP ద్వారా మీరు అందుకోసం https://nvsp.in/ సందర్శించాలి. మూడో మార్గం మొబైల్ యాప్ డౌన్‌లోడ్ ద్వారా.

NVSP ద్వారా మీ ఓటరు ID కార్డ్‌ని కింది విధంగా డౌన్‌లోడ్ చేసుకోండి.

1. https://www.nvsp.in/ సందర్శించండి డౌన్‌లోడ్ e-EPIC కార్డ్‌పై క్లిక్ చేయండి

2. లాగిన్ అయి కొత్త వినియోగదారుగా నమోదు చేసుకోండి

3. e-EPIC డౌన్‌లోడ్‌పై క్లిక్ చేయండి

4. EPIC నంబర్ లేదా ఫారమ్ రిఫరెన్స్ నంబర్‌ను నమోదు చేయండి

5. మీ మొబైల్ నంబర్‌కు OTP వస్తుంది. దాన్ని ధృవీకరించండి

6. ఇప్పుడు డౌన్‌లోడ్ e-EPICపై క్లిక్ చేయండి

7. మీ మొబైల్ నంబర్ రిజిస్టర్ చేయనట్లయితే e-KYCపై క్లిక్ చేసి KYCని పూర్తి చేయండి

8. ఇప్పుడు ఫేస్ లైవ్‌నెస్ వెరిఫికేషన్‌ను పూర్తి చేయండి

9. KYCని పూర్తి చేయడానికి మొబైల్ నంబర్‌ను అప్‌డేట్ చేయండి

10. చివరగా మీ e-EPICని డౌన్‌లోడ్ చేసుకోండి

IND vs SA, 3rd ODI, LIVE Cricket Score: 30 ఓవర్లకు సౌతాఫ్రికా 170/3.. క్వింటన్‌ డికాక్‌ సెంచరీ..

Viral Photos: హరిద్వార్ పవిత్రమైన స్నానానికే కాదు.. ఈ ప్రదేశాలకు కూడా చాలా ఫేమస్..

అకస్మాత్తుగా అగ్ని ప్రమాదం జరిగితే ఏ నెంబర్లకు కాల్‌ చేయాలి.. నెట్‌వర్క్‌ లేకపోతే ఏం చేయాలి..?