Mukesh Ambani: బడ్జెట్‌కు 35 నిమిషాల ముందు రూ.19,000 కోట్లు కోల్పోయిన ముఖేష్ అంబానీ.. షాకింగ్‌లో ఇన్వెస్టర్లు

బడ్జెట్ ప్రకటించడానికి ముందు స్టాక్ మార్కెట్ దేశంలోని అతిపెద్ద కంపెనీల షేర్లు పతనం ప్రారంభమయ్యాయి. బడ్జెట్ ప్రకటనకు ముందే ముఖేష్ అంబానీకి చెందిన రిలయన్స్ ఇండస్ట్రీస్ రూ.19,000 కోట్లకు పైగా నష్టాన్ని చవిచూసింది. సెన్సెక్స్ వరుసగా రెండో రోజు పతనమవుతోంది. కంపెనీ షేర్లు రూ.3000 దిగువన ట్రేడయ్యింది. నిపుణుల అభిప్రాయం ప్రకారం, రిలయన్స్ ఇండస్ట్రీస్ షేర్లు సోమవారం లాగా పెద్ద పతనాన్ని చూడవచ్చు. ఒకరోజు క్రితం రిలయన్స్ షేర్లు మూడున్నర శాతం పతనంతో ముగియగా, కంపెనీ వాల్యుయేషన్ రూ.73 వేల కోట్లకు పైగా క్షీణించింది.

రిలయన్స్ ఇండస్ట్రీస్ షేర్లు పతనమయ్యాయి

బడ్జెట్‌కు కొద్ది నిమిషాల ముందు స్టాక్ మార్కెట్‌లో దేశంలోని అతిపెద్ద కంపెనీ షేర్లలో క్షీణత నమోదైంది.కంపెనీ షేర్లు 0.90 శాతం అంటే రూ.26.85 పతనంతో రూ.2975.20 వద్ద ట్రేడయ్యాయి. ట్రేడింగ్ సెషన్‌లో కంపెనీ షేర్లు కూడా రోజు దిగువ స్థాయి రూ.2,973కి చేరాయి. అయితే, కంపెనీ షేర్లు ఉదయం రూ.3004.95తో సానుకూల ఫ్లాట్ నోట్‌తో ప్రారంభమయ్యాయి. ఒకరోజు క్రితం రిలయన్స్ ఇండస్ట్రీస్ షేర్లలో 3.50 శాతం క్షీణత కనిపించింది. ఆ తర్వాత కంపెనీ షేర్లు రూ.3001.10 వద్ద ముగిశాయి.

ఇవి కూడా చదవండి

ఐదు కిలోల ఉచిత రేషన్ గడువు పెంపు.. ఎందుకో తెలుసా?

బడ్జెట్‌లో ముఖ్యాంశాలు ఇవే.. ఏ రంగానికి ఎంత కేటాయింపు!

పన్ను చెల్లింపుదారులకు ఊరట.. బడ్జెట్‌లో కీలక ప్రకటన

బడ్జెట్‌లో ఏపీకి వరాల జల్లు.. రాజధాని అమరావతికి రూ.15 వేల కోట్లు

ఇది కూడా చదవండి: Budget 2024 Tax Slabs: పన్ను చెల్లింపుదారులకు ఊరట.. బడ్జెట్‌లో కీలక ప్రకటన

భారీ పతనం

ఇక కంపెనీ వాల్యుయేషన్ గురించి మాట్లాడితే బడ్జెట్ ప్రారంభానికి 35 నిమిషాల ముందు రిలయన్స్ ఇండస్ట్రీస్ రూ.19 వేల కోట్లకు పైగా నష్టాన్ని చవిచూసింది. ఒకరోజు క్రితం స్టాక్ మార్కెట్ ముగిసే సమయానికి కంపెనీ విలువ రూ.20,30,488.32 కోట్లు. జూలై 23న కంపెనీ షేర్లు రోజు కనిష్ట స్థాయి రూ.2,973కి చేరుకోగా, కంపెనీ మార్కెట్ క్యాప్ రూ.20,11,476.38 కోట్లకు చేరుకుంది. అంటే బడ్జెట్‌కు 35 నిమిషాల ముందు కంపెనీ వాల్యుయేషన్‌ రూ.19,011.94 కోట్ల నష్టాన్ని చవిచూసింది.

ఇన్వెస్టర్లు కూడా భారీగా నష్టం

మరోవైపు, రిలయన్స్ ఇండస్ట్రీస్‌కు చెందిన లక్షల మంది పెట్టుబడిదారులు వరుసగా రెండో రోజు కూడా భారీ నష్టాలను చవిచూశారు. దీన్ని ఒక ఉదాహరణతో అర్థం చేసుకుంటే.. ఒక ఇన్వెస్టర్ రిలయన్స్ ఇండస్ట్రీస్‌కు చెందిన 10 వేల షేర్లను కలిగి ఉంటే, ఒక్కో షేరుకు రూ.28.1 పతనంతో రూ.2.81 లక్షల నష్టం వచ్చింది. ఇది చిన్న నష్టం అని చెప్పలేం. రిలయన్స్ ఇండస్ట్రీస్ షేర్లలో పెద్ద క్షీణత కనిపించవచ్చు.

ఇది కూడా చదవండి: Budget 2024: బడ్జెట్‌లో ఏపీకి వరాల జల్లు.. రాజధాని అమరావతికి రూ.15 వేల కోట్లు

మరిన్ని బిజినెస్ వార్తల కోసం ఇక్కడ క్లిక్ చేయండి