Auto Sales in November: భారీగా తగ్గిన ఆటోమొబైల్ సేల్స్.. నవంబర్‌లో పరుగులు తీసిన మారుతీ కార్ల సేల్స్!

Auto Sales in November: భారీగా తగ్గిన ఆటోమొబైల్ సేల్స్.. నవంబర్‌లో పరుగులు తీసిన మారుతీ కార్ల సేల్స్!
Vehicle Sales In November

ఆటోమొబైల్ కంపెనీలు నవంబర్ సేల్స్ గణాంకాలను విడుదల చేయడం ప్రారంభించాయి. ఎస్కార్ట్స్ ట్రాక్టర్, బజాజ్ ఆటో, అశోక్ లేలాండ్, టీవీఎస్ మోటార్స్, టాటా మోటార్స్ వంటి అన్ని కంపెనీలు నెలవారీ విక్రయాల ఆధారంగా నవంబర్‌లో నష్టాలను చవిచూశాయి.

KVD Varma

|

Dec 01, 2021 | 9:20 PM

Auto Sales in November: ఆటోమొబైల్ కంపెనీలు నవంబర్ సేల్స్ గణాంకాలను విడుదల చేయడం ప్రారంభించాయి. ఎస్కార్ట్స్ ట్రాక్టర్, బజాజ్ ఆటో, అశోక్ లేలాండ్, టీవీఎస్ మోటార్స్, టాటా మోటార్స్ వంటి అన్ని కంపెనీలు నెలవారీ విక్రయాల ఆధారంగా నవంబర్‌లో నష్టాలను చవిచూశాయి. అయితే దేశంలోనే అతిపెద్ద కార్ల కంపెనీ మారుతీ అమ్మకాలను పెంచుకుంది. ఎస్కార్ట్ ట్రాక్టర్ నెలవారీ అమ్మకాలు 47.3% పడిపోయాయి. అదే సమయంలో, ఈ కాలంలో బజాజ్ ఆటో 13.7% నష్టపోయింది. ఈ కంపెనీల అమ్మకాల గణాంకాలను ఒక్కొక్కటిగా చూద్దాం…

చిప్ కొరత ఉన్నప్పటికీ..

చిప్ కొరత ఉన్నప్పటికీ , మారుతి సుజుకి విక్రయాలు పెరిగాయి. భారతదేశపు అతిపెద్ద కార్ల తయారీ సంస్థ మారుతీ సుజుకి ఇండియా లిమిటెడ్ నవంబర్‌లో నెలవారీ ప్రాతిపదికన 0.61% వృద్ధిని నమోదు చేసి 1,39,184 యూనిట్లకు చేరుకుంది. ఎలక్ట్రానిక్ చిప్‌ల కొరత తమ ఉత్పత్తిని ప్రభావితం చేస్తోందని కంపెనీ ఒక ప్రకటనలో తెలిపింది. కంపెనీ ఎగుమతులు నెలవారీ ప్రాతిపదికన 0.33% పెరిగి 21,393 యూనిట్లకు చేరుకున్నాయి. మినీ, కాంపాక్ట్ వాహనాల సెగ్మెంట్ అమ్మకాలు 5.6% పెరిగి 74,492 యూనిట్లకు చేరుకున్నాయి. అయితే యుటిలిటీ వాహనాల విక్రయాలు 9.25% తగ్గి 24,574 యూనిట్లకు చేరాయి.

తగ్గిన టాటా మోటార్స్ ప్యాసింజర్ వెహికల్ సేల్స్..

టాటా మోటార్స్ లిమిటెడ్ ప్యాసింజర్ వెహికల్ డివిజన్ నవంబర్‌లో 29,778 యూనిట్లను విక్రయించింది. గత నెలతో పోలిస్తే 12.22% తగ్గింది. నెలవారీ విక్రయాల ప్రాతిపదికన, టాటా మోటార్స్ మొత్తం దేశీయ విక్రయాలు 12.18% తగ్గి 58,073 యూనిట్లకు చేరుకున్నాయి. మొత్తం దేశీయ వాణిజ్య వాహనాల విక్రయాలు 4.43% తగ్గి 32,245 యూనిట్లకు చేరుకున్నాయి. వాణిజ్య వాహనాల ఎగుమతులు 61.3% పెరిగి 3,950 యూనిట్లకు చేరుకున్నాయి.

అశోక్ లేలాండ్ సేల్స్ తగ్గింది..

ఒక ఎక్స్ఛేంజ్ ఫైలింగ్ ప్రకారం, అశోక్ లేలాండ్ లిమిటెడ్ అమ్మకాలు గత నెలతో పోలిస్తే 5.4% పడిపోయి నవంబర్‌లో 10,480 యూనిట్లకు చేరుకుంది. దేశీయ విక్రయాలు గత నెలలో 10,0043 యూనిట్ల నుంచి 9,364 యూనిట్లకు పడిపోయాయి. దేశీయ మధ్యస్థ, భారీ వాణిజ్య వాహనాల విక్రయాలు 11.2% క్షీణించి 4,661 యూనిట్లకు చేరుకున్నాయి.

TVS మోటార్ ఇలా..

TVS మోటార్ కంపెనీ మొత్తం అమ్మకాలు గత నెలతో పోలిస్తే 23.19% తగ్గి నవంబర్‌లో 2.72 లక్షల యూనిట్లకు పడిపోయాయి. ఎందుకంటే మొత్తంగా మోటార్‌సైకిళ్లు, స్కూటర్ల అమ్మకాలు క్షీణించాయి. చెన్నైకి చెందిన ద్విచక్ర, త్రిచక్ర వాహనాల తయారీదారులు అక్టోబర్‌లో మొత్తం 3,55,033 యూనిట్లను విక్రయించారు.

నెలవారీ విక్రయాల ప్రాతిపదికన, మొత్తం ద్విచక్ర వాహనాల విక్రయాలు గత నెలలో 3,41,513 యూనిట్ల నుంచి 2,57,863 యూనిట్లుగా ఉన్నాయి. దేశీయ ద్విచక్ర వాహనాల విక్రయాలు 32% క్షీణించి 1,75,940 యూనిట్లకు చేరుకున్నాయి. మోటార్‌సైకిల్ విక్రయాలు 18% తగ్గి 1,40,097 యూనిట్లకు చేరుకున్నాయి. స్కూటర్ విక్రయాలు 33.6% క్షీణించి 75,022 యూనిట్లకు చేరుకున్నాయి. త్రీవీలర్‌ విక్రయాలు కూడా 9.6 శాతం తగ్గి 14,839 యూనిట్లకు చేరుకున్నాయి.

ఎస్కార్ట్స్ ట్రాక్టర్ అమ్మకాలలో భారీ నష్టం..

ఖరీఫ్ పంటల కోత ఆలస్యం. పోస్ట్-సీజన్ ఛానల్ డీస్టాకింగ్ కారణంగా ఎస్కార్ట్స్ లిమిటెడ్ ట్రాక్టర్ అమ్మకాలు నవంబర్‌లో పడిపోయాయి. ట్రాక్టర్ విక్రయాలు నెలవారీగా 47.3% క్షీణించి 7,116 యూనిట్లకు చేరుకున్నాయని కంపెనీ ఎక్స్ఛేంజ్ ఫైలింగ్‌లో తెలిపింది. కంపెనీ దేశీయ మార్కెట్లో 13,514 యూనిట్లను విక్రయించగా, విదేశీ మార్కెట్‌లో 624 యూనిట్లను విక్రయించింది.

బజాజ్ ఆటో విక్రయాల్లో క్షీణత

బజాజ్ ఆటో లిమిటెడ్ ఎక్స్ఛేంజ్ ఫైలింగ్ ప్రకారం, నవంబర్‌లో 3,79,276 యూనిట్లను విక్రయించింది. అక్టోబర్‌తో పోలిస్తే 13.7 శాతం తగ్గింది. నెలవారీ విక్రయాల ప్రకారం, దేశీయ ద్విచక్ర వాహనాల విక్రయాలు 27.36% క్షీణించి 1,58,755 యూనిట్లకు చేరుకున్నాయి. అదే సమయంలో ద్విచక్ర వాహనాల ఎగుమతులు 15.54% క్షీణించి 2,20,521 యూనిట్లకు చేరుకున్నాయి. కంపెనీ మొత్తం వాణిజ్య వాహనాల విక్రయాలు 18% క్షీణించి 40,803 యూనిట్లకు చేరుకున్నాయి.

ఇవి కూడా చదవండి: Omicron Spread: వేగంగా వ్యాపిస్తోన్న ఒమిక్రాన్ వేరియంట్..మరో రెండు దేశాల్లో కలకలం..ఒమిక్రాన్ లేటెస్ట్‌ అప్‌డేట్స్

Afghanistan Crisis: ఆఫ్ఘనిస్తాన్ ఆకలితో పాకిస్తాన్ వ్యాపారం.. భారత్ చేస్తున్న సహాయాన్ని తనదిగా చెప్పుకునే ప్రయాస!

Social Media: సోషల్ మీడియాలో మీ ఎకౌంట్ తీసేయాలని అనుకుంటున్నారా? ఇలా చేయండి..

Follow us on

Most Read Stories

Click on your DTH Provider to Add TV9 Telugu