Omicron Spread: వేగంగా వ్యాపిస్తోన్న ఒమిక్రాన్ వేరియంట్..మరో రెండు దేశాల్లో కలకలం..ఒమిక్రాన్ లేటెస్ట్‌ అప్‌డేట్స్
పశ్చిమ ఆఫ్రికా దేశమైన నైజీరియాలో ఒమిక్రాన్ వేరియంట్ కరోనా వైరస్ మొదటి కేసు వెలుగులోకి వచ్చింది. దీంతో నైజీరియా ప్రభుత్వం అంతర్జాతీయ ప్రయాణాలపై ఆంక్షలను కఠినతరం చేసింది.
Updated on: Dec 01, 2021 | 2:58 PM
Omicron Spread: పశ్చిమ ఆఫ్రికా దేశమైన నైజీరియాలో ఒమిక్రాన్ వేరియంట్ కరోనా వైరస్ మొదటి కేసు వెలుగులోకి వచ్చింది. దీంతో నైజీరియా ప్రభుత్వం అంతర్జాతీయ ప్రయాణాలపై ఆంక్షలను కఠినతరం చేసింది. దేశంలో కాంటాక్ట్ ట్రేసింగ్ పెరిగిందని నైజీరియా సెంటర్ ఫర్ డిసీజ్ కంట్రోల్ హెడ్ ఎఫెడాయో అడెటిఫా తెలిపారు. అదే సమయంలో, ఒమిక్రాన్ వేరియంట్‌తో టీకాలు వేసిన వ్యక్తులు కూడా వ్యాధి బారిన పడతారని కరోనా వ్యాక్సిన్ తయారీదారు బయోఎన్‌టెక్ సీఈవో ఉగుర్ సాహిన్ అన్నారు. అయితే, వైరస్ బారిన పడిన వారు తీవ్ర అనారోగ్యానికి గురయ్యే అవకాశాలు లేవని చెప్పారు.
బ్రెజిల్‌లోనూ..
ఒమిక్రాన్ నాక్ కరోనా వైరస్ వేరియంట్ బ్రెజిల్‌కు కూడా చేరుకుంది. బ్రెజిల్‌లో ఒమిక్రాన్ సోకిన ఇద్దరు వ్యక్తులను గుర్తించారు. వీరిద్దరూ దక్షిణాఫ్రికా వెళ్లి తిరిగి వచ్చారు. ఒమిక్రాన్ సోకిన 41 ఏళ్ల పురుషుడు, 37 ఏళ్ల స్త్రీని క్వారంటైన్ చేసినట్టు సో పాలో స్టేట్ హెల్త్ సెక్రటేరియట్ తెలిపింది. వారిద్దరూ నవంబర్ 23న దక్షిణాఫ్రికా నుంచి తిరిగి వచ్చారు. వారికి కరోనా పరీక్ష నవంబర్ 25 న జరిగింది. ఆ సమయంలో వారిలో తేలికపాటి ఇన్ఫెక్షన్ లక్షణాలు కనిపించాయి.
వారం క్రితమే యూరోప్ కు..
‘ఒమిక్రాన్ వేరియంట్ వారం క్రితమే యూరప్‌కు చేరుకుంది’ అని నెదర్లాండ్స్ ఆరోగ్య అధికారులు మంగళవారం షాకింగ్ సమాచారం ఇచ్చారు. సుమారు 9 రోజుల క్రితం నెదర్లాండ్స్‌లో ఇద్దరు వ్యక్తులు కరోనా పాజిటివ్‌గా ఉన్నట్లు గుర్తించారు. తరువాత, వాటిని మరింత పరిశోధించినప్పుడు, వాటిలో ఒమిక్రాన్ వేరియంట్ వెలుగులోకి వచ్చింది. అంటే ఈ వేరియంట్ కేవలం వారం క్రితమే యూరప్‌లోకి వచ్చింది. సోకిన వారిద్దరూ దక్షిణాఫ్రికా నుండి నెదర్లాండ్స్‌కు వచ్చారు.
ఆఫ్రికాకు మరిన్ని చైనా టీకాలు..
న్యూయార్క్ టైమ్స్ ప్రకారం, ఆఫ్రికా దేశాలకు ఒక బిలియన్ వ్యాక్సిన్‌లను విరాళంగా ఇవ్వాలని చైనా భావిస్తోంది. ఈ వార్త చాలా ముఖ్యమైనది. ఎందుకంటే, కరోనా కొత్త ఒమిక్రాన్(Omicron) వేరియంట్ ఆఫ్రికన్ దేశాలలో ఎక్కువగా కనిపిస్తోంది. టీకా రేటు ఈ ఖండంలో అత్యల్పంగా ఉంది. కరోనా వైరస్ విషయంలో చైనా వాస్తవాలను దాస్తోందని ఆరోపించారు. ఈ కారణంగానే చైనా ఈ చర్య తీసుకుంటోందని భావిస్తున్నారు. అయితే ఇప్పటివరకు చైనా ప్రభుత్వం దీనిపై అధికారికంగా ఎలాంటి సమాచారం ఇవ్వలేదు.
మెర్క్ కంపెనీ టాబ్లెట్ ఆమోదం పొందవచ్చు
యూఎస్‌లో ఆరోగ్య అధికారుల సమావేశం జరిగింది. ఈ సమావేశంలో, జర్మన్ కంపెనీ మెర్క్ యాంటీ-వైరల్ టాబ్లెట్‌ను ఆమోదించే ఆలోచన ఉందని భావిస్తున్నారు. ఇది కరోనా చికిత్సలో గణనీయమైన విజయంగా పరిగనిస్తున్నారు. ఇప్పటివరకు ఈ ఔషధం డెల్టా, గామా వేరియంట్‌లకు వ్యతిరేకంగా ప్రభావవంతంగా ఉన్నట్లు తేలింది. మెర్క్ టాబ్లెట్ వలె ప్రభావవంతంగా ఉంటుందని విశ్వసిస్తున్న ఫైజర్ టాబ్లెట్‌ను ఆమోదించడాన్ని కూడా యూఎస్ పరిగణించే అవకాశం ఉంది. అయితే అధికారికంగా ఎలాంటి సమాచారం ఇవ్వలేదు.
ఇవి కూడా చదవండి: Venkatesh Iyer: గతంలో 20 లక్షలు..ఇప్పుడు 8 కోట్లు.. ఐపీఎల్‌ రిటెన్షన్‌లో జాక్‌పాట్‌ కొట్టిన వెంకటేష్‌ అయ్యర్‌..
Viral News: సీటులో కూర్చోమన్న తోటి ప్రయాణికులపై పోలీస్ కానిస్టేబుల్ వీరంగం.. కండక్టర్ ఏం చేశాడంటే!
