Multibagger Stocks: మల్టీబ్యాగర్ స్టాక్స్‌లో ఇన్వెస్ట్ చేస్తున్నారా? ఈ విషయాలు తప్పక తెలుసుకోండి.. లేదంటే నష్టపోతారు!
పెన్నీ స్టాక్స్‌లో పెట్టుబడి పెట్టాలని ఆలోచిస్తున్నారా.. అయితే, కచ్చితంగా ఈ టిప్స్ పాటిస్తే.. తీవ్ర నష్టాల నుంచి బయటపడొచ్చు. అవేంటో ఇప్పుడు చూద్దాం..
Updated on: Jun 23, 2022 | 6:15 PM
స్టాక్ మార్కెట్‌లో పెట్టుబడులు పెట్టడం అంటే చాలా రిస్క్ తీసుకోవాల్సిందే. లేదంటే తీవ్రంగా నష్టపోతుంటాం. అయితే, కొన్ని టిప్స్ పాటిస్తే మాత్రం భారీ నష్టాల నుంచి తప్పించుకోవచ్చు. పెన్నీ స్టాక్స్ అంటే చిన్న కంపెనీల స్టాక్స్. వాటి ధర చాలా తక్కువగా ఉంటుంది. భారతదేశంలో 10 రూపాయల కంటే తక్కువ ధర ఉన్న స్టాక్‌లను పెన్నీ స్టాక్స్ అని పిలుస్తుంటారు. ఇటువంటి స్టాక్‌ల లిక్విడిటీ తక్కువగా ఉంటుంది. అంటే మార్కెట్‌లో ఈ స్టాక్‌లను కొనుగోలు చేసేవారు ఎక్కువ మంది ఉండరు. పెన్నీ స్టాక్స్ కొనడం చాలా ప్రమాదకరంగా కూడా మారొచ్చు. అయితే, ఈ స్టాక్స్ అధిక రాబడిని ఇస్తాయనడంలో మాత్రం ముందే ఉంటాయి. పెన్నీ స్టాక్స్‌లో పెట్టుబడి పెట్టేందుకు సిద్ధమవుతుంటే మాత్రం.. ఈ టిప్స్ కచ్చితంగా పాటించండి. అవేంటో ఇప్పుడు చూద్దాం..
పెన్నీ స్టాక్స్ ఎందుకు ప్రమాదకరం..
పెన్నీ స్టాక్‌లతో అనుబంధమైన కంపెనీలు చిన్నవిగా ఉంటాయి. వాటి సమాచారాన్ని తెలుసుకోవడం, సేకరించడం చాలా కష్టం. ఇలాంటి స్టాక్‌లలో ఎటువంటి అవగాహన లేకుండా పెట్టుబడి పెట్టడం చాలా ప్రమాదకరం. ఇటువంటి స్టాక్స్ లిక్విడిటీ కూడా తక్కువగా ఉంటుంది. అంటే మార్కెట్‌లో ట్రేడింగ్‌కు అందుబాటులో ఉన్న షేర్లు కూడా పరిమితంగా ఉంటాయి. పెన్నీ స్టాక్ కంపెనీల తక్కువ మార్కెట్ క్యాపిటలైజేషన్, తక్కువ లిక్విడిటీ కారణంగా వాటి ధరను సులభంగా మార్చవచ్చు.
అయితే, పెట్టుబడిదారులు కొన్నిసార్లు మోసానికి గురవుతుంటారు. ఆపరేటర్లు తక్కువ ధరకు ఎక్కువ షేర్లను కొనుగోలు చేస్తారు. దీని కారణంగా షేర్ ధర పెరగడం ప్రారంభమవుతుంది. రిటైల్ ఇన్వెస్టర్లు షేర్ ధర పెరగడం చూసిన తర్వాత అందులోకి ప్రవేశిస్తారు. ధర పెరిగినప్పుడు, ఆపరేటర్లు వాటాలను విక్రయిస్తారు. ఇది షేరు ధర పతనానికి కారణమవుతుంది. అందులో ఇరుక్కున్న రిటైల్ ఇన్వెస్టర్లు లోయర్ సర్క్యూట్ కారణంగా షేర్లను విక్రయించలేకపోతున్నారు. దీన్నే పంప్ అండ్ డంప్ స్కీమ్ అంటారు. పెన్నీ స్టాక్‌లను కొనుగోలు చేసే ముందు ఈ విషయాలను గుర్తుంచుకోండి..
కంపెనీ గురించి పరిశోధన అవసరం- ఏదైనా కంపెనీ స్టాక్స్ కొనుగోలు చేసే ముందు, ఆ కంపెనీ గురించి బాగా రీసెర్చ్ చేయండి. ఈ కంపెనీలు చాలా చిన్నవి. వారి గురించిన సమాచారం అందుబాటులో లేదు. కంపెనీ భవిష్యత్తు వృద్ధి, ఉత్పత్తి, పనితీరు మరియు నేపథ్యాన్ని తెలుసుకున్న తర్వాత మాత్రమే స్టాక్‌లను కొనుగోలు చేయండి.
పెట్టుబడి పెట్టే ముందు మార్కెట్‌ను అర్థం చేసుకోండి – పెన్నీ స్టాక్‌ల ధరలు స్థిరంగా ఉండవు. కాబట్టి పెట్టుబడి పెట్టే ముందు మార్కెట్‌ను అర్థం చేసుకోండి. మార్కెట్‌ను అర్థం చేసుకోవడానికి మీరు నిపుణులతో మాట్లాడవచ్చు.
పెద్ద మొత్తంలో ఖర్చు వద్దు – ఒకేసారి ఎక్కువ డబ్బు పెట్టుబడి పెట్టవద్దు. పెన్నీ స్టాక్‌లు ఎక్కువ రిస్క్‌తో కూడుకున్నవి. కాబట్టి మీరు మునిగిపోయేంత వరకు పెన్నీ స్టాక్‌లలో పెట్టుబడి పెట్టండి.
ఎక్కువ కాలం షేర్లను కలిగి ఉంటే కష్టం – పెన్నీ స్టాక్స్‌లో ఎక్కువ కాలం పెట్టుబడి పెట్టకండి. వారి షేర్ ధర వేగంగా పెరుగుతుంది. అంతే వేగంగా పడిపోతుంది. కాబట్టి షేర్లను కొనడం, మంచి రాబడి వచ్చినప్పుడు వాటిని విక్రయించడం మర్చిపోవద్దు.
ఎవ్వరినీ నమ్మొద్దు – ఈ రోజు ఇంటర్నెట్‌లో విజ్ఞానానికి కొరత లేదు. ఎవరినీ గుడ్డిగా నమ్మొద్దు. పరిశీలించి అర్థం చేసుకున్న తర్వాతే పెట్టుబడి పెట్టండి.
