Agnipath Scheme: అగ్ని వీరుల జీత భత్యాలు, అర్థిక ప్రయోజనాలు ఎలా ఉన్నాయంటే? పూర్తి వివరాలు ఇవిగో..
ఈ పథకాన్ని వ్యతిరేకిస్తూ కొందరు, ప్రశంసలు గుప్పిస్తూ మరికొందరు.. ఇలా విషయం ఏదైనా.. అగ్నిపథ్ పథకం నిరంతరంగా చర్చల్లో నిలిచింది. ఈ విషయాలను పక్కన బెడితే, అసలు ఈ పథకంలో చేరిన వారికి ఎంత డబ్బు అందనుందో ఇప్పుడు తెలుసుకుందాం.
నేడు భారతదేశంలో అత్యంత చర్చనీయాంశమైన అంశంగా అగ్నిపథ్ పథకం(Agneepath Scheme) నిలిచింది. ఆర్మీలో నాలుగేళ్లు డ్యూటీ చేయాల్సిన ఈ రిక్రూట్‌మెంట్ స్కీమ్‌పై చాలా రచ్చ జరుగుతోంది. ఒక వర్గం ఈ పథకాన్ని వ్యతిరేకిస్తూ ఆందోళనలు చేస్తోంది. దీనికి నిరసనగా ఇటీవల ఎన్నో ఘటనలు కూడా తెరపైకి వచ్చిన సంగతి తెలిసిందే. అదే సమయంలో ప్రభుత్వం, సైన్యం దాని ప్రయోజనాలను అభ్యర్థులకు, ప్రజలకు అర్థమయ్యేలా వివరిస్తున్నాయి. యువతకు అగ్నిపథ్ పథకం(Salary In Agneepath Scheme) ఎలా ముఖ్యమైనది, అదే సమయంలో ఈ పథకంపై ప్రజల మదిలో ఉన్న ప్రశ్నలను క్లియర్ చేసుకోవడం చాలా మంచిది. ముఖ్యంగా ఈ పథకంలో ఎంత డబ్బు, ఎంత జీతం వస్తుందనేది కీలకంగా మారింది. అలాగే నాలుగేళ్లపాటు ఆ జీతం అలాగే ఉంటుందా, నాలుగేళ్ల తర్వాత ఎంత డబ్బు చేతికి వస్తుంది లాంటి అనేక ప్రశ్నలు వినిపిస్తున్నాయి. కాబట్టి ఈరోజు అగ్నిపథ్ పథకంలో డబ్బుకు సంబంధించి అన్ని ప్రశ్నలకు సమాధానం తెలుసుకుందాం. దీని తర్వాత ఈ పథకం అభ్యర్థులకు ప్రయోజనకరంగా ఉందో లేదో తెలుస్తుంది.
ఎంత జీతం వస్తుంది?
ముందుగా అగ్నివీర్‌కు ఎంత జీతం లభిస్తుందో తెలుసుకుందాం. అగ్నివీరులకు రూ.30 వేలు జీతం లభిస్తుంది. అందులో రూ.21 వేలు ఖాతాలో ఉండగా, రూ.9 వేలు కోత విధిస్తారు. ఇందులో పీఎఫ్ లాంటివి మినహాయించబడవు. నేరుగా ఇవి సేవా నిధికి రూ.9 వేల తీసివేయబడతాయి. సరళంగా చెప్పాలంటే, అభ్యర్థి ఖాతాలో ప్రతి నెలా రూ.21 వేలు వస్తాయి. మిగిలినది తీసివేస్తారు.
నాలుగేళ్లపాటు జీతం అలాగే ఉంటుందా?
నాలుగేళ్లపాటు ఇదే జీతం ఉంటుందా.. లేదా, మారుతుందా? అనే ప్రశ్నకు సమాధానం తెలుసుకోవాలి. ప్రతి సంవత్సరం జీతం పెరుగుతుంది. ఉదాహరణకు, మొదటి నెలలో రూ. 30 వేలు ఇస్తారు. ఖాతాలో రూ.21 వేలు అందుబాటులో ఉంటాయి. అయితే రూ.9000లు కోత విధిస్తారు. దీని తరువాత, రెండవ సంవత్సరంలో ఈ జీతం రూ. 33 వేలు అవుతుంది. దీని తర్వాత మూడో ఏడాది రూ. 36500, నాలుగో ఏడాది రూ.40 వేలు ఇస్తారు. అదే సమయంలో, మొదటి సంవత్సరంలో రూ. 9000లు కోత విధించగా, రెండో ఏడాది రూ.21 వేల నుంచి రూ.23,100లు, మూడవ సంవత్సరంలో రూ. 25500లు, నాల్గవ సంవత్సరంలో రూ.28 వేలు ఖాతాలో పడతాయి.
జీతం కాకుండా ప్రభుత్వం ఎంత ఇస్తుంది?
రూ. 30 వేలు జీతం ఉంటుందని, ప్రతినెలా కోత పడే 9 వేలు ప్రభుత్వం తర్వాత ఇస్తుందని చాలా మంది నమ్ముతున్నారు. కానీ, అసలు విషయం అది కాదు. జీతం నుంచి మినహాయించిన మొత్తంలో ప్రభుత్వం తన తరపున అదే మొత్తాన్ని మరింతగా జమ చేస్తుంది. ఇటువంటి పరిస్థితిలో, ఉదాహరణకు మీ జీతం నుంచి రూ. 9000 కోత పడనుందని అనుకుందాం. అప్పుడు ప్రభుత్వం మీ ఫండ్‌లో రూ. 9000 కూడా డిపాజిట్ చేస్తుంది. దీంతో మొదటి ఏడాది మీ ఫండ్‌లో ప్రతి నెలా రూ.18 వేలు జమ అవుతాయి. అప్పుడు అది 19800, 21900, 24000 అవుతుంది. ఇటువంటి పరిస్థితిలో మొత్తం నాలుగు సంవత్సరాలలో మీ జీతం నుంచి రూ. 5 లక్షల రెండు వేలు తగ్గించి, అదే డబ్బును ప్రభుత్వం మీ ఫండ్‌లో పెడుతుంది.
ఉద్యోగం పూర్తయిన తర్వాత ఎంత డబ్బు వస్తుంది?
ప్రభుత్వం నుంచి రూ.5 లక్షల 2 వేలు, మీ జీతం నుంచి రూ. 5 లక్షల 2 వేలు ఖాతాలో జమ చేస్తారు. అంటే మొత్తం రూ.10.04 లక్షలు మీ ఫండ్‌లో జమ అవుతాయి. ఇటువంటి పరిస్థితిలో, సేవ పూర్తయిన తర్వాత, మీకు వడ్డీతో కలిపి రూ.10.04 లక్షలు లభిస్తాయి. నాలుగేళ్లు పూర్తి సేవ తర్వాత, మీకు రూ.11 లక్షల 72 వేలు లభిస్తాయి.
ప్రభుత్వం ఏడాదికి ఎంత డబ్బు ఇస్తుంది?
జీతం, నిధులు రెండింటినీ పరిశీలిస్తే, ప్రభుత్వం ఒక్కో అగ్నివీర్‌కు నాలుగేళ్ల సర్వీస్‌కు, ఆపై సర్వీస్ ముగిసే సమయానికి మొత్తం రూ.11.72 లక్షలు ఇస్తుంది. మరోవైపు జీతం గురించి మాట్లాడితే నాలుగేళ్లలో 11 లక్షల 71 వేల రూపాయలు. అంటే నాలుగేళ్లలో దాదాపు రూ.23 లక్షలు అందనున్నాయి.
