FD Interest Rates Hike: ఆ బ్యాంకులో ఫిక్స్డ్ డిపాజిట్ చేస్తే ఏకంగా 9.6 శాతం వడ్డీ.. సీనియర్ సిటిజన్లకు ఇక పండగే
రిటైరయ్యాక వచ్చిన సొమ్ము వారి భవిష్యత్ అవసరాలు అంటే ముఖ్యంగా ఆరోగ్య అవసరాలకు పని చేస్తుందని పొదుపు వైపు మళ్లుతూ ఉంటారు. దీంతో బ్యాంకులు, ఎన్‌బీఎఫ్‌సీలు వంటివి సీనియర్ సిటిజన్లు చేసే డిపాజిట్లపై సాధారణ పౌరులకంటే ఎక్కువ వడ్డీ రేటు అందిస్తారు.
Srinu |
Updated on: May 07, 2023 | 8:30 AM
మన దగ్గర సొమ్ము ఎంత ఉన్నా పొదుపు సూత్రం పాటించాలని నిపుణులు సూచిస్తూ ఉంటారు. ఎందుకంటే ఇప్పుడు చేసే పొదుపు భవిష్యత్‌లో మన అవసరాలకు వెన్నుదన్నుగా ఉంటుంది. ఈ విషయం అనుభవం వచ్చే కొద్దీ తెలుస్తోంది. ముఖ్యంగా ఈ విషయంలో రిటైర్ అయ్యిన ఉద్యోగులకు అనుభవం ఉంటుంది . ఎందుకంటే వారు రిటైరయ్యాక వచ్చిన సొమ్ము వారి భవిష్యత్ అవసరాలు అంటే ముఖ్యంగా ఆరోగ్య అవసరాలకు పని చేస్తుందని పొదుపు వైపు మళ్లుతూ ఉంటారు. దీంతో బ్యాంకులు, ఎన్‌బీఎఫ్‌సీలు వంటివి సీనియర్ సిటిజన్లు చేసే డిపాజిట్లపై సాధారణ పౌరులకంటే ఎక్కువ వడ్డీ రేటు అందిస్తారు. ఇటీవల ఆర్‌బీఐ తీసుకున్న చర్యల కారణంగా అన్ని బ్యాంకులు డిపాజిట్లపై వడ్డీ రేట్లను గణనీయంగా పెంచాయి. ప్రస్తుతం సూర్యోదయ్ స్మాల్ ఫైనాన్స్ బ్యాంక్ ఫిక్స్డ్ డిపాజిట్లపై 9.6 శాతం వడ్డీని అందిస్తున్నట్లు పేర్కొంది. మే 05, 2023 నుంచి అమల్లోకి వచ్చేలా ఫిక్స్డ్ డిపాజిట్లపై వడ్డీ రేట్లను సవరించినట్లు బ్యాంక్ ప్రతినిధులు పేర్కొన్నారు. బ్యాంక్ 1 నుంచి 5 సంవత్సరాల వ్యవధి ఉన్న ఎఫ్‌డీలపై వడ్డీ రేట్లను 49 నుంచి 160 బేసిస్ పాయింట్లు పెంచింది. సవరణ తర్వాత ఎస్ఎస్ఎఫ్‌బీ సాధారణ పౌరుల నుంచి 4.00 శాతం నుంచి 9.10 శాతం వడ్డీ రేటుతో 7 రోజుల నుంచి 10 సంవత్సరాలలో మెచ్యూరయ్యే రూ. 2 కోట్ల కంటే తక్కువ డిపాజిట్లను స్వీకరించడం ప్రారంభించింది. సీనియర్ సిటిజన్లకు, రూ.2 కోట్ల లోపు డిపాజిట్లపై కొత్త రేట్లు 4.50 శాతం నుంచి 9.60 శాతం వరకు వడ్డీ అందిస్తున్నట్లు పేర్కొంది. రెగ్యులర్ కస్టమర్లు ఇప్పుడు 5 సంవత్సరాల డిపాజిట్లపై 9.10 శాతం వడ్డీని పొందవచ్చని, సీనియర్ సిటిజన్లు 9.60 శాతం వడ్డీ రేటును పొందవచ్చని ఆ ప్రకటనలో బ్యాంక్ తెలిపింది.
పెరిగిన వడ్డీ రేట్లు ఇలా
1 సంవత్సరం ఎఫ్‌డీ: బ్యాంక్ సాధారణ కస్టమర్లకు 6.85% వడ్డీ రేటును, సీనియర్ సిటిజన్లకు 7.35% వడ్డీని అందిస్తోంది.
2 సంవత్సరాల ఎఫ్‌డీ: బ్యాంక్ సాధారణ కస్టమర్లకు 8.5% వడ్డీ రేటును, సీనియర్ సిటిజన్లకు 9% వడ్డీని అందిస్తోంది.
999 రోజుల ఎఫ్‌డీ: బ్యాంక్ సాధారణ కస్టమర్లకు 9 శాతం వడ్డీ రేటును, సీనియర్ సిటిజన్లకు 9.5% వడ్డీని అందిస్తోంది.
3 సంవత్సరాల ఎఫ్‌డీ: బ్యాంక్ సాధారణ కస్టమర్లకు 7.25% వడ్డీ రేటును, సీనియర్ సిటిజన్లకు 7.75% వడ్డీని అందిస్తోంది.
4 సంవత్సరాల ఎఫ్‌డీ : బ్యాంక్ సాధారణ కస్టమర్లకు 6.75% వడ్డీ రేటును, సీనియర్ సిటిజన్లకు 7.25% వడ్డీని అందిస్తోంది.
5 సంవత్సరాల ఎఫ్‌డీ: సాధారణ కస్టమర్లకు 9.1% వడ్డీ రేటును, సీనియర్ సిటిజన్లకు 9.6% వడ్డీని అందిస్తోంది.
6 సంవత్సరాల ఎఫ్‌డీ: సాధారణ కస్టమర్లకు 7.25% వడ్డీ రేటును, సీనియర్ సిటిజన్లకు 7.75% వడ్డీని అందిస్తోంది.
7 సంవత్సరాల ఎఫ్‌డీ: సాధారణ కస్టమర్లకు 7.25% వడ్డీ రేటును, సీనియర్ సిటిజన్లకు 7.75% వడ్డీని అందిస్తోంది.
8 సంవత్సరాల ఎఫ్‌డీ: బ్యాంక్ సాధారణ కస్టమర్లకు 7.25% వడ్డీ రేటును, సీనియర్ సిటిజన్లకు 7.75% వడ్డీని అందిస్తోంది.
9 సంవత్సరాల ఎఫ్‌డీ: బ్యాంక్ సాధారణ కస్టమర్లకు 7.25% వడ్డీ రేటును, సీనియర్ సిటిజన్లకు 7.75% వడ్డీని అందిస్తోంది.
10 సంవత్సరాల ఎఫ్‌డీ: బ్యాంక్ సాధారణ కస్టమర్లకు 7.25% వడ్డీ రేటును, సీనియర్ సిటిజన్లకు 7.75% వడ్డీని అందిస్తోంది.
మరిన్ని బిజినెస్ వార్తల కోసం ఇక్కడ క్లిక్ చేయండి
