5G Spectrum Auction: 5G స్పెక్ట్రమ్ వేలంలో రిలయన్స్ జియో ఆధిపత్యం.. ప్రభుత్వానికి భారీగా ఆదాయం
5G Spectrum Auction: 5G స్పెక్ట్రమ్ వేలం ప్రక్రియ ముగిసింది. దీంతో స్పెక్ట్రమ్ అమ్మకాల ద్వారా రూ.1.5 లక్షల కోట్లు ప్రభుత్వానికి వచ్చి చేరాయి. మొత్తం స్పెక్ట్రమ్లో..
Updated on: Aug 01, 2022 | 9:16 PM
5G Spectrum Auction: 5G స్పెక్ట్రమ్ వేలం ప్రక్రియ ముగిసింది. దీంతో స్పెక్ట్రమ్ అమ్మకాల ద్వారా రూ.1.5 లక్షల కోట్లు ప్రభుత్వానికి వచ్చి చేరాయి. మొత్తం స్పెక్ట్రమ్లో 71 శాతం విక్రయించబడిందని కేంద్ర టెలికాం మత్రి అశ్విని వైష్ణవ్ తెలిపారు. ప్రభుత్వం రికార్డు స్థాయిలో ఆదాయం సమకూరింది. ఊహించినదానికంటే ఎక్కువగా వచ్చినట్లు తెలుస్తోంది. ఏడో రోజు 5G స్పెక్ట్రమ్ వేలం ముగియగా, మొత్తం రూ.1.50,173 కోట్ల ఆదాయం వచ్చింది. అంటే ఇంతటి విలువైన స్పెక్ట్రమ్ను ప్రభుత్వం మొబైల్ కంపెనీలకు విక్రయించింది. ఈ ఏడు రోజుల్లో మొత్తం 40 రౌండ్ల స్పెక్ట్రమ్ వేలం పాటలు జరిగాయి. ఇందులో టెలికం కంపెనీలు జోరుగా వేలం పాటలు పాల్గొన్నాయి. ఇదే సమయంలో గత ఏడాది బిడ్ల కంటే ఈ సారి రికార్డు స్థాయిలో ఆదాయాలు నమోదైనట్లు తెలుస్తోంది. అయితే ముందుగా ప్రభుత్వానికి రూ.80000 కోట్ల ఆదాయం వస్తుందని అంచనా వేశారు. ఇందులో
రిలయన్స్ అధినేత ముఖేష్ అంబానీ రిలయన్స్ జియోమొత్తం 88,078 కోట్ల రూపాయల విలువైన 5G స్పెక్ట్రమ్ను కొనుగోలు చేసేందుకు బిడ్ చేసింది. భారతీ ఎయిర్టెల్ రూ.43,084 కోట్లకు, వొడాఫోన్ ఐడియా రూ.18,799 కోట్లకు, అదానీ గ్రూప్ కేవలం రూ.212 కోట్ల స్పెక్ట్రమ్కు బిడ్ దాఖలు చేశాయి. ఈ మేరకు టెలికాం మంత్రి అశ్వనీ వైష్ణవ్ వెల్లడించారు. ఆగస్టు 15 నాటికి ఈ స్పెక్ట్రమ్ కేటాయింపులు పూర్తవుతాయని, కొనుగోలు చేసిన స్పెక్ట్రమ్ మొత్తం 5Gతో దేశం మొత్తాన్ని కవర్ చేయడానికి సరిపోతుందని మంత్రి తెలిపారు.
ఆగస్టు 15లోపు స్పెక్ట్రమ్ కేటాయింపు వేలం వేసిన మొబైల్ కంపెనీలు రూ.7500 కోట్లు చెల్లించాల్సి ఉంది. దీని తరువాత, ప్రభుత్వం కంపెనీలకు స్పెక్ట్రమ్ను కేటాయిస్తుంది. కంపెనీలు సెప్టెంబర్-అక్టోబర్ నాటికి 5G సేవలను ప్రారంభించవచ్చు. స్పెక్ట్రమ్ వేలంలొఓ పాల్గొన్న కంపెనీలలో ముఖేష్ అంబానీకి చెందిన రిలయన్స్ జియో, భారతీ ఎయిర్టెల్, వొడాఫోన్ ఐడియా, గౌతమ్ అదానీకి చెందిన అదానీ ఎంటర్ప్రైజెస్ ఉన్నాయి. ఏడు రోజుల పాటు జరిగిన 5జీ స్పెక్ట్రమ్ వేలంలో మొత్తం నాలుగు టెల్కోలు రూ.1,50,173 కోట్ల స్పెక్ట్రమ్ కోసం బిడ్ చేశాయి. ఇందులో రిలయన్స్ జియో వాటా 59 శాతానికి చేరువలో ఉంది. రిలయన్స్ జియో రూ.88,078 కోట్ల విలువైన 5జీ స్పెక్ట్రమ్ కోసం బిడ్ చేసింది. 700 MHz స్పెక్ట్రమ్ కోసం రిలయన్స్ జియో మొత్తం 22 సర్కిల్లలో టాప్ బిడ్డర్గా ఉంది. Jio మొత్తం 24,740 MHz స్పెక్ట్రమ్ను కొనుగోలు చేసింది. 19,867 MHz స్పెక్ట్రమ్ కోసం భారతీ ఎయిర్టెల్ రూ.43,084 కోట్లకు బిడ్ చేసింది. వొడాఫోన్ ఐడియా రూ.18,799 కోట్ల విలువైన 5జీ స్పెక్ట్రమ్ కోసం బిడ్ చేసింది. అదానీ గ్రూప్కు చెందిన అదానీ డేటా నెట్వర్క్స్ 400 MHz 5G స్పెక్ట్రమ్ కోసం రూ. 212 కోట్లకు బిడ్ చేసింది.
Telecom industry responds to PM @narendramodi Ji’s telecom reforms: 5G spectrum auction grosses Rs. 1,50,173 Crore. pic.twitter.com/3lLMKbPzub
— Ashwini Vaishnaw (@AshwiniVaishnaw) August 1, 2022
టెలికాం కంపెనీలకు 5G స్పెక్ట్రమ్ కేటాయింపు తర్వాత, 2022 అక్టోబర్లో దేశంలోని అనేక పెద్ద నగరాల్లో 5G మొబైల్ సేవ ప్రారంభించబడుతుందని నమ్ముతారు. ఒక అంచనా ప్రకారం, 5G వేగం 4G కంటే 10 రెట్లు ఎక్కువ. 5G సేవ ప్రారంభమైన తర్వాత, ఆటోమేషన్ యొక్క కొత్త శకం ప్రారంభమవుతుంది. వేలం ముగిసిన తర్వాత, మొబైల్ కంపెనీలు తమ బిడ్ల కోసం డబ్బును డిపాజిట్ చేయాల్సి ఉంటుంది. దీని తర్వాత, కంపెనీలకు స్పెక్ట్రమ్ లభించిన ఎయిర్వేవ్లను ప్రభుత్వం కేటాయిస్తుంది. దీని తర్వాత కంపెనీలు సేవలను ప్రారంభిస్తాయి. మొబైల్ కంపెనీలు ఇప్పటికే దీనిని పరీక్షిస్తున్నాయి. అయితే, 5G సేవ మొత్తం దేశంలో ఒకేసారి అందుబాటులోకి రావు. ఎందుకంటే ఎక్కడ టెస్టింగ్ జరిగిందో, అక్కడ ఈ సేవ ప్రారంభమవుతుంది. ఈ జాబితాలో దేశంలోని 13 ప్రధాన నగరాల పేర్లు ఉన్నాయి. ఆ తర్వాత టారిఫ్లు తదితరాలు కూడా ప్రకటిస్తారు.
మరిన్ని బిజినెస్ వార్తల కోసం ఇక్కడ క్లిక్ చేయండి
