Bangarraju: టికెట్ల విషయంలో ఘర్షణ.. ఇదేంటని ప్రశ్నిస్తే దుర్భాషలాడిన వైనం.. పోలీసుల ఎంట్రీతో..

Bangarraju: టికెట్ల విషయంలో ఘర్షణ.. ఇదేంటని ప్రశ్నిస్తే దుర్భాషలాడిన వైనం.. పోలీసుల ఎంట్రీతో..

Bangarraju Movie: సినిమా టికెట్ల విషయంలో చోటు చేసుకున్న స్వల్ప వివాదం.. పోలీసుల లాఠీచార్జ్ వరకు తీసుకెళ్లింది.

Shiva Prajapati

|

Jan 18, 2022 | 7:38 AM

Bangarraju Movie: సినిమా టికెట్ల విషయంలో చోటు చేసుకున్న స్వల్ప వివాదం.. పోలీసుల లాఠీచార్జ్ వరకు తీసుకెళ్లింది. దాంతో అరుణ శ్రీ పిక్చర్స్ శోభ సినిమా హాల్ వద్ద ఉద్రిక్త వాతావరణం చోటు చేసుకుంది. వివరాల్లోకెళితే.. తూర్పుగోదావరి జిల్లా పెద్దాపురం పట్టణంలోని అరుణ శ్రీ పిక్చర్స్ శోభ సినిమా హాల్‌లో ‘బంగార్రాజు’ సినిమా నడుస్తోంది. ఈ సినిమాను చూసేందుకు పెద్ద ఎత్తున ప్రేక్షకులు తరలి వచ్చారు. అయితే, టికెట్ కౌంటర్ వద్ద ‘హౌస్ ఫుల్’ అని బోర్డు ఏర్పాటు చేశారు సినిమా హాల్ నిర్వాహకులు. అదే సమయంలో కొందరు బ్లాక్‌లో టికెట్లు విక్రయించారు. దాన్ని గమనించిన పలువురు యువకులు ఆగ్రహం వ్యక్తం చేశారు. అధిక ధరలకు టికెట్లు ఎందుకు విక్రయిస్తున్నారంటూ థియేటర్ సిబ్బందిని నిలదీశారు. కౌంటర్ సిబ్బందిని కూడా ప్రశ్నించారు.

దాంతో ఇరు వర్గాల మధ్య మాట మాట పెరిగి కొట్లాట వరకు వెళ్లింది. టికెట్లు ఉన్నప్పటికీ హౌస్ ఫుల్ అని బోర్డులు పెట్టి, అధిక ధరలకు టికెట్లు విక్రయిస్తున్నారంటూ ప్రేక్షకులు ఆగ్రహం వ్యక్తం చేశారు. ఈ వాగ్వాదం గురించి సమాచారం అందుకున్న పోలీసులు.. వెంటనే రంగ ప్రవేశంచేశారు. లాఠీలకు పని చెప్పి.. ఇరు వర్గాలను చెల్లాచెదురు చేశారు. ఇదిలాఉంటే.. ప్రభుత్వ ఆదేశాలను థియేటర్ల యజమానులు భేఖాతారు చేస్తున్నప్పటికీ రెవెన్యూ అధికారులు మాత్రం వాటిని పట్టించుకోవడం లేదని ప్రజలు విమర్శిస్తున్నారు.

Also read:

Blood Pressure: మీకు బీపీ ఉందా…? చలికాలంలో తీసుకోవాల్సిన జాగ్రత్తలు..!

Telangana: తెలంగాణలో విషాద ఘటన.. డబ్బుల్లేక నాలుగు రోజులుగా చెల్లి శవం వద్దే కూర్చున్న అక్క..

Dhanush-Aishwaryaa: ఆ ఇద్దరినీ ఒకటి చేసిన సినిమా.. ఐశ్యర్య, ధనుష్‌ల అందమైన లవ్ స్టోరీ..

Follow us on

Related Stories

Most Read Stories

Click on your DTH Provider to Add TV9 Telugu