CM Jagan: రహదారులపై సీఎం జగన్ ఫోకస్‌.. రోడ్ల మరమ్మతులపై అధికారులకు డెడ్‌లైన్‌..

ఏపీలో రోడ్లపై ఉన్న గుంతలను వెంటనే పూడ్చాలని సీఎం అధికారులను ఆదేశించారు. 46 వేల కిలోమీటర్ల రోడ్ల మరమ్మతులపై దృష్టి సారించాలని ఆదేశించారు. విమర్శలకు తావివ్వకుండా రోడ్ల మరమ్మతులు జరగాలన్నారు. పనులు ప్రారంభించని కాంట్రాక్టర్లను బ్లాక్‌ లిస్ట్‌లో పెట్టాలని సూచించారు. 2022 జూన్‌ నాటికి రోడ్ల మరమ్మతులు పూర్తి చేయాలని డెడ్‌లైన్‌ విధించారు. వచ్చే నెలలో కేంద్ర మంత్రి నితిన్‌ గడ్కరీ రాష్ట్రానికి వస్తున్నారని, ఈలోగా పెండింగ్‌ ప్రాజెక్ట్‌ల వివరాలు సేకరించాలని సీఎం సూచించారు. కేంద్రమంత్రికి పెండింగ్‌ ప్రాజెక్ట్‌ల వివరాలు ఇవ్వాలని, సమస్యలు పరిష్కరించేలా చర్యలు తీసుకోవాలని అధికారులను ఆదేశించారు సీఎం జగన్‌.

రహదారుల మరమ్మతులు, పునరుద్దరణపై సీఎం క్యాంప్‌ కార్యాలయంలో నిర్వహించిన సమీక్షా సమావేశానికి పురపాలక పట్టణాభివృద్ధిశాఖ మంత్రి బొత్స సత్యనారాయణతో పాటు సీఎస్‌ సమీర్‌శర్మ, ఇతర అధికారులు హాజరయ్యారు.

ఇవి కూడా చదవండి: AP Municipal Elections 2021: ఏపీలో ముగిసిన మున్సిపల్‌ పోలింగ్‌.. కుప్పంలో టీడీపీ-వైసీపీ మధ్య హోరా హోరీ..

Home Loan: అతి తక్కువ వడ్డీకి హోం లోన్ కావాలా.. ఆ బ్యాంక్‌లో అదిరిపోయే బంపర్ ఆఫర్..